Yênhx shông, Sở Txux chi, Thể thao thiaz Nuôv zax tưz tso tơưv tsưr ziv fuô lês côngz xưv cxênhz yuôx sâu tsês thiaz cxiv tsa ntâuz ntơưr puôr fênhx txux chi. Kriz têx jias kria pâuz côngz xưv cxênhz yuôx sâu tsês, têz ndâux luk nus paz max trâu côngz xưv sâu tsês puôr fênhx têx ntâuz ntơưr…trâu têx thành viên ban cxênhz yuôx sâu tsês puôr fênhx txux chi hâur tỉnh. 

Ngành Txux chi, Thể thao thiaz Nuôv zax tưz đros têx thax tsav muk cxênhz yuôx sâu tsês puôr fênhx txux chi jông trâu 9 hair nênhs tsơưs (Poz Ziz, Hmôngz, Mêx Jênhx, Cho, Poz Thơưx, Maz, Kháng, La Ha, Lok Tsuôk), trơưk 7 zav puôr fênhx txux chi jông zos li Bộ Txux chi, Thể thao thiaz Nuôv zax cêr chai tso tơưv, li: Luk haik, ntơưr sâu; pêx xênhv tênhx tus chor ntâuz ntơưr; pêx xênhv tênhx tus têx jax sênhr chêr; cêr chai; grâuv pax cênhz cưv; têx hâux lưv cênhz cưv thiaz pêx xênhv cêr pâuz ntơưr. Tưz luôv tơưv 1.517 đaiv ntơưr cxênhz yuôx sâu tsês, 143 fâu ntơưr sâu tsês têx puôr fênhx tsênhv tâu txuôs jông, kria pâuz mênhx qơư tsês, têx cưk txux por hưv jông puôr fênhx. Tsik tas li, têx ntâuz ntơưr tsênhv tâu uô jông sâu tsês, cơư đuôz, cơư luk, têz ndâux luk nus.

Đồng chí Phạm Hồng Thu, Phó Giám đốc Sở Txux chi, Thể thao thiaz Nuôv zax, kria pâuz: Đhâu côngz xưv cxênhz yuôx sâu tsês, tưz haik mênhx hâux lưv  txuôs jông thiaz huôv tsar puôr fênhx txux chi jông ntơưv cxuô hair nênhs hâur têx thax tsav. Đros ntơư, tuôr truôx pêx xênhv cêr xar, chia siaz txuôs jông thiaz huôv tsar zuk hair nênhs puôr fênhx txux chi, siz chos fuô kria pêx xênhv pâuz lơưr têx puôr fênhx taz tov txuôs jông kror muôx gri, chia njênhs njôngr thiaz côngv txuôs jông, huôv tsar puôr fênhx.

Txos nhiv no, tỉnh pêz tưz muôx 1 puôr fênhx “Jax tuôr têk sênhr chêr Poz Ziz” tâu UNESCO công nhav zos puôr fênhx txux chi hlôngr njêx muôs trâu tiz nênhs; 17 puôr fênhx tâu Bộ Txux chi, Thể thao thiaz Nuôv zax công nhav zos puôr fênhx têz qơưk li: Jax tuôr têk sênhr chêr Poz Ziz; ntơưr Poz Ziz lâuk; grâuv pax Hết Chá ntơưv hair nênhs Poz Ziz đơưz, jok Áng, xã Đông Sang, Mộc Châu; kênhx Hmôngz; grâuv pax sâu suz thiaz tơưv lâus trâu Hmôngz tsôngk hnar; đaz kruôk Cho nhav têx tuz hloz tiar nênhs; tơưv lâus trâu hair nênhs Cho tsôngk hnar; đaz kruôk Pang A ntơưv hair nênhs La Ha; đaz kruôk Mêx Jênhx; đaz kruôk Xé pang Á ntơưv hair nênhs Kháng; đaz kruôk Nox tsiaz 14 luz 7 hli ntux ntơưv hair nênhs Poz Ziz đơưz huyện Phù Yên, Quỳnh Nhai...

Iz chas ntơư, tỉnh pêz tsênhv đros têx tỉnh: Hòa Bình, Thanh Hóa, Ninh Bình, Phú Thọ, Đắk Lắk, thành phố Hà Nội thiaz Viện ntâuk trax siz chos sâu tiar ntâuz ntơưr puôr fênhx txux chi “Đaz kruôk Mêx Jênhx” piar UNESCO công nhav zos puôr fênhx txux chi chia zênhx max tâu por hưv. Fuô têx puôr fênhx têz qơưk, Unesco công nhav, paz txuôs jông, huôv tsar thiaz kruôk cxuô hair nênhs puôr fênhx txux chi jông kror muôx gri.

Taz sik, hâur ntu cxênhz yuôx, sâu tsês, tsuôk zos uô tâu hâux lưv suôr têx ntâuz ntơưr thơưx jâus, sâu bê têx puôr fênhx tưz cxênhz tâu. Luz cênhz tiv zos nhiax pênhr paz trâu côngz xưv cxênhz yuôx sâu tsês puôr fênhx txux chi tsơưs. Têx nênhs uô hâux lưv cxênhz yuôx sâu tsês puôr fênhx tsik pâuz mênhx luk ntơưr, cêr chai, puôr fênhx, li ntơư uô trâu côngz xưv cxênhz yuôx sâu tsês puôr fênhx txux chi njiz ntâu cêr txov nhêv. Tsưr têx puôr fênhx txux chi tsik pâuz tas lơưr têx puôr fênhx txux chi kror muôx gri, li ntơư hâux lưv sâu, zok nriar, khơưs tsês njiz cxuô cêr phiv liv.

Chia đơưk têx cêr chor nhov no, ntu zuôr txos, Sở Txux chi - Thể thao thiaz Nuôv zax tror saz lax trâu UBPX tỉnh xair tâu ntâu têx lênhx nênhs cxênhz yuôx sâu tsês txơưx uô hâux lưv, paz tâu zênhx max trâu côngz xưv nhiv no. Muôx cêr chai paz trâu têx cưk txux kria pâuz, txuôs jông têx puôr fênhx txux chi zênhv hnuz zênhv pôngz lơưv jux juk. Đros trâu têx cưk txux muôx ntâu shông, tsuv muôx cêr chai paz, ntuôk zênhx max. Tsik tsês fuô kria, zaz zâuv sơưr đơưk txuôs jông puôr fênhx txux chi kror muôx gri./.