Tas nro tỉnh nhiv no muôx yax 15.000 qơư uô tơưv kôngz txir, jov tsês, uô luôv nox hâuk, kar nox tâus cêr phố, tsêr mor sơưr đơưk nox; hâur ntơư muôx 4.820 qơư uô luôv nox hâuk. Ntơưv têx thax tsav nuôv zax huôv tsar li Thax tsav nuôv zax têz qơưk Mộc Châu, Tà Xùa, Ngọc Chiến, cxênhz yuôx kar nox hur ntơưv têx tsêr nox hâuk, tsêr kruô thiaz qơư uô nox hâuk tâu lês tsik tsês, yax hlo mak chaix chôngz nênhs, gruôv pax thiaz têx cxênhx xưv chôngz nênhs.

Ntơưv Thax tsav nuôv zax têz qơưk Mộc Châu nhiv no muôx jê 900 qơư uô luôv nuôv zax, hâur ntơư yax 400 qơư uô nox hâuk. Hâur sha hnuz kriz Tuần Txux chi- Nuôv zax Mộc Châu 2026, têx tsêr nox hâuk ntơưv têx phường Mộc Châu, Mộc Sơn, Thảo Nguyên thâuv tưs cux chôngz kruô. Ntâu qơư nhoz jê thax tsav kriz ntâu nuv tsuv uô cov tas jos trâu tar su thiaz zar hmo. Cias jâus tsa tâu Têz qơưk nhiv kruôr đhâu, Thax tsav nuôv zax têz qơưk Mộc Châu tok 338.300 pưs kruô nuôv zax, txênhz yax 87% têx kruô nuôv zax hur si tỉnh; hâur ntơư, kruô nuôv zax nhoz đhâu hnuz hmo yax 60.770 pưs, sir tas têx qar tsêr kruô nhoz yax 90%.

Têx kruô chôngz tưz zos cêr cxơưx xênhz lox txos têx tsêr huv, qơư uô nox hâuk cux tsar đros. Ntơưv tsêr huv Tuân Gù, nhoz jê qơư nthuôr têx hâux lưv zov chinhr ntơưv Tuần Txux chi – Nuôv zax Mộc Châu, trôngx nox khênhr ntov gâuk thâuv chôngz nênhs. Chôngz kruô taz sik khov uô hur si, kar nox nhaz xênhz tsik so tâu tsêr huv saiz uô ntêx hlo. Zơưs Nguyễn Đình Tuân, tsưr tsêr huv, thav pâuz: Tsêr huv tsik so saiz hloz cxênhz yuôx têx kar nox nhôngk tsiak zuôr lok, chok nxiak tsêr mor uô jâuz mor nox hur thiaz yôngv siaz cêr to tâuz ntơưv nênhs uô jâuz mor, paz taz têx kruô cê nox kaz, cê nhaz xênhz.
Tsik zos ntơưv Mộc Châu, têx phường đruôz đrôngs ntơưv tỉnh, ntâu tsêr huv kriz têx zav kar nox txơưv zênhx chia trâu têx kruô nox. Đros têx kar nox cênhz cưv, taix khov qơư uô tơưv kar nox thiaz tsưr ziv uô ntơưv têx tsêr huv nox. Pos Quàng Thị Cương, tsưr tsêr huv nox Nàng Ban Sính Quang, phường Chiềng Cơi, thav pâuz: Tsêr huv nox uô têx zav kar nox tiz nênhs Poz Ziz, tsưx faz uô thiaz têx txux lov cênhz cưv; xair têx kar nox, txux lov hur ntơưv zuk thax tsav, uô tâu kar nox hur, chia trôngx hno cê muôx txux chi, cê huv têx kruô siaz nhiav.

Zơưs Nguyễn Mạnh Đức, Giám đốc Chi cục Nhaz xênhz kar nox tỉnh, thav pâuz: Côngz xưv chok nxiak kar nox nhaz xênhz fuô lês trơưk tsưr ziv phaiz cấp, saiz hloz phênhv shuôv ntơưv yênhx cấp, ngành, thax tsav thiaz tsik so côngv ngành hâur cxênhz yuôx kar nox hur. Yênhx shông, đơn vị kriz têx jâus cxênhz yuôx chôngz nênhs, tsik so sox njôngr ntơưv têx cxênhx xưv lox; ndo njôngr faz phax tar, kho đơưk têx zav muôx yưv lol sâuv kar nox thiaz têx zav tâu moz tiv nox hâuk.

Chok nxiak muôx liv thiaz nhaz xênhz trâu têx kruô, têx ngành tâu chai ntơưv tỉnh tưz cxênhz yuôx jê 320 thax qơư uô luôv nox hâuk nuôv zax, zênhx max pov, tik cêr cxâuv têx nênhs zuôv chai. Côngz xưv cxênhz yuôx têx qơư nox hâuk tâu lês tsik tsês. Têx cơ quan tâu chai tưz đros Cục Nuôv zax têz qơưk Việt Nam cxênhz, yuôx côngk nhav hov txix 4 - 5 hnuz kuz trâu têx tsêr kruô lox; cxênhz, yuôx, tso chai thiaz fuô tâu txâuk chai taz kruô nuôv zax trâu jê 190 kror qơư uô luôv nox nhoz so, đros 9 qơư zuôr muôs, uô kar nox, thể thao, uô si lov jêv.

Cêr saiz car ntov ntơưv têx cơ quan tâu chai đros cêr to tâuz, phênhv shuôv ntơưv yênhx qơư uô luôv zuôr paz muôx qơư nuôv zax nhaz xênhz. Chia txix li, iz qar tsêr uô mor hur, iz zav kar nox kaz thiaz hur, iz trôngx têz Sơn La nhiav kruô tror nqa muk đêz đar, yênhx luk chơư têx kruô nuôv zax tror tuôx trâu trôngx têz tos Kâuv Têz hnuz pôngz.