Chox pêz muk shuôk tsêr vak chos txir lưk suôr taz tov hloz jông, txi txir ndư, zơưs Sáu tưz thav txos hâux lưv hlôngr yiaz cêr xar hâur huôv tsar kôngz lông. Đrav ntêx, zơưs ziv nênhs phênhv ntâu chos poz cưk, txir khơưz; chos kôngz tsuôk zos tok nrư ntu yar ntu nas, cêr sâu nju thiaz gri nhiax tsik truôx njês. Sir jos zok nriar tsưr ziv uô nox yiaz, zơưs tưz moz siaz ndis shuôk, cơưv shâuv têx tsưr ziv chos ntông nox txir hâur tỉnh thiaz oz chas tỉnh.
Shông 2018, zơưs tưz muôx pênhr xưv hlôngr chos thênhx caz trâu yax 3.000 thiar xưv phaz têz chos txir khơưz tsik jông, tov kaz iz phênhv tưs kriz đar tsưr ziv ntơư. Txos nhiv no, zơưs ziv nênhs muôx yax 4 ha thênhx caz, tâu por hưv trơưk faz hữu cơ, moz siaz huôv tsar cxênhx cxênhv huôv tsar kôngz lông hur thiaz hlôngr yiaz kôngz txir nox.

Pov tâu zênhv hnuz zênhv muôx chôngz lênhx nhiav zuôr jâuz graix hur lok uô nox, zơưs tror zok nriar tsưr ziv chos txir lưk suôr sir zôngv chuôz zênhx jông. Hâu shông 2024, zơưs ziv nênhs tưz cxưx yax 2 tỷ nhiax cxiv puôz tsêr vak, đhos chuôz zênhx tưx zưs đêx, pak ntiv đêx thiaz cxiv kho ar chia chos txir lưk suôr trơưk tsưr ziv hur.

Viv tưx tsov xav tsưr ziv zôngv chuôz zênhx jông, yênhx shông zơưs ziv nênhs tưz sâu tâu yax 120 tấn txir lưk suôr, yax 100 tấn thênhx caz, đros ntơư tsênhv chos jâuz trơưk chaix. Têx hax huv no tâu muôs truôx njês trâu Hà Nội thiaz têx tỉnh tos Kâuv têz, xav fênhx đraz sâu tâu yax 4 tỷ nhiax/shông.

Trơưk li zơưs Sáu kria: Hlôngr chos trơưk cxênhx cxênhv VietGAP, sir zôngv chuôz zênhx jông trâu tsưr ziv kuz, taix nus tsuv tas ntâu nhiax pênhr thiaz txơưx pâuz tsưr ziv yiaz. Viv li, cur ziv nênhs cê uô cê shâuv, ndis shuôk cơưv shâuv têx tsưr ziv uô nox muôx kaz hâu chia muôz lok sir zôngv fiv huv zuk đêx ar huôz chuô thax tsav. Moz siaz saz lax tsưr ziv, siz chos huôv tsar kôngz txir nox thiaz zok nriar nênhs zuôr tas zuk chor huv, iz phênhv tưs hlôngr yiaz muôx kaz hâu nhiax txiax.

Txix tsưr ziv uô muôx kaz hâu ntơưv zơưs Sáu ziv nênhs, cêr sik tưr hlôngr yiaz nôngz kôngz chos, zôngv chuôz zênhx jông ntơưv tiểu khu Tân Lập zênhv hnuz zênhv tsik tsês huôv tsar. Ntâu ziv nênhs tưz muôz nhiax chos kôngz txir nox hur, iz phênhv tưs hlôngr yiaz tsưr ziv huôv tsar kôngz lông tsơưs tsik nhoz uô cê. Shông 2023, 8 ziv nênhs hâur tiểu khu tưz côngv cxiv tsa HTX Sir zôngv chuôz zênhx jông Tân Lập, siz paz tsưr ziv uô nox yiaz thiaz siz chos uô luôv hax huv.

Zơưs Vũ Văn Hiệu, Giám đốc HTX Sir zôngv chuôz zênhx jông Tân Lập, haik tiak: Zơưs Nguyễn Văn Sáu zos thành viên lok six moz siaz khưr, txơưx pâuz cêr lax luôv, tưx tsov xav tsưr ziv cơưv shâuv thiaz muôx pênhr xưv cxưx nhiax huôv tsar kôngz lông. Txơưv muôx ntâu shông, taz sik zơưs tsênhv moz siaz kria pâuz tsưr ziv uô nox yiaz trâu têx thành viên cơưv shâuv thiaz uô trơưk. Tsưr ziv huôv tsar nhiax txiax ntơưv zơưs ziv nênhs tưz chuôz jos chia paz ntâu ziv hâur thax tsav hlôngr yiaz cêr xar, sir jos huôv tsar kôngz lông trơưk faz hlôngr yiaz. 

Txix đaiv têz chos kôngz tsik jông txos tsưr ziv chos ntâu têz kôngz sir zôngv chuôz zênhx jông, txox cêr cxiv tsa luz nênhx bluô nux ntơưv zơưs Nguyễn Văn Sáu kria pâuz kror muôx kaz hâu ntơưv cêr gruôs khưr, xar tâu uô tiar thiaz tsik tsês cơưv shâuv tsưr ziv uô nox yiaz. Luôs hâux lưv no taz tov paz huôv tsar kôngz lông hur, siz chos uô nox truôx njês, cxơưz tuz kông hâur thax tsav sâu nzir nhiax zôngv.