Côngv đros Paz côngz xưv saz tỉnh Sơn La muôx đồng chí Nguyễn Việt Cường, Phó Chủ tịch HĐPX tỉnh, hlôngr njêx muôs thơưx car têx sở, ban, ngành ntơưv tỉnh.

Paz côngz xưv tưz muk shuôk qơư chos thênhx caz (Navel Úc) ntơưv phường Vân Sơn huôv tsar trơưk faz muôs txir thiaz yênhx thax qơư cxaik zênhx zav gruô hu tâu chôngz lênhx kruô nuôv zax, paz sâu nju nhiax txiax.

Paz côngz xưv tưz muk shuôk qơư chos yuôx zêx ntơưv Vinatea Mộc Châu, ndis shuôk Làng yuôx zêx Mộc Châu ntơưv phường Thảo Nguyên. Ntơưv thax qơư no, Paz côngz xưv muk shuôk tsưr ziv cxiv tsa, huôv tsar côngz bê yuôx zêx Mộc Châu, tsưr ziv tu, ciz yuôx zêx thiaz têx zav muôx txơưv chia uô kôngz lông đros trâu huôv tsar nuôv zax ndis shuôk, uô si.

Nhiv no, tsêr luôv saiz car yax 550 ha yuôx zêx (phênhv ntâu zos yuôx zêx Shan Tuyết tâu chứng nhav kria pâuz qơư chos), xav đê tâu yax 10.000 tấn njik nhôngs 2.300 tấn yuôx zêx kruôr hâur iz shông. Ntâu zav hax huv jông ntơưv đơn vị tưz tâu muôs muk trâu oz chas têz. Iz chas ntơư, Vinatea Mộc Châu tsênhv moz siaz huôv tsar kôngz lông đros trâu huôv tsar nuôv zax đhâu kror qơư "Làng yuôx zêx Mộc Châu".

Txuôk nzir, Paz côngz xưv tưz muk shuôk Vax lôngs Dairy Farm, Công ty cổ phần Nôngz nhux tso cuô mik Mộc Châu, phường Thảo Nguyên. Paz côngz xưv tưz tâu mnôngs kria pâuz lok sâuv tsưr ziv tu nhux, sir zôngv têx chuôz zênhx yiaz thiaz tuôr xav huôv tsar tsưr ziv tu, zus nhux tso cuô mik hâur ntu nênhx yiaz đros trâu pâur muôs têx hax huv

Đhâu muk shuôk têx qơư ntơư, đồng chí Phoi Khăm - Hùng Bun Nhuông tưz kruôk txos kror moz siaz sir jos thiaz lês tâu jông hâur huôv tsar nhiax txiax sir zôngv tsưr ziv yiaz, kôngz lông hur đros trâu huôv tsar nuôv zax ntơưv tỉnh Sơn La. Đồng chí Bí thư Tỉnh ủy, Chủ tịch HĐPX tỉnh Xay Sổm Bun xar cov hâur ntu zuôr txos, tỉnh Sơn La zuôr tror saz lax, siz chos kria nzir tsưr ziv chos ntông nox txir trâu ntơưv tỉnh Say Xổm Bun, cxơưz paz muôx nzir cêr thôngx, siz trâus jông txix li oz tỉnh.

Uô ntêx ntơư, Paz côngz xưv tỉnh Xay Sổm Bun đros Paz côngz xưv ntơưv tỉnh Xiêng Khoảng thiaz tỉnh Hủa Phăn tưz muk shuôk qơư chos na ntơưv Hợp tác xã Mế Lếch, xã Mai Sơn.