Côngv jias cơưv muôx têx đồng chí hâur Thường trực Tỉnh ủy; têx đồng chí Ủy viên Ban Thường vụ Tỉnh ủy, Thường trực HĐPX, UBPX, Ủy ban MTTQ Việt Nam tỉnh; thơưx car iz cxia sở, ngành cik txos.

Hâur jias cơưv, Ban Thường vụ Tỉnh ủy tưz saz lax, muôx ndâux luk trâu têx ntâuz ntơưr zos Đảng ủy UBPX tỉnh khov lok sâuv tso chai cxênhz yuôx, khơưz kror thênh ntơưv thax tsav Suối Lúa - Suối In, xã Tân Phong; hâux lưv kho đuô tsưr ziv muôz nhiax lês Dự án Tsêr mair tênhz điện Nậm Trai 3; khov muôz nhiax lês Dự án kho đuô, cxaz nzir chuôz zênhx trâu cơ quan Báo thiaz Xor tôngx chuô, Xa đuôz Sơn La; tsưr ziv muôz nhiax lês Dự án cxaz nzir chuôz zênhx trâu Yar cơưv Chính trị tỉnh cov tsưx truôx hâux lưv txâuk chai ntu 1, sir jos cov txâuk chai ntu 2 hâur ntu 2026-2030; hâux lưv zuôr ndâux luk lok sâuv cêr tuôr xav têx paz côngz xưv oz chas tỉnh tuôx uô hâux lưv thiaz thơưx car hâur thax tsav zos Bộ Chính trị, Ban Bí thư saiz car muk uô nuv trâu qơư txơưr hâur shông 2027.

Têx đại biểu muôx ndâux luk trâu ntâuz ntơưr ntơưv Đảng ủy UBPX tỉnh lok sâuv tso chai cxaz nzir six hơưv lês Dự án Cxiv puôz đrôngs số 1, phường Chiềng Sinh; kria hâux lưv đơưk têx cêr phiv liv ntơưv Công ty TNHH Mỏ Nikel Jok Phúc; hâux lưv lês Dự án muôz nhiax uô txox cêr yêz muk chênhr Hòa Bình - Mộc Châu, ntu thax tsav tỉnh Sơn La thiaz tsưr ziv bax lês Dự án cxiv puôz txox cêr yêz muk chênhr Mộc Châu - Sơn La - Điện Biên (CT.03), ntu hâur thax tsav tỉnh Sơn La; hâux lưv lês têx dự án tưz tâu Ban Thường vụ Tỉnh ủy, Ban Chấp hành Đảng bộ tỉnh muôx ndâux luk lês hâur têx hli kaz shông 2026; hâux lưv đơưk têx cêr phiv, chor nhov, tu tiar têx dự án tuôr thênhv ntêr hnuz hâur thax tsav tỉnh...

Cux hâur jias cơưv, Ban Thường vụ Tỉnh ủy tưz mnôngs Paz Cxênhz yuôx kria pâuz hâux lưv zuôr ndâux luk trâu tsov xav ntâuz ntơưr Kria pâuz hâux lưv cxênhz yuôx trâu Đảng ủy thiaz têx đồng chí Ủy viên Ban Thường vụ Đảng ủy Quân sự tỉnh; đros ntơư saz lax ntâuz ntơưr khov ntơưv Ban Tổ chức Tỉnh ủy lok sâuv côngz xưv tổ chức, cán bộ. 

Muôx luk hâur jias cơưv, đồng chí Hoàng Văn Nghiệm zok trâu Đảng ủy UBPX tỉnh chox car UBPX tỉnh sâu tsês têx đồng chí Ủy viên Ban Thường vụ Tỉnh ủy ndâux luk côngv; cxênhz yuôx têx dự án, lês tiar ntâuz ntơưr trơưk đraiv chai; saz lax, tso chai lês têx dự án, tsi njênhk tâu jông; cxênhz yuôx, cxiz ntov nti hâur ntu lês têx dự án; đơưk zênhx max têx cêr phiv liv, chor nhov muôx yưv; muôx phênhv shuôv trâu têx ntâuz ntơưr tưz xa trâu Ban Thường vụ Tỉnh ủy.

Haik txos Dự án kho đuô, cxaz nzir chuôz zênhx trâu Cơ quan Báo thiaz Xor tôngx chuô, Xa đuôz Sơn La thiaz Dự án cxaz nzir chuôz zênhx trâu Yar cơưv Chính trị tỉnh tsưx truôx txâuk chai ntu 1, sir jos cov txâuk chai ntu 2 hâur ntu 2026-2030, Đảng ủy UBPX tỉnh chox car UBPX tỉnh kriz cơưv chia tso xav muôz nhiax chia lês dự án; kriz cxênhz, saz lax chia cov lês trơưk đraiv cêr chai têz qơưk, tsi njênhk tâu jông, fiv huv, tsik chia tuôr xuôv pênhr nhiax têz qơưk; xa ntâuz ntơưr zuôr Ban Thường vụ Tỉnh ủy trơưk Cêr chai uô hâux lưv ntơưv Ban Chấp hành Đảng bộ tỉnh.

Lok sâuv Dự án Cxiv kho đrôngs số 1 phường Chiềng Sinh, Đảng ủy UBPX tỉnh sâu tsês têx ndâux luk, chox car UBPX tỉnh saz lax tsưr ziv muôz nhiax thiaz quyết định trơưk vax huôv; đros ntơư, quyết định kho đuô six hơưv tưz tâu chos luk chia lês dự án; moz siaz tu cov tâu têx cêr phiv liv, chor nhov, kriz fuô lês dự án trơưk đraiv cêr tuôr xav  tso tơưv.

Cik txos muôz nhiax têz qơưk lês hâux lưv thiaz tu têx dự án njiz cêr phiv liv, chor nhov, tuôr thênhv ntêr hnuz hâur thax tsav tỉnh, đồng chí Bí thư Tỉnh ủy cxiz Đảng ủy UBPX tỉnh chox car UBPX tỉnh moz siaz fuô lês, zok hâux lưv mênhx pêv hâur lês cêr tuôr xav muôz nhiax chia lês hâux lưv trâu têx ban saiz car dự án, têx sở, ngành thiaz xã, phường; cxiv tsa cêr tuôr xav mênhx pêv trơưk tuần, hli, tuôr xav mênhx hâux lưv six hơưv lês tiar. Ban Tổ chức Tỉnh ủy, Ủy ban Cxênhz yuôx Tỉnh ủy tror siz khov, muôx tsưr ziv lês cov tâu jông côngz xưv cán bộ; saz lax, hlôngr qơư uô hâux lưv, cxênhz yuôx thiaz tik cêr cxâuv trâu têx cán bộ cxâuv chai. Hâux lưv cxênhz yuôx zuôr zos hâux lưv zov chênhr chia kria pâuz têx zav lês tâu thiaz tsik tâu, xair cán bộ hâur kaz shông.