Côngv jias cơưv muôx têx đồng chí: Phan Văn Hùng, Lưv thơưx Ban Siz tưr - Kruộk Trung ương; Nguyễn Mạnh Hùng, Ủy viên Ban Thường vụ Tỉnh ủy, Phó Chủ tịch Thường trực Ủy ban MTTQ Việt Nam tỉnh; têx thành viên Hội đồng Siz tưr - Kruôk tỉnh. 

9 luz hli shông 2026, Hội đồng Siz tưr - Kruôk tỉnh tưz moz siaz saz lax trâu UBPX tỉnh, Chủ tịch UBPX tỉnh tso tơưv têx ntâuz ntơưr chox car, fuô lês côngz xưv siz tưr, kruôk. Hur si tỉnh tưz tsưx truôx 6 cụm, 59 khối siz tưr đros trâu 826 đơn vị côngv; 100% cụm, khối siz tưr tưz kriz chos luk siz chos lês cêr siz tưr shông 2026. Têx cêr siz tưr nhiav têz, nhiav qơư tâu fuô lês đros trâu têx hâux lưv chính trị, cêr tuôr xav huôv tsar nhiax txiax - xã hội ntơưv tỉnh. Côngz xưv fuô kria, cxênhz pov thiaz kriz đar têx qơư lês tâu hâux lưv jông tâu moz siaz txos. Txos hnuz 15/9/2026, hur si tỉnh muôx 265 paz pơưs, tus khênhx tâu kruôk cấp Têz qơưk; cấp tỉnh kruôk 1.977 paz pơưs, tus khênhx. 

Muôx luk chox car jias cơưv, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh, Chủ tịch Hội đồng Siz tưr - Kruôk tỉnh cxiz cov têx thành viên Hội đồng Siz tưr - Kruôk tỉnh, têx sở, ban, ngành, thax tsav nthuôr huôv cov tâu jông đuô qơư sơưr, phênhv shuôv, moz siaz saz lax thiaz kriz lês têx hâux lưv tâu zok. Cxaz nzir phênhv shuôv trâu tus thơưx car; tuôr xav ntơư zos hâux lưv lês tsik tsês, đros đraiv têx hâux lưv chính trị ntơưv yênhx cơ quan, đơn vị, thax tsav. Kriz têx cêr siz tưr cov fiv huv, mênhx pêv, đros đraiv têx hâux lưv huôv tsar nhiax txiax - xã hội, por hưv njias to thax tsav tỉnh. Lês côngz xưv siz tưr kruôk cov zos, lês trâu sơưr đơưk pov njôngr, ndax ndênhk; moz siaz kruôk txos têx paz pơưs zâu, nênhs uô hâux lưv, têx nênhs lês tâu nuv jông ntơưv thax tsav tox siaz, đêz đrôngs, thax tsav đriv têz. Moz siaz cxênhz yuôx, đơưk zênhx max têx cêr phiv liv, chor nhiv hâur lês cêr siz tưr thiaz lês têx cêr chai kruôk.

Cias tov kaz jias cxênhz têx hâux lưv hâur 9 luz hli shông 2026, Hội đồng Siz tưr - Kruôk tỉnh tưz kriz Jias cơưv puz ntơưr kruôk trâu têx nênhs lês tâu hâux lưv coz.

Hâur jias cơưv, Sở Nội vụ tưz fuô têx quyết định ntơưv Chủ tịch têz qơưk lok sâuv muôz 11 Côngz mênhx uô hâux lưv hov Iz, 21 Côngz mênhx hov Oz, 18 Côngz mênhx lês hâux lưv hov Pêz trâu 50 lênhx nênhs lês tâu hâux lưv jông hâur ntu lês côngz xưv, cxơưz paz trâu xưv cxênhx cxiv tsa chủ nghĩa xã hội thiaz por hưv Têz qơưk; puz côngz bê Chiến sĩ siz tưr hur si têz qơưk trâu 1 tus khênhx.

Muôx luk phôngv côngz têx tus khênhx tâu puz Côngz mênhx, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh, Chủ tịch Hội đồng Siz tưr- Kruôk tỉnh tưz kruôk thiaz uô tsâus txos têx cêr paz hâur ntu lês côngz xưv cxiv tsa thiaz huôv tsar thax tsav, têz qơưk. Đros ntơư, xar cov têx đồng chí zuôr tror nthuôr huôv jông qơư sơưr, zos luz tsov iar trâu têx cán bộ, đảng viên thiaz fâuv hluôs lês trơưk; tror cxơưz paz trâu xưv cxênhx cxiv tsa thiaz huôv tsar tỉnh.

Ndax jias no, tỉnh Sơn La tưz uô tsâus txos kror moz siaz cxơưz paz, siz khov ntơưv Ban Siz tưr - Kruôk Trung ương hâur côngz xưv siz tưr, kruôk haik tas nro thiaz hâux lưv lês têx ntâuz ntơưr khov kruôk trâu têx tus khênhx hâur ntu lês hâux lưv haik khênhx.