Côngv jias shâuv tuô hluôr tơưk muôx đồng chí: Thiếu tướng Nguyễn Minh Tuấn, Ủy viên Ban Thường vụ Tỉnh ủy, Giám đốc Công an tỉnh; Nguyễn Thành Công, Phó Chủ tịch UBPX tỉnh, Thơưx Ban Chox car jias shâuv tuô hluôr tơưk cuz; têx đồng chí thành viên Ban Chox car, thơưx car iz cxia sở, ban, ngành, UBPX têx phường Chiềng Cơi, Tô Hiệu.

Jias shâuv tuô hluôr tơưk muôx 2 phênhv: Lês cêr chai chox car thiaz shâuv tuô hluôr tơưk. Tov kaz shâuv lês cêr chai tưz gruô hu têx nênhs côngv lês hâux lưv tuô hluôr tơưk cuz thiaz nriar chơưv tiz nênhs, đros trâu hâux lưv pir txưr: Pov muôx yưv hluôr tơưk cuz lox hâur thax tsav thiaz txaik trâu têx tsêr nhoz trâu iz ndis. Cuz tơưs tưz uô piav txos trâu iz cxia tsêr, uô trâu iz cxia nênhs trâus moz, tơưv tsik đhâu qơư phiv liv. Thâuv têx nênhs cias ntơưv qơư taz tov tuô hluôr tơưk cuz, chơưv tiz nênhs, tror muôx yưv cuz nhniaz hâur qơư tso yêz hâur Trung tâm thương mại Vincom. Hluôr tơưk cuz lok six hloz, qho pa trâu ntâu thax qơư. Nzaz nzơưv muôx yưv hluôr tơưk cuz iz cxia nênhs tưz tuz saz, nhnias chuôz tav.

Txix li têx hâux lưv phiv liv muôx yưv ntơư, Ban Chox car thiaz Ban Chỉ huy tưz gruô hu yax 40 cơ quan, đơn vị đros trâu yax 600 lênhx đros trâu 200 yêz, chuôz zênhx cxuô zav siz chos tuô hluôr tơưk cuz, chơưv tiz nênhs, njias chuôz tav thiaz cxov têx nênhs tuz saz.

Txix li hâux lưv gruô hu zênhx max tiz nênhs thiaz fuô lês ntov nti, cxix cxuô, zênhx max têx tsưr ziv. Tov kaz zuôr luôs 1 six hơưv txix thâuv pov yưv hluôr tơưk cuz, mak tưz tuô tâu hluôr tơưk tuôs hur tiz si. Têx nênhs muôx vax huôv tưz siz chos côngv cxênhz thax tsav chia cov pâuz mênhx luz cênhz yưv hluôr tơưk cuz hâur thax tsav. Jias shâuv tuô hluôr tơưk tưz tâu kriz trơưk đraiv cêr tuôr xav tso tơưv, tsi njênhk por hưv tâu jông tiz nênhs thiaz têx chuôz tav.

Muôx luk jias no, đồng chí Nguyễn Thành Công haik tiak: Đhâu jias shâuv tuô hluôr tơưk no, chia cxaz nzir cêr pâuz, phênhv shuôv trâu têx cơ quan, đơn vị, tsêr luôv thiaz pêx xênhv hâur lês têx cêr chai lok sâuv por hưv phax tar tuô hluôr tơưk cuz thiaz nriar chơưv tiz nênhs; moz siaz lês jông njiaz luk “4 cias ntơưv qơư”. Đros ntơư, lês tiar cêr chai siz khov txix li têx lực lượng Cảnh sát Phax tar tuô hluôr tơưk cuz thiaz nriar chơưv tiz nênhs thiaz têx nênhs cik txos, cxaz nzir pênhr xưv chox car tu têx hâux lưv thâuv muôx yưv cuz, tơưs hâur thax tsav.

Ndax jias no, UBPX tỉnh tưz puz Ntơưr kruôk trâu 3 paz pơưs, 5 tus khênhx; Giám đốc Công an tỉnh, UBPX phường Tô Hiệu, Chiềng Cơi puz ntơưr kruôk trâu 13 paz pơưs, 44 tus khênhx lês tâu jông hâux lưv hâur jias cơưv shâuv tuô hluôr tơưk cuz.