Đros muk muôx têx đồng chí: Nguyễn Đình Việt, Phó Bí thư Tỉnh ủy, Chủ tịch UBPX tỉnh; Đào Tài Tuệ, Ủy viên Ban Thường vụ Tỉnh ủy, Giám đốc Sở Xây dựng; hlôngr njêx muôs têx sở, ban, ngành ntơưv tỉnh, oz xã Mường Bang, Mường Cơi thiaz tsưr cxưx nhiax lês dự án.

Dự án Tênhz điện tích năng Đông Phù Yên zos Công ty TNHH Xuân Thiện Ninh Bình uô tsưr cxưx nhiax, tâu UBPX tỉnh Sơn La tso chai lês hâux lưv trơưk Quyết định số 2266/QĐ-UBPX hnuz 30/8/2026. Dự án lês hâux lưv tas yax 27.870 tỷ đaiv, xav uô tâu 1.200 MW, fuô lês hâur 2 ntu: Ntu 1 txix hli 1 txos trâu hli 3 shông 2027 txos shông 2030, xav uô tâu 900 MW; ntu 2 txix hâu shông 2031 txos shông 2032, xav uô tâu 300 MW. Thâuv uô tiar, dự án tuôr xav zuôr uô tâu 1,5 tỷ kWh điện iz shông paz trâu điện têz qơưk.

Dự án sir zôngv yax 425 ha ar, hâu ntơư yax 414 ha ntơưv xã Mường Bang, 10,3 ha ntơưv xã Mường Cơi; đros ntơư cxaz nzir 15 ha ar chia pêx xênhv nhoz ntơưv jok Lằn, xã Mường Bang. Nhiv no, têx sở, ngành ntơưv tỉnh thiaz nov hâu thax tsav taz tov siz khov đros trâu tsưr cxưx nhiax lês cov tiar têx ntâuz ntơưr thiaz cxênhz têx zav hiav txos đêx ar, huôz chuô nyiaz hur. UBPX xã Mường Bang tưz lês tiar hâux lưv cxênhz yuôx, cxaz nzir cêr tuôr xav ntơưv xã txos shông 2045. Tsưr cxưx nhiax tưz xa trâu Cục Điện lực, Bộ Công Thương lok sâuv tsưr ziv fuô lês dự án.

Lok sâuv yaik pêx xênhv nhoz qơư yiaz, xã Mường Bang tưz lês tiar hâux lưv cxênhz têx ar, kôngz lông hâur 70 zis nênhs, tus khênhx thiaz paz pơưs, hur si đar 70,8 ha hâur ntu 1 thiaz thax tsav piz kriz lês hâux lưv. Pêx xênhv nhoz trâu têx jok Chiềng Manh, Nguồn, Tường Lang, Lằn puôr lênhx jông siaz chia fuô lês dự án.

Côngz xưv bax kriz lês hâux lưv taz tov tâu têx sở, ngành, thax tsav thiaz tsưr cxưx nhiax siz khov lês trơưk cêr tuôr xav. UBPX xã Mường Bang tưz cxênhz yuôx ntu cêr muk trâu thax qơư piz kriz lês hâux lưv, tuôr xav cêr đar 10 - 12 thiar; đros ntơư bax qơư tso yêz, qơư gruk đêx, tsêr tơưv trôngx thiaz tsưr ziv por hưv tsav yêz muk lok nhaz xênhz.

UBPX tỉnh tror khov Bộ Công Thương nzor lês tiar hâux lưv cxênhz yuôx chia chox car Sở Tài nguyên thiaz Môi trường lês tiar cxuô zav ntâuz ntơưr lok sâuv đêx ar chia lês hâux lưv. UBPX xã Mường Bang tsuv cxênhz yuôx, thôngx iz trôngs luk ntâuz ntơưr thiaz sâu ar tror kaz; siz khov đros trâu xã Mường Cơi fuô lês têx hâux lưv cik txos.

Đaiv đuôz tuôr xav lês Dự án Tênhz điện tích năng Đông Phù Yên.

Muôx luk jias cxênhz yuôx, đồng chí Hoàng Văn Nghiệm tưz kruôk txos kror moz siaz sir jos ntơưv têx sở, ngành, cấp ủy, nov hâu oz xã Mường Bang, Mường Cơi thiaz tsưr cxưx nhiax hâur moz siaz fuô lês têx tsưr ziv chia cov dự án lês tâu sai.

Đồng chí Bí thư Tỉnh ủy haik tiak: Dự án Tênhz điện tích năng Đông Phù Yên muôx txiax njis zov chênhr, paz muôx txâuk điện trâu têz qơưk sir zôngv, cxơưz paz huôv tsar nhiax txiax - xã hội trâu thax tsav pak đêx thiaz têx thax tsav iz ndis. Đồng chí cxiz cov têx sở, ban, ngành ntơưv tỉnh, cấp ủy, nov hâu thax tsav tror moz siaz siz khov truôx khor đros trâu tsưr cxưx nhiax, cxênhz yuôx hâux lưv, bax jông cxuô zav hâux lưv chia kriz jias piz cxiv puôz cov tâu jông, nhaz xênhz thiaz yênhx côngz.