Nuôv zax Sơn La hâur ntu 2020-2025 tưz iz thênhv jux juk tsi njênhk tâu qơư sơưr, huôv tsar tâu jông, paz zov chênhr chia huôv tsar nhiax txiax puôk tsar zav ntơưv tỉnh. Têx zav huôv tsar tâu jông ntơưv saz nuôv zax hâur têx shông lok no tâu piz txix li têx cêr chai fiv huv, yax hlo zos Câuk luk số 94-KL/TU hnyz 23/1/2021 ntơưv Ban Chấp hành Đảng bộ tỉnh.

Hâur jias nthuôr cêr lov jêv Chaix blêx siar jias tiv oz shông 2025, tưz muôx phênhv siz tưr hlaik blêx ntơưv trôngz liax kriz ntaik xã Xím Vàng.

Txix hâu shông txos nhiv no, hur si tỉnh tok tâu yax 3,6 triệu pưs kruô, sâu tâu yax 4.200 tỷ đaiv.

Hur si muôx 641 luz qơư so đhâu hnuz hmo, hâur ntơư, muôx 7 luz tsêr kruô tâu chai 3 luz hnuz kuz tror sâur, đuô li zos tsêr so nuôv zax, homestay thiaz têx tsêr so nuôv zax txơưr.

Hnuz xiaz 1/9, chôngz pêx xênhv thiaz kruô nuôv zax tưz tuôx chôngz ntơưv lax trôngz Mộc Châu côngv têx cêr lov jêv hnuz tsa tâu Têz qơưk; têx hâux lưv ntơưv Tuần Txux chi, Nuôv zax shông 2025 “Mộc Châu – Suôz cưr cxiax tênhv chaix siz hluz”.

Nhoz trâu hâur têx nuv uô ntơưv Tuần Txux chi – Nuôv zax Mộc Châu shông 2025, hmo 30/8, ntơưv Phố muk tơư -ciaz hmo ntux Mộc Châu, phường Thảo Nguyên tưz kriz tênhz tso zênhx zav “Xiv lax trôngz Mộc Châu” thiaz choz zênhx jâus tưr “Check in Thảo Nguyên”. Jâus kriz muôx đồng chí Hoàng Văn Chất, kuz Bí thư tỉnh ủy Sơn La.

Têz Qơưk thax qơư nuôv zax Mộc Châu muôx ntâu kror qơư jông gâux, têx qơư kruô nhiav côngv nthuôr txux chi, nox têx kar hno kaz, zos qơư jông kruô xair ndis nuôv zax hâur jias so hnuz xiaz 2/9 shông no.

Hnuz 15/8, ntơưv xã Tà Xùa, Trung tâm cxơưz paz muôz nhiax, uô lax luôv thiaz nuôv zax tỉnh kriz suôx câuv jâus kria nzir tsưr ziv uô luôv nuôv zax shông 2025.

Hnuz 13/8, ntơưv xã Tà Xùa, Trung tâm Cxơưz Tso pênhr uô, Cêr lax luôv thiaz Nuôv zax tỉnh tưz đros Yar cơưv Đại học Txux chi, Thể thao thiaz Nuôv zax tỉnh Thanh hóa siz chos kriz jias kria pâuz tsưr ziv huôv tsar nuôv zax shông 2025 trâu têx tsêr luôv, hợp tác xã, ziv nênhs uô luôv nuôv zax hâur thax tsav têx xã Tà Xùa, Bắc Yên, Xím Vàng, Mường Cơi.

Hợp tác xã Nuôv zax Hang Táu, jok Tà Số, xã Mộc Châu, tâu tsa txix luz 8/2023, muôx 20 lênhx siz chos côngv lês hâux lưv lax luôv chox kruô nuôv zax, đros têx tsêr homestay hâur jok siz khov uô chox kruô so, uô kar hno trâu kruô nox; têx ziv siz chos: Bax tsôngk, yo, zus nênhk trâu kruô ntiar muk uô si, cxaik zênhx zav, muôs huv trâu kruô saiz đaz muôs, têx hax huv, kar hno muôx txơưv...

Cxaz nzir pênhr xưv lês hâux lưv trâu têx nênhs lês nuv huôv tsar nuôv zax jêx jok ntơưv Qơư nuôv zax têz qơưk Mộc Châu, 6 hli đhâu, Sở Txux chi, Thể thao thiaz Nuôv zax tưz kriz kria nzir tsưr ziv cxaz nzir pênhr xưv huôv tsar nuôv zax jêx jok trâu 50 lênhx nênhs; tsa tơưv 3 paz sênhr chênhr ntơưv têx xã, muôx 66 thành viên; kriz kria lês hâux lưv trâu 28 lênhx ntơưv xã Tân Yên...

Hâur 6 hli đhâu, Sở Txux chi, Thể thao thiaz Nuôv zax tưz muôz yiaz 13 thẻ trâu têx nênhs chox kruô nuôv zax trơưk chai, nzir chor nênhs chox kruô nuôv zax tâu muôz thẻ uô nuv tas nro tỉnh ndê txos 36 tus.

Nhoz đêz đrôngs xã Mường Cơi yax 15 km, pak đêx Suối Chiếu, chaix no đêx lok six nyiaz nhoz puôs ndis zos têx luz trôngz siaz, njia pov lok six jông jav, njias to, zênhv hnuz zênhv muôx ntâu tus kruô đêz jê pâuz txos, tuôx shuôk thiaz nuôv zax.

Hnuz 8/7, UBPX tỉnh Sơn La tưz đros Công ty Cổ phần IGB tso tơưv phênhv đruôz máy nuôv zax thôngz tsiz “Sơn La Tour”.

Kria cxuô kror qơư pâuz đêx ar, txux chi, tiz nênhs Sơn La, paz cxơưz, siz chos huôv tsar nuôv zax truôx njês. Txix hnuz 19-23/6, tỉnh Sơn La tưz kriz nthuôr cxiax cxênhv "Txux chi Sơn La" ntơưv thành phố Đà Nẵng đros trâu têx hâux lưv txux chi, haik cưr cxia lov jêv ntưk, txuôs jông txux chi hair nênhs tsơưs cias đruôz đraz đrôngs hiar txưr đrơưv đrôngk, hlôngr yiaz thiaz tưz tsês njôngr tsik plox trâu kruô nuôv zax đruôz siaz lok sâuv đêx ar Sơn La jông jav.