Tror txos Cang Cói jâus no, pêz tâu côngv trâu jâus grâuv pax Magrơ (Cêr grâuv pax Thor ntux yar ntux nas) tâu UBPX xã Mường Lạn kriz trâu ntơưv tsêr txux chi jol. Cêr grâuv pax tâu kriz lês txix ntơưv zis nênhs mal txir đaz zuôr lais đaz Tsiaz, khov vav por hưv tsêr nênhs trâu iz shông yiaz muôx đas jos, nox kaz hâuk luôs, tâu ntux yar ntux nas chia uô tâu kôngz lông. Iz phênhv grâuv pax zos têx jax sênhr chêr muôs ntas, têx txux chi uô si lov jêv lus, bôngs nzir cêr thôngx siaz hâur jêx jol.

Pos Pít Thị Bình, jol Cang Cói, shir phaz lus thav: Cêr grâuv pax Magrơ tâu kriz trâu hli 12 yênhx shông, thâuv sâu blêx tas lol tsês, pêx xênhv tâu so hâur iz shông khưr chia uô tsâus txos pox côngz zơưv txưr, xênhz têz, xênhz qơư tưz por khưr thiaz thor cov shông yiaz uô tâu nox, muôx đas jos. Pov têx mê nhuôv njêx muôs shir phaz lus, lênhx tưs cux muôx đas jos, uô tâu nox tâu hâuk, cur shir phaz viv txux chi zuk hair nênhs tsênhv tâu tsưx truôx.

Tsưx tsês, por hưv txux chi iz txưv muôx ntơưv pêx xênhv hair nênhs Pox Thơưx, jol Cang Cói tưz fuô kria têx nghị quyết, chỉ thị, Đảng kria lol sâuv cxiv tsa txux chi iz txưv hâur luz nênhx. Zơưv Quàng Văn Biên, Bí thư Chi bộ, Trưởng bản, haik pâuz: Yênhx shông, jol tưz fuô kria cov pêx xênhv pâuz lol sâuv tsưx truôx têx txux chi hâur cxuô jâus cơưv jol. Đros ntơư, saiz hloz nênhs tâu pêx xênhv njênhs qơư sơưr, cưk txux kria trâu têx hluôs nênhs lol sâuv lul haik, tsôngk hnar txos trâu têx jax cưr cxiax.

Txix li kror sir jos ntơư, pêx xênhv hair nênhs Pox Thơưx tsênhv tsưx truôx "lul niav iz txưv kria" zos zav Môn - Khơ Me, đros trâu yax 95% pêx xênhv pâuz lul zuk hair nênhs. Cxuô jax cưr cxiax, lul tâuv tâu kria tsik tsês. Yax hlo mal jax sênhr chêr Vêlr guông (Au eo), jax sênhr chêr zox iz chê trơưk li cêr khưr, uô liax têz hâur luz nênhx li hlais blêx, chos poz cưk, châuv nôngs, đê jâuz, zơưv chưk... tâu paz sênhr chêr hâur jol tsik tsês cơưv shâuv. Hâur têx jâus ndax tsiaz, hnuz muôx liv, mal suôz đruôk tưz đror lav lus đros suôz cưr cxiax tăng bu, suôz trax, hưn mạy (đao đao) zos pêx xênhv tưx txuôk, tưz ntâuk thiaz yuôz uô lov jêv lus trâu tox siaz đriv têz.

Iz chas ntơư, jol Cang Cói tưz tsa thiaz tsưx truôx txux chi sênhr chêr, đros trâu 10 thành viên. Yênhx shông, tâu paz nhiax chia lês hâux lưv, tsik tsês cơưv shâuv, kriz trâu pêx xênhv hâur jol, hâur xã saiz thiaz côngv trâu têx jâus tưr. Đros ntơư, kria sênhr chêr Au eo, kria haik cưr cxiax trâu têx hluôs nênhs hâur jol.

Cxuô caz lix cêr chai nox yôngz hâuk cok, pav tuôs tưz muôx ntâu hlôngr yiaz fiv huv trâu txux chi yiaz taz sik tsênhv tsưx truôx têx zav muôx liv iz txưv muôx. Hâur cêr nox yôngz hâuk cok, vâur mul zus niav taik zơưv txir tưz truz lur taz sik cux zos têx txux chi jông hâur tsêr nênhs ntơưv pêx xênhv hair nênhs Pox Thơưx. Lol sâuv pav tuôs, mal têx zav li ruôr faz nja, uô kror chuz yiaz lol sik cêr đaz kruôk plênhr hâur châus chia qêz têx zav tsik jông mal tsênhv tâu tsưx truôx li iz zav caz lix cêr chai jông chia saiz hloz trâu tus nênhs tas siv nênhx.

Têx hno nox iz txưv muôx li mor blâuv, mor trax, graix kaiz ciz shơư njuôs kâuz, yax hlo mal zav graix caz puôz hâu shơư jâuz zos đê har jôngr lol uô tâu chia tsơưx kruô. Txix li muôx ntâu zav txux, yax hlo mal hair Puôz ziz đhâu tsôngk hnar tsik zos plox lơưv txux chi mal tsênhv muôx kror hlôngr yiaz, fiv huv luz nênhx yiaz.

Ndaiv jol Cang Cói, taz sik suôz trax, suôz đruôk, jax sênhr chêr zox iz chê tsênhv nhoz trơưr đruôz siaz tsik plox. Iz kro cêr shir phaz trâu pêx xênhv hair nênhs Pox Thơưx jol Cang Cói, mal thâuv UBPX xã Mường Lạn đros Phòng Bảo tồn - Bảo tàng, Trung tâm Văn hóa - Thể thao tỉnh njuôk xav, zok nriar, uô ntâuz ntơưr khov công nhav cêr grâuv pax Magrơ zos txux chi jông têz qơưk trâu shông 2026. Txix li ntâu faz tsưr ziv tsưx tsês txux chi iz txưv muôx, đros trâu cxuô zis pêx xênhv, xênhv nênhs zênhv, muôx cêr njênhs trâu têx txux chi jông ntơưv hair nênhs Poz Thơưx zuôr tâu tsưx tsês, zos qơư chuôz chia cxiv tsa luz nênhx yiaz sor siaz, muôx nox tsâu hnar sor trâu thax tsav đriv Têz qơưk.