Yar cơưv THPT Thuận Châu jông siaz 60 shông cxiv tsa thiaz huôv tsar

Hnuz 15/11, Yar THPT Thuận Châu tưz kriz Jâus saiz hloz 60 shông tsa tâu yar cơưv (1966-2026) thiaz 44 shông Hnuz cưk kria ntơưr Việt Nam (20/11/1982- 20/11/2026).

Yar cơưv THPT Thuận Châu saiz hloz 60 shông tsa tơưv.

 

Tuôx côngv Jâus saiz hloz muôx đồng chí: Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh; Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; têx đồng chí kuz thơưx car tỉnh; têx đồng chí thơưx car thiaz kuz thơưx car têx sở, ban, ngành, đoàn thể tỉnh đros têx fâu cưk kria thiaz tuz cơưv.

Đại biểu côngv jâus saiz hloz.
Đại biểu côngv jâus saiz hloz.

 

Luz 6/1966, thâuv tsênhv ntâuk Mỹ chơưv têz qơư đrux đrưs, Yar cơưv cấp 3 Thuận Châu (nhiv no zos Yar cơưv THPT Thuận Châu) tâu tsa tơưv, ntâuk chiv truôv huôv tsar tsênhv chênhz ntơưv xưv cxênhx choz kria ntơưv thax tsav. Tsa tâu yar cơưv tưz fiv huv cêr khov cơưv ntơưr ntơưv cxuô zav nênhs hâur huyện, kriz tâu cêr pâuz txux chi hâur ntu têz qơư tsênhv yuôr ntâu  chor nhov, tưr thair.

Hiệu trưởng yar fuô luk ntơưv jâus saiz hloz

 

Nhiv no, yar cơưv muôx 30 lớp đros 1.360 tus shuv xênhz, hâur ntơư tuz cơưv nênhs tsơưs txênhz yax 91%. Yar cơưv muôx 64 cán bộ, cưk kria, nhân viên, txâuk trâu cêr kria, choz txux, paz yôngv siaz cêr kria ntơưr thiaz tu saiz cêr huôv tsar tas nro trâu tuz cơưv.

Shuv xênhz yar cơưv côngv jâus saiz hloz.
Tuz cơưv yar cơưv côngv jâus saiz hloz.

 

Hla đhâu 60 shông cxiv kho thiaz huôv tsar, Yar cơưv THPT Thuận Châu tưz choz yax 20.000 tus tuz cơưv. Ntâu tus tuz cơưv tưz yênhx nênhs, uô côngz xưv hâur cơ quan Đảng, Têz qơưk, tổ chức chính trị - xã hội thiaz uô nuv hâur ntâu faz nhoz hâur zuk thiaz luôs tỉnh, paz uô tâu cênhz cưv, cêr njênhs jông siaz trâu yar cơưv. 

Đại biểu côngv jâus saiz hloz.
Đại biểu côngv jâus saiz hloz.
Đại biểu côngv jâus saiz hloz.

 

Txix têx nuv uô tâu, yar cơưv tâu puz 1 Qix siz tưr ntơưv Thủ tướng Chính phủ, 2 đaiv ntơưr kruôk ntơưv Bộ trưởng Bộ choz kria ntơưr, 10 ntơưr kruôk ntơưv Chủ tịch UBPX tỉnh; 1 zênhx shuv xênhz cơưv coz têz qơưk thiaz 301 zênhx cấp tỉnh. Ntâu shông tưr tiar ntơưr THPT tâu 100%; ntâu tus shuv xênhz tưr tâu cơưv trâu têx yar cơưv đại học hâur têz qơưk, tror haik tsênhz cêr choz kria ntơưr ntơưv yar cơưv...

Shuv xênhz yar cơưv nthuôr cưr cxiax sênhr chêr saiz hloz

 

Huôv nzir cênhz cưv 60 shông, Yar cơưv THPT Thuận Châu tsik tsês cxiv kho qơư choz kria ntov chai, tsiv txiax, txơưx xav, saiz hloz choz kria ntơưr trâu têx paz cưk kria, hlôngr yiaz faz kria cơưv, sir jos hlôngr số thiaz uô jông muôx liv vax tsê. Cêr xav zos cxiv kho yar cơưv zênhv hnuz zênhv nto côngz, tâu jông, fiv huv cêr choz kria trâu ntu nênhx yiaz.

Đồng chí Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh fuô luk phôngv côngz yar cơưv.

 

Fuô luk jâus saiz hloz, đồng chí Hà Trung Chiến tưz kruôk txos têx nuv cưk kria thiaz shuv xênhz tưz uô tâu hâur 60 shông đhâu. Đros ntơư cxiz cov, cưk kria thiaz tuz cơưv tsik tsês tsưx tsês, huôv nzir cênhz cưv 60 shông cxiv kho thiaz lox hloz; cxiv kho yar cơưv yênhx qơư choz kria thôngx siaz, ntov chai, lês tas phênhv shuôv, tsiv txiax thiaz txơưx xav. Iz lênhx cán bộ saiz car, cưk kria tsuv tsik tsês saiz hloz phênhv shuôv, tsưx tâu xênhz chênhv, hâux lưv choz kria, tas siaz trâu cêr kria ntơưr, zos têx nênhs ndax ndênhk, muôx cêr tưx cơưv shâuv thiaz txơưx xav chia tuz cơưv zôngs trơưk. Têx tuz cơưv saiz cêr jông siaz cênhz cưv ntơưv yar cơưv yênhx đas jos chia sir jos, yênhx nênhs, tror uô tâu têx faz yiaz, tsiv nhos cêr tok njôngr ntơưv cưk kria, ziv nênhs thiaz jêx jok.

Đồng chí Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh choz puz Đaiv ntâuz trâu yar cơưv.
Đồng chí Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh choz puz Ntơưr kruôk ntơưv Bộ choz kria ntơưr trâu yar cơưv.
Đồng chí Lò Minh Hùng thiaz đồng chí Hà Trung Chiến puz pax, huv phôngv côngz yar cơưv.
Thơưx car Sở choz kria ntơưr puz pax phôngv côngz yar cơưv

Jâus no, Bộ choz kria ntơưr puz Ntơưr kruôk yar cơưv; Tỉnh ủy, HĐPX, UBPX, Ủy ban Mặt trận Tổ quốc Việt Nam tỉnh puz Đaiv ntâuz phôngv côngz yar cơưv./.

 

Phênhz, saz lax

Cox yuôr 500/500 tus bê ntơưr

Bạn vui lòng nhập từ 5 ký tự trở lên !!!

Mông yiaz