Tsi njênhk đơưk têx cêr phiv liv, zok sai têx nhiax pênhr têz qơưk

Hnuz 13/11, đồng chí Nguyễn Minh Tiến, Phó Chủ tịch UBPX tỉnh, tưz chox car jias cơưv, jias no cơưv uô cê thiaz kriz trực tuyến thôngz cxuô sở, ban, ngành thiaz UBPX 75 xã, phường thôngz tỉnh, chia cxiz siz chos đơưk têx cêr phiv liv thiaz zok sai têx nhiax têz qơưk shông 2026.

Đồng chí Nguyễn Minh Tiến, Phó Chủ tịch UBND tỉnh, chủ trì cuộc họp.
Têx đại biểu cơưv.
Nov chox car Sở Tài chính saz lax ntơưv jias cơưv.

Trơưk Sở Tài chính piar mênhx, tas nro têx nhiax pênhr têz qơưk shông 2026 ntơưv tỉnh yax 7.866 tỷ, hâur ntơư têx nhiax txix shông uô ntêx yax 1.978 tỷ, nhiax tâu zok shông 2026 zuôr luôs nto 5.888 tỷ. Xav txos hnuz 11/11, thôngz tỉnh tưz zok tas zuôr luôs 7.460 tỷ, tâu yax 94%; zok tas zuôr luôs 4.688 tỷ, tâu yax 59% tas nro têx nhiax xav, tsar yax 252 tỷ njuôk li hnuz 31/10, taz sik cux tsênhv kênhz njuôk li tuôr xav. Tỷ tsôngv zok nhiax cxuô xã, phường tâu yax 49%; cxuô ban saiz car tâu yax 66%; têx tsưr cxưx nhiax txơưr tâu yax 79%.

Thôngz tỉnh tsênhv yuôr yax 3.178 tỷ nhiax tsik tâu zok; 21/75 xã, phường tỷ tsôngv zok nhiax tsơưs đuô 20%, hâur ntơư 8 xã tsik tâu zok nzir nhiax, muôx xã: Long Hẹ, Chiềng Mai, Phiêng Khoài, Lóng Sập, Tân Phong, Pắc Ngà, Bó Sinh thiaz Chiềng Khoong. Iz chas ntơư, xav têx nhiax zuôr sâu tsik tâu nto 115 tỷ zos têx nhiax sir zôngv ar thiaz yax 67 tỷ zos pênhr nhiax têz qơưk đrâuk cxiz cov kho, phiv liv trâu côngz xưv yêv qơư thâuv kaz shông.

Nov chox car Sở Văn hóa, Thể thao và Nuôv zax tỉnh saz lax ntơưv jias cơưv.
Nov chox car Ban Saiz car dự án uô cêr yêz tỉnh saz lax ntơưv jias cơưv.

Ntơưv jias cơưv, têx đại biểu tưz saz lax zok sai cxuô zav pênhr; cxênhz, phênhz mênhx têx pênhr tsik tâu zok, xav mênhx txâuk pênhr xưv uô tas shông 2026; tsi njênhk zok cxuô zav nhiax nziv tsênhv yuôr nhiax ntâu; zênhx max zok tas têx nhiax pênhr tsik tâu zok, sir jos cov tỷ tsôngv zok ntâu hâur shông 2026.

Đồng chí Phó Chủ tịch UBPX tỉnh gơư luk ntơưv jias cơưv.

Câuk luk, đồng chí Nguyễn Minh Tiến, Phó Chủ tịch UBPX tỉnh, cxiz têx Thơưx chox cxuô cơ quan, đơn vị, Chủ tịch UBPX cxuô xã, phường chox car, lênhk phênhv shuôv zok nhiax. Zok trâu Sở Tài chính đros cxênhz ntov nti têx nhiax pênhr, saz lax zok têx nhiax zuôr zok tsik tâu hlôngr uô têx dự án lês sai, tsik txâuk nhiax uô nhiv no. Cxuô đơn vị siz chos lês ntov chai piar kria tsik so hâux lưv yênhx tuần; saiz paz pơưs, tus khênhx tưs kênhz, uô tsik tiar tuôr thênhv txos hâux lưv zok nhiax trơưk tưz chos luk. Cxiz Ban Saiz car dự án uô têx cêr yêz tỉnh lês ntov nti hâux lưv trơưk câuk luk ntơưv UBPX tỉnh.

Phênhz, saz lax

Cox yuôr 500/500 tus bê ntơưr

Bạn vui lòng nhập từ 5 ký tự trở lên !!!

Mông yiaz