Hâur xuz jôngr njuôz xiaz lax nziak ntơưv Mường Bang, têx tsoz txir suôz jênhx câur xiar taz tov hloz mok nhôngk, paz pêx xênhv cxiv tsa tsưr ziv uô nox yiaz. Zos hov yuôx njuôz nziv chos hâur xuz jôngr, suôz jênhx câur tsik tas ntâu đas jos por hưv, tâu sâu txir hâur ntâu shông. Nzaz nzơưv xênhz txơưv taz tov muôx, iz cxia ziv nênhs tưz muôx pênhr xưv muôz hov yuôx njuôz no lok chos, iz phênhv tưs chos yênhx har jôngr chia muôs sâu nzir nhiax zôngv.
Ntơưv jok Lằn, zơưs Hà Văn Đam, zos đảng viên tưz moz siaz zaz zâuv, gruô hu pêx xênhv côngv fuô lês tsưr ziv, tsov xav xar huôv tsar nhiax txiax hâur xuz jôngr mak uô ntâu zos txuôs tâu jôngr. Viv li, zơưs tưz đros ban saiz car tsik so zaz zâuv têx ziv nênhs uô trơưk ntov nti cêr chai por hưv jôngr; đros ntơư tsênhv gruô hu pêx xênhv xair chos têx hov yuôz njuôz fiv huv, tsik ruôr hiav jôngr. Đros trâu vax huôv uô ntêx lông, zơưs tưz gruô hu 10 ziv nênhs hâur jok côngv chos siv suôz jênhx câur xiar đar 1 ha.
Zơưs Đam kria pâuz: Suôz jênhx câur xiar nziv chos hâur xuz jôngr, tsik tas ntâu đas jos por hưv, zôngx ziv nzaz nzơưv têx đaiv têz taz tov muôx chia huôv tsar nhiax txiax. Thâuv pêx xênhv sâu nzir nhiax zôngv txix har jôngr mak zuôr paz zênhv hnuz zênhv to tâuz por hưv jông har jôngr. Tsưr ziv xuz thơưx lok six muôx kaz hâu, lar tâu kriz đar trâu cxuô kror qơư. Txos nhiv no, iz cxia đaiv têz suôz jênhx câur hâur jok tưz piz tâu sâu, xav iz chiaz muôs tâu txix 40.000 - 45.000 nhiax, paz têx ziv nênhs sâu nzir nhiax zôngv.
Txix tsưr ziv ntơưv jok Lằn, ntâu ziv nênhs tưz tưx zok nriar, muôz suôz jênhx câur lok chos thiaz kriz đar têz. Ntơưv jok Tường Han, zơưs Lường Văn Sấng zos iz hâur têx ziv nênhs uô ntêx lông. Shông 2022, zơưs tưz muôx pênhr xưv chos siv 4.000 thiar xưv phaz suôz jênhx câur. Tov kaz 3 shông por hưv, têz suôz jênhx câur piz tâu sâu, muôs tâu zuôr luôs 50 triệu nhiax. Zơưs Sấng thav pâuz: Đhâu iz ntu chos thiaz por hưv, cur ziv nênhs pov tâu suôz jênhx câur lok six nziv chos trâu đêx ar huôz chuô ntơưv no, muôx tsơưs caz hmoz hiav, tsik tas ntâu đas jos por hưv. Tâu tuz luôv tuôx nus zuôr cias ntơưv qơư li ntơư lok six zôngx ziv. Pov tâu muôx kaz hâu, shông 2026, cur ziv nênhs tror kriz đar têz ndê txos 1 ha.
Txix têx ziv nênhs uô ntêx lông, tsưr ziv pâuz nzaz nzơưv har jôngr kror muôx liv ntơưv Mường Bang taz tov iz phênhv tưs muôx ntâu hlôngr yiaz. Pêx xênhv tưz pâuz chos, por hưv têx hov yuôx njuôz muôx gri, fiv huv đêx ar huôz chuô. Nhiv no hur si xã muôx yax 17.300 ha jôngr, tyv tsôngv jôngr nzôngr nzông tox trôngz hâur pêk tâu yax 65%. Ntơư zos kror muôx liv chia thax tsav huôv tsar têx hov yuôx njuôz nziv chos hâur xuz jôngr, paz pêx xênhv sâu nzir nhiax zôngv đros trâu por hưv jông har jôngr.
Chia tsov xav muk lok hâur luz nênhx, cấp ủy, nov hâu xã tưz moz siaz zaz zâuv, gruô hu pêx xênhv hlôngr yiaz tsưr ziv uô nox; cxơưz têx tổ chức đoàn thể thiaz têx đảng viên hâur cxuô luz jok vax huôv paz kria têx ziv nênhs côngv fuô lês tsưr ziv. Cxuô chi bộ jok muôz cxênhx cxênhv huôv tsar nhiax txiax đros por hưv jôngr lok kria pâuz hâur têx jias cơưv, gruô hu pêx xênhv xair chos têx hov yuôz njuôz fiv huv, tsik tưx luôx, ruôr hiav jôngr. Viv tâu kror paz max ntơưv cấp ủy, nov hâu thiaz kror jông siaz côngv đros uô ntơưv pêx xênhv, têz suôz jênhx câur hâur thax tsav zênhv hnuz zênhv tâu kriz đar. Txos nhiv no, hur si xã muôx zuôr luôs 200 ha suôz jênhx câur, 80 ziv nênhs côngv chos; hâur ntơư, zuôr luôs 80 ha tưz tâu sâu. Tov kaz 3 shông moz siaz chos, zuôr piz tâu sâu txir, xav fênhx đraz sâu tâu 1 tấn, 55 triệu nhiax nju/ha.
Chia yuôx njuôz yênhx faz tsưr ziv uô nox truôx njês, UBPX xã taz tov chox car Trung tâm Uô luôv puôk tsar zav kria pâuz tsưr ziv chos, por hưv; đros ntơư tsov xav, xair chos hov nôngz jông, iz phênhv tưs cxiv tsa kror qơư muôs zuz ntông yuôx njuôz hâur thax tsav. Đros ntơư, xã moz siaz txuôk cêr lax luôv, đros têx tsêr luôv siz chos sâu zuôr, tu jông yuôx njuôz, iz phênhv tưs cxiv tsa tsưr ziv txix siz chos huôv tsar txos uô lax luôv.
Zơưs Trần Hải Thanh, Chủ tịch UBPX xã Mường Bang, thav kria: Ntu zuôr txos, xã tror cxênhz yuôx têx thax tsav nziv chos chia tsov xav kriz đar têz chos yuôx njuôz hâur xuz jôngr; gruô hu têx ziv nênhs siz chos huôv tsar, moz siaz hlôngr yiaz hax huv; tsik so đros tsêr luôv muôs hax huv, iz phênhv tưs cxiv tsa tsưr ziv siz chos uô nox truôx njês. Iz chas huôv tsar suôz jênhx câur xiar, xã tsênhv tror tsov xav huôv tsar iz cxia hov yuôx njuôz txơưr li tam thất, nhất diệp chi hoa. Hâux lưv xair chos yuôx njuôz zuôr lês trơưk kror nziv chos đêx ar huôz chuô fiv huv thiaz tiz nênhs zuôr huv cêr xar, nhav nxias huôv tsar fiv huv, muôx kaz hâu, tsik ruôr hiav txos jôngr nzông tox trôngz hâur pêk taz tov muôx nhiv no.
Txix têx têz chos siv xuz thơưx, yuôx njuôz taz tov iz phênhv tưs nhav nxias nziv chos đêx ar huôz chuô thiaz muôx gri hâur xuz jôngr ntơưv Mường Bang. Thâuv pêx xênhv sâu nzir nhiax zôngv txix jôngr, phênhv shuôv por hưv jông har jôngr cux muôx ntâu hlôngr yiaz. Ntơư zos faz tsưr ziv uô nox zov chênhr tsuv tror tâu cxênhz yuôx, lês tiar thiaz kriz đar fiv huv, pâuz nzaz nzơưv har jôngr cêr muôx liv, paz por hưv jông har jôngr, pêx xênhv luz nênhx hlôngr yiaz thiaz sir jos huôv tsar truôx njês.
Cox yuôr 500/500 tus bê ntơưr
Bạn vui lòng nhập từ 5 ký tự trở lên !!!