Jok Co Mạ muôx 225 ziv đros 1.134 lênhx nênhs, muôx 3 hair nênhs Hmôngz, Poz Ziz, Choz Tsiz côngv nhoz. Shông 2026, cấp ủy, Ban saiz car, Ban Côngz xưv Mặt trận jok tưz saiz hloz fuô kria, zaz zâuv pêx xênhv lês cêr siz tưr “Tas nro pêx xênhv cxiv kho cêr thôngx siaz ntu nênhx muôx txux chi” đros ntâu chai lês. Pêx xênhv hâur jok lês jông Đảng, Têz qơư têx thiaz jêx jok têx chai; trâu siaz lês cêr siz tưr khưr uô kôngz, huôv tsar nhiax txiax, sir jos hla đhâu cêr pluôs.
Têx nuv txux chi, thể thao tâu kriz tsik so, muôx cêr lov jêv, truôx njês, paz tsưx tsês têx nux gri txux chi cênhz cưv ntơưv pêx xênhv cxuo zav nênhs. Txos nhiv no, yax 70% têx ziv tâu côngz “Ziv nênhs txux chi”; lês jông njias to tưx zưv, tsik muôx nênhs zuôv chai têz qơư.
Fuô luk hnuz gruôv pax, đồng chí Cuôv Xênhv Tsaz tưz kruôk txos têx nuv jok Co Mạ tưz uô tâu. Đros ntơư, cxiz cov tror fuô kria, zaz zâuv pêx xênhv lês jông Đảng, Têz qơưk thiaz jêx jok têx chai ntơưv thax pêx xênhv nhoz. Lês jâus zaz zâuv “Tas nro px thôngx siaz cxiv kho jêx jok yiaz, đrôngs vav mênhx”; hlôngr nôngz kôngz chos, tsiax zus. Huôv nzir qơư sơưr ntơưv pêx xênhv hâur lês Cêr siz tưr “Pêx xênhv cơưv số”, trâu siaz tir, tar, cxuz thơưz têx cêr hiav xã hội, tsưx truôx njias to trâu qơư pêx xênhv nhoz…
Jâus no, đồng chí Cuôv Xênhv Tsaz tưz puz huv ntơưv Tỉnh ủy, HĐPX, UBPX, Ủy ban MTTQ Việt Nam tỉnh trâu cán bộ thiaz pêx xênhv jok Co Mạ; puz Ntơưr kruôk ntơưv Ủy ban MTTQ Việt Nam tỉnh trâu Ban Côngz xưv Mặt trận jok Co Mạ uô tâu jông hâux lưv zaz zâuv siz tưr nhiav têz nhiav qơư; muk shuôk, cxơưz jos têx ziv tâu chai paz thiaz nênhs nto mông jok Co Mạ.
Cox yuôr 500/500 tus bê ntơưr
Bạn vui lòng nhập từ 5 ký tự trở lên !!!