Đros Paz cxênhz yuôx uô hâux lưv muôx đồng chí Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh; thơưx car UBPX tỉnh; têx đồng chí Thường trực Ban Chox car huôv tsar khoa học, công nghệ, hlôngr yiaz xav tơưv thiaz hlôngr số tỉnh; nênhs hlôngr njêx muôs thơưx chox têx cơ quan, đơn vị, thax tsav tâu sox njuôk.

Lês trơưk Nghị quyết số 57-NQ/TW ntơưv Bộ Chính trị, ntu đhâu, Ban Thường vụ Tỉnh ủy tưz côngv chox car, lês, mênhx pêv thiaz lês Nghị quyết; tso tơưv 2 nghị quyết, 2 cxiax cxênhv, 7 cêr xav, 1 đề án thiaz 4 câuk luk. Ban Chox car tỉnh tso tơưv 9 cêr xav chia chox car lês. Shông 2025, hur si tỉnh tưz tso chai fuô lês 17 zav nuv khoa học thiaz công nghệ, côngv trâu têx saz kho moz, choz kria ntơưr, kôngz txir nox, huôv tsar hợp tác xã, por hưv têx zav tsês thiaz nuôv zax.

Hâur hlôngr số, tỉnh tưz cxiv tsa thiaz muôz kriz lês trâu Qơư tsês ntơưr côngv zôngv; lês muôx txiax njis Trung tâm Sox njuôk, chox car hlôngr yiaz lês hâux lưv; fuô kria 385 zav sâu tsês ntâuz ntơưr kriz, paz max cêr khov kriz lês, sir zôngv ntâuz ntơưr. Txos nhiv no, têx ntâuz ntơưr lês nuv pov njôngr hur si tỉnh tâu 87,6%; têx ntâuz ntơưr tu tiar uô ntêx zos hnuz nhôngs tênhv thiaz huv hnuz tâu li 97,2%; huv siaz pêx xênhv, tsêr luôv tâu 98,9%. Cêr siz tưr “Pêx xênhv zôngv số” tâu fuô lês đêz đar, huôv nzir qơư sơưr ntơưv 2.233 paz kria zôngv số trâu hâur jêx jol, đros 13.621 thành viên, hâur cêr kria pêx xênhv tưz zôngv têx zav muôx liv số.

Iz chas têx nuv uô tâu, cêr fuô lês Nghị quyết số 57-NQ/TW thax tsav tỉnh tsênhv yuôr iz cxia chor nhov, tsik tiar, li: Nênhs xav khoa học, chuôz zênhx thiaz hlôngr số tsênhv tsơưs, yax hlo mak nhoz cấp xã; têx jông số ntơưv iz cxia thax tsav tox siaz, đêz đrôngs tsik tâu siz luôs; têx ntâuz ntơưr ntơưv têx ngành tsik tâu siz luôs; têx ntâuz ntơưr uô nuv pov njôngr zos pêx xênhv, tsêr luôv tưx lês tsênhv kênhz; cêr chok nxiak nhaz xênhz mông ntâu paz tsik tâu fiv huv cêr khov; muôz nhiax lês têx nuv tsênhv kênhz, yax hlo nhiax cxiv tsa huôv tsar.

Ban Thường vụ Tỉnh ủy Sơn La cxiz cov Paz sox njuôk cxuô zav, cov têx ban, bộ, ngành Trung ương nzor uô tiar, kria têx phênhv đruôz máy trơưk cêr xav ntơưv Trung ương, muôx: Phênhv đruôz máy car uô hâux lưv, pênhr têx hâux lưv nziv zuôv chai ntơưv cán bộ, công chức, đảng viên thiaz têx chuôz zênhx cxuô zav, phênhz, kriz ntâuz ntơưr hâur qơư số. Cxiz cov Paz sox njuôk sâu hur si, khov Bộ Khoa học thiaz Công nghệ nzor muôx faz kria mênhx pêv txos nênhs tâu nhiax paz trơưk Nghị định số 179/2025/NĐ-CP hnuz 1/7/2025 ntơưv Chính phủ, chia thax tsav yuôx, kriz lês thôngz iz đrôngs luk, zos chai.

Ntơưv jâus cơưv, têx thành viên Paz cxênhz yuôx tưz kria iz cxia hâux lưv tsik tiar hâur côngz xưv chox car, lês thiaz kriz lês trơưk Nghị quyết số 57-NQ/TW; tsênhr cov tỉnh haik mênhx luz cênhz, phênhv shuôv hâur fuô lês têx hâux lưv, yax hlo mak têx chor nhov txos tiz nênhs, têx zav tsưs số, têx jông ntơưr thiaz hnuz phaiz nzir, muôz nhiax. Cxiz cov tỉnh cxênhz mênhx txiax njis ntơưv nuv tưz fuô lês, tso tơưv tsưr ziv đơưk têx zav lês tsik tiar, xav cêr piar lês thiaz phênhv shuôv ntơưv cơ quan, đơn vị  hâur ntu zuôr txos.

Fuô luk ntơưv jâus cơưv, đồng chí Phạm Thái Hà, Ủy viên Ủy ban Cxênhz yuôx Trung ương, sâu nhav têx nuv tỉnh Sơn La tưz uô tâu hâur chox car thiaz kriz lês hiện Nghị quyết số 57-NQ/TW. Đồng chí cxiz cov Ban Thường vụ Tỉnh ủy tror huôv nzir qơư sơưr chox car; tsik so cxênhz yuôx; uô mênhx phênhv shuôv ntơưv paz pơưs, tus khênhx hâur lês nuv; tu zênhx max têx luk khov, chok nxiak nuv tâu fuô lês jông, zos hnuz nhôngs, muôx liv.

Lênhk ndâux luk Paz cxênhz yuôx, đồng chí Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh, uô tsâus txos têx luk paz cxênhz, chox car ntơưv Paz cxênhz yuôx; haik tsênhz tỉnh Sơn La zuôr côngv yuôx, cxiv kho faz kho đơưk têx zav tsik tiar, chor nhov, khuôv đais hâur cêr lês Nghị quyết số 57-NQ/TW, yax hlo mak têx zav jông, tiz nênhs thiaz chai fiv huv. Đồng chí haik, ntu no muk, tỉnh zuôr yôngv siaz phênhv shuôv ntơưv cấp ủy, nov hâu, lar haik mak tus thơưx chox car; tsik so chox car, cxênhz yuôx, cxiz; sir jos tias kriz lês, chok nxiak têx hâux lưv, faz lês ntơưv Nghị quyết tâu fuô lês siz luôs, tsênhz mênhx, muôx liv, fiv huv cêr khov huôv tsar ntơưv tỉnh hâur nênhx yiaz.