Zos thax qơư uô têx hax huv kôngz txir nox kra kruôr hâur thax tsav, HTX huôv tsar Kôngz lông 19/5, phường Vân Sơn nhiv no muôx 6 zav hax huv txâuk chai OCOP txix 3 txos trâu 4 hnuz kuz. Chia cov muôx txâuk hax huv muôs trâu têx nênhs sir zôngv hâur kaz shông, HTX tưz moz siaz cxiv tsa cêr tuôr xav uô hâux lưv, bax têx hax huv cias thâuv tsênhv nzor.

Zơưs Mai Đức Thịnh, Giám đốc HTX Huôv tsar Kôngz lông 19/5, phường Vân Sơn, thav pâuz: “Shông no, HTX tưz moz siaz uô cov tâu têx hax huv jông, kho đuô hnaz ntiv. Pêz tưz muôz nhiax zuôr nzir chuôz zênhx kra kruôk jông chia cov tsưx tâu jông tus nxiaz thiaz uô tâu hax huv kaz. Hâur kaz shông, HTX tuôr xav zuôr muôs trâu têx nênhs sir zôngv zuôr luôs 20 tấn hax huv cxuô zav, đros trâu 10 zav hax huv zov chênhr li kôngz txir nox kra kruôr thiaz chơưv muôz txir nox uô tơưv".

Nhiv no, HTX taz tov lês tiar ntâuz ntơưr chia cov cxaz nzir côngz bê trâu hax huv “Txir nkhơưz kaz jiz” tâu OCOP 5 luz hnuz kuz thênhv têz qơưk. Đros ntơư, đơn vị tưz moz siaz puz nzir têx hax huv trâu têx nênhs zuôr hax huv, moz siaz fuô kria hax huv sâuv mạng điện tử.

Hâur HTX Uô kôngz lông, lax luôv thiaz dịch vụ tổng hợp Bình Thuận, xã Bình Thuận, hâux lưv pâuz txos têx nênhs sir zôngv siaz nhiav tâu lês mênhx pêv txix li têx tsưr ziv uô hax huv jông thiaz uô hnaz ntiv cov jông. Yax hlo, HTX sir zôngv luk Việt - Anh sâuv hnaz ntiv chia fuô kria hax huv, paz trâu têx nênhs sir zôngv pâuz mênhx đuô txos kôngz txir nox hâur thax tsav, đros ntơư fuô kria đuôz, txux chi ntơưv Sơn La.

Pos Nguyễn Thị Bình, Phó Giám đốc HTX shir phaz, fuô kria: Yuôx zêx Trọng Nguyên zos hax huv OCOP tsênhv chênhz ntơưv đơn vị. Shông no, HTX tưz moz siaz lês jông hax huv, hlôngr yiaz hnaz ntiv, fiv huv trâu têx nênhs sir zôngv. Hâux lưv xair yuôx zêx cux tâu uô tiz jông xair. Txix ntơư, têx hax huv tâu txix 300.000 đaiv/chiaz txos trâu 1 triệu đaiv/chiaz, fiv huv trâu têx nênhs sir zôngv siaz nhiav.

Iz chas uô cov txâuk hax huv muôs trâu têx nênhs sir zôngv, HTX tsênhv muôx ntâu zav huv puz trâu têx nênhs zuôr txix li têx hax huv txơưr hlo ntơưv thax tsav. Hâu ntơư, hax huv xav nhiax txos 800.000 đaiv/poz. Chia cov muôs tâu jông têx hax huv trâu têx nênhs sir zôngv, đơn vị cux muôx ntâu zav hax huv trâu chôngz lênhx nênhs xair cov fiv huv tus gri txix 250.000 đaiv thiaz 350.000 đaiv/poz huv, paz trâu têx nênhs sir zôngv zôngx ziv xair zuôr hax huv hâur thax tsav hâur ntu kaz shông no.

Hur si tỉnh nhiv no muôx zuôr luôs 260 hax huv OCOP đros trâu ntâu zav txơưr hlo hâur thax tsav Tây Bắc, txix li têx hax huv caz puôz kra kruôr txos trâu têx kôngz txir nox kra kruôr, txir plâux, hax huv txix li yuôx zêx Shan tuyết, yuôx zêx Ô long thiaz cà phê. Ntâu zav hax huv tâu muôz nhiax uô hnaz ntiv jông; têx đơn vị cux tưz cxiv tsa ntâu zav huv muôz puz trơưk tus gri txix kik txos trâu siaz, đros trâu lo ntơưr kria pâuz qơư chos thiaz chứng nhav hax huv OCOP. Iz chas têx tsưr ziv fuô kria thâuv ntêx, hâux lưv fuô kria sâuv mạng cux tâu moz siaz txos, đros trâu hâux lưv muôz têx hâux lưv muôz hax huv trâu sâuv thương mại điện tử thiaz kriz muôs hax huv đhâu livestream.

Zos iz hâur têx qơư siz khov, cxơưz paz muôs kôngz txir nox hâur thax tsav, Qơư tuv, muôs hax huv kôngz txir nox zov chênhr thiaz hax huv OCOP tỉnh Sơn La zos Trung tâm Fuô kria hax huv thiaz Nuôv zax tỉnh saiz car puôr lênhx bax cxix cxuô zav hax huv chia muôs trâu têx nênhs sir zôngv. Muôv Đỗ Thị Nga, nênhs lês hâux lưv hâur Thax qơư muôs hax huv, thav pâuz: “Tâu muôz lok sir zôngv txix hli 4/2024, Qơư muôs hax huv tưz zos thax qơư fuô kria thiaz siz khov pâur muôs têx hax huv hâur thax tsav. Hâur kaz shông, pêz tưz tuv ntâu zav hax huv thiaz têx huv puz OCOP txâuk chai ntơưv têx tsêr luôv, HTX hâur tỉnh, cxơưz paz muôz têx côngz bê kôngz txir nox ntơưv Sơn La nto mông đêz đar txos trâu pêx xênhv thiaz kruô nuôv zax”.

Têx zav hlôngr yiaz hâur uô kôngz lông, ntiv hnaz thiaz fuô kria hax huv taz tov paz trâu têx huv kôngz txir nox OCOP Sơn La muôs tâu gri, fiv huv trâu têx nênhs sir zôngv zuôr hâur kaz shông. Iz zav hax huv tưz tsik zos paz lês nto mông đêz đar têx zav jông txơưr hlo ntơưv thax tsav Tây Bắc xưz, mak tsênhv paz fuô kria têx đuôz ntơưv thax tsav thiaz cxơưz paz huôv tsar nhiax txiax jêx jok.