Côngv jias siz thav muôx têx đồng chí Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh; thơưx car UBPX tỉnh thiaz thơưx car iz cxia sở ngành ntơưv oz tỉnh.

Hâur ntu 2022 - 2026, cêr siz khov txix li tỉnh Sơn La thiaz tỉnh Xiêng Khoảng tror tâu tsưx truôx khor thiaz huôv tsar. Oz tỉnh, tưz moz siaz fuô lês têx njiaz luk hâur Ntâuz ntơưr chos luk, yax hlo zos hâux lưv choz kria nênhs uô hâux lưv, njuôk kho moz, por hưv njias to thax tsav tưz lês tâu ntâu zav jông. Tỉnh Sơn La tưz moz siaz kria nzir tsưr ziv huôv tsar kôngz lông yênhx hax huv, sir zôngv têx chuôz zênhx jông lok chos ntông nox txir trâu têx têz nxaz thiaz chos har jôngr ntơưv Xiêng Khoảng; nhav 180 lênhx shuv xênhz ntơưv tỉnh Xiêng Khoảng tuôx cơưv cao đẳng, đại học, liên thông đại học, thạc sĩ, Trung cấp lý luận chính trị thiaz kria nzir luk Việt ntơưv têx yar cơưv hâur thax tsav tỉnh Sơn La. Lực lượng vũ trang oz tỉnh tưz moz siaz siz khov kria pâuz têx tsưr ziv chia cxov têx nênhs cxâuv cêr chai têz qơưk, cxơưz paz por hưv njias to chính trị, por hưv njias to xã hội ntơưv têx tỉnh, paz tsưx truôx cêr thôngx siaz, siz trâus jông txix li têz qơưk Việt Nam - Lok Tsuôk.

Muôx luk hâur jias taz Paz đại biểu tỉnh Xiêng Khoảng, đồng chí Hoàng Văn Nghiệm tưz uô tsâus txos Paz côngz xưv tuôx shuôk, uô hâux lưv thiaz cir ntâuz ntơưr chos luk hâur ntu 2026–2029 đros tỉnh Sơn La. Đros ntơư haik mênhx, ntơư zos jias chia oz tỉnh cxênhz đuô têx zav tưz lês tâu, kria pâuz têx hâux lưv cik txos; thôngx iz trôngs luk têx njiaz luk fiv huv trâu têx tỉnh. Tỉnh Sơn La xar cov oz tỉnh tror tsưx truôx, nthuôr huôv jông cêr thôngx siaz; bôngs nzir cêr thôngx siaz txơưr hlo txix li têz qơưk Việt Nam - Lok Tsuôk, Lok Tsuôk - Việt Nam.

Đồng chí Bí thư Tỉnh ủy, Chủ tịch HĐPX tỉnh Xiêng Khoảng uô tsâus txos hâux lưv taz Paz côngz xưv ntơưv tỉnh Sơn La; kruôk txos kror moz siaz cxơưz paz ntơưv tỉnh Sơn La hâur cxuô zav, yax hlo zos cxiv puôz têx cêr muk lok, paz choz kria têx nênhs uô hâux lưv trâu tỉnh Xiêng Khoảng hâur ntu đhâu. Đros ntơư, xar cov tỉnh Sơn La tror siz khov đros trâu tỉnh Xiêng Khoảng hâur cxuô faz, yax hlo zis moz siaz choz kria têx nênhs uô hâux lưv, cxiv tsa qơư huôv tsar kôngz lông, huôv tsar nuôv zax tâu jông...cxơưz huôv tsar nhiax txiax - xã hội ntơưv thax tsav thiaz bôngs nzir cêr thôngx siaz txix li oz têz qơưk Lok Tsuôk- Việt Nam.

Hâur Jias siz thav, oz tỉnh saz lax, thôngx iz trôngs luk, chos luk siz khov hâur ntu 2026-2029, moz siaz trâu têx njiaz luk: Tror siz khov fuô kria đêz đar lok sâuv cêr siz khov, siz trâus jông txix li Việt Nam - Lok tsuôk haik tas nro, txix li tỉnh Sơn La thiaz tỉnh Xiêng Khoảng haik khênhx. Siz khov kriz têx hâux lưv saiz hloz têx hâux lưv zov chênhr ntơưv oz têz qơưk, yax hlo zos  saiz hloz 65 shông Hnuz muôx cêr siz khov thiaz 50 shông Hnuz Cir ntâuz ntơưr chó sluk thiaz Siz khov Việt Nam - Lok Tsuôk trâu shông 2027. Tror siz khov truôx khor hâur kria pâuz têx mông chia tir tar têx nênhs cxâuv ntơưv oz tỉnh. Moz siaz siz khov fuô kria têx zav muôx txơưv hâur thax tsav thiaz fuô kria têx hax huv hâur thax tsav; moz siaz kria nzir tsưr ziv trâu têx tuz nxaik cơưv ntơưr. Kriz têx hâux lưv nthuôr txux chi, sênhr chêr, paz zôngx ziv chia têx paz côngz xưv ntơưv oz tỉnh muk siz shuôk, siz chos cơưv sâuv tsưr ziv hâur saiz car têz qơưk lok sâuv txux chi, thể thao thiaz nuôv zax.