Côngv jias saz lax, muôx đồng chí Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh Sơn La; têx đồng chí Ủy viên Ban Thường vụ Tỉnh ủy, nov chox car UBPX tỉnh thiaz nov chox car iz cxia sở ngành ntơưv oz tỉnh.

Sơn La thiaz Hủa Phăn zos oz tỉnh côngv đriv têz qơưk, ntêr yax 242 caik. Ntu 2024 - 2026, tỉnh Sơn La thiaz tỉnh Hủa Phăn tưz tror siz khov thiaz huôv tsar. Oz tỉnh tưz lês jông cxuô zav hâux lưv đriv têz trơưk têx ntơưr tưz chos luk, lar haik yax mak hâux lưv choz kria, tsưx hưv truôx cêr nhaz xênhz, njuôk kho moz, siz chos nthuôr txux chi. Siz chos tso yar kriz ntâu cxênhz xưv siz khov, li: Siz khov tsưx hưv cêr nhaz xênhz thax tsav đriv têz Việt Nam – Lok Tsuôk jias tiv 2 thiaz fuô chai kriz oz saz trôngx lôngs Ntiax têz Lóng Sập (Sơn La) - Pa Háng (Hủa Phăn); siz chos lês yênhx côngz hnuz grâuv pax nuôv zax Txux chi Sơn La - Hủa Phăn shông 2024 ntơưv tỉnh Hủa Phăn. Tỉnh Sơn La tưz paz tỉnh Hủa Phăn kria nzir tsưr ziv lês hâux lưv chuyên môn trâu têx cán bộ tỉnh Hủa Phăn hâur cêr uô kôngz lông, zus tsiax cxu, tsiax đêx; nhav 103 tus shâuv xênhz tỉnh Hủa Phăn tuôx cơưv cao đẳng, đại học, txix đại học ndê thạc sĩ, trung cấp lý luận chính trị thiaz cơưv nzir luk Việt. Tsôngv tuz lênhv 2 tỉnh tưz siz chos cơưv shâuv tsưr ziv, tsưx hưv cêr chính trị nhaz xênhz, cêr nox nhoz njias to nhiak tỉnh, tsưx hưv truôx cêr thôngx siaz, siz khov Việt Nam – Lok Tsuôk.

Phôngv côngz Paz đại biểu tỉnh Hủa Phăn, đồng chí Hoàng Văn Nghiệm shir phaz lus tâu tok thiaz đros uô hâux lưv thiaz siz chos luk ntu 2026-2029 ntơưv tỉnh Sơn La. Haik mênhx, têx hâux lưv no lok six zov chênhr chia siz chos cxênhz đuô têx hâux lưv tưz lês tâu, siz chos saz lax têx hâux lưv tsênhv chênhz; têx njiaz luk siz khov fiv huv têx zav muôx txơưv ntơưv nhiak tỉnh. Tỉnh Sơn La chia siaz oz tỉnh zuôr tror tsưx hưv, nthuôr huôv cêr thôngx siaz, siz njênhs; moz siaz siz khov ntâu tsar zav. Kriz đar cêr lax luôv, cxưx nhiax huôv tsar kôngz lông, choz kria, njuôk kho moz, nthuôr txux chi, nuôv zax; paz têx cơ quan chuyên môn, cxuô qơư thiaz tsêr luôv oz tỉnh siz khov fiv huv nhiak tỉnh. Tror siz khov lês côngz xưv tsưx hưv cêr nhaz xênhz têz qơưk, phax tar cxuô zav nênhs cxâuv; zênhx max siz chos saz lax, siz kria xor mông, siz chos tu tiar cxuô zav thax tsav đriv têz thax zênhz, siz khov truôx njês thiaz huôv tsar.

Đồng chí Bí thư Tỉnh ủy, Chủ tịch HĐPX tỉnh Hủa Phăn uô tsâus tỉnh Sơn La tưz shir phaz taz thiaz tỉnh Sơn La têx cêr paz hâur ntu đhâu. Chia siaz tỉnh Sơn La tror paz tỉnh Hủa Phăn, lar haik mak, siz chos choz kria nênhs uô hâux lưv; huôv tsar kôngz lông, huôv tsar nuôv zax, siz khov uô lax luôv ntơưv têx tsêr luôv oz tỉnh; paz pêx xênhv nhoz đriv têz zôngx ziv muôs hax huv trơưk cêr chai oz saz têz qơưk… cxơưz nhiax txiax - xã hội oz tos huôv tsar thiaz siz chos bôngs jông cêr thôngx siaz siz khov Lok Tsuôk - Việt Nam.

Ntơưv jias saz lax, oz tỉnh saz lax thôngz têx njiaz luk siz chos luk siz khov ntu 2026 - 2029, tsi njênhk têx njiaz luk: Tror siz chos kriz đar cêr thôngx siaz, siz khov cxuô tsar zav, đros đraiv cêr chai Việt Nam – Lok Tsuôk haik tas nro, tỉnh Sơn La thiaz tỉnh Hủa Phăn haik khênhx. Siz chos lês têx hâux lưv saiz hloz têx hâux lưv tsênhv chênhz oz saz têz qơưk, lar haik mak saiz hloz 65 shông hnuz siz khov thiaz 50 shông hnuz siz chos luk siz khov Việt Nam – Lok Tsuôk hâur shông 2027. Siz chos piar kria têx zav muôx txơưv ntơưv oz tỉnh; kriz ciaz lax luôv. Paz têx tsêr luôv, hợp tác xã oz luz tỉnh pâuz mênhx têx zav zôngx ziv cxưx nhiax uô dự án, siz khov uô tơưv hax huv muôs. Siz chos njuôk tsov mênhx hâux lưv choz kria nênhs uô hâux lưv ntơưv nhiak tỉnh. Siz khov tsa tour nuôv zax Sơn La - Hủa Phăn - Luông Pha Bang; siz khov bax têx ntơưr hla đriv têz pênhv ziv, sai trâu têx kruô nuôv zax, têx tsêr luôv nuôv zax oz tỉnh...