Phiêng Cài zos luz jok tox siaz, muôx yax 14 caik cêr đriv têz. Chi bộ nhiv no muôx 21 tus đảng viên; tas nro jok muôx 112 ziv, 640 lênhx pêx xênhv, puôr lênhx zos cưr tix Hmôngz. Chi bộ tưz lês jông côngz xưv choz kria chai chính trị trâu cán bộ, đảng viên; zôngv số dữ liệu đảng viên, 100% đảng viên sir zôngv Sổ tay đảng viên điện tử.

Hâur huôv tsar nhiax txiax, Chi bộ chox car px huôv tsar têx kôngz  zov chênhr. Nhiv no, jok muôx 44 ha lê, 7,5 ha chuôz thox hmaz, 32 ha yuôx zêx, 29 ha txirr khơưz kaz jiz 3,4 ha mắc ca. Iz chas ntơư, pêx xênhv cux chos yiaz 400 tso ntông nzôngr tâus oz saz ntus cêr, tu 3.800 tsoz pax ndâiv tox sôngz, cov jông gâux, tok kruô nuôv zax.

Cxuô star zav txux chiv, xã hội, njuôk kho moz, choz kria puôr lênhx tâu lês jông; Côngz xưv tu đas jos trâu px, cxaz yuôx phax tar moz tâu lês cxix cxuô. Cêr chai chính trị, cêr nox nhoz njias to tâu tsưx hưv truôx; jok tror lês ntov hâux lưv cxiv tsaâthx tsav đriv têz đơưz hur, truôx njês, tsik chia yưv nênhs cxâuv uô têx zav tsik jông.

Ntơưv jias cơưv, têx đảng viên khov tỉnh tror paz nhiax trâu jok uô tênhz yar ntux tơưk pov cêr jêx jok; thiaz  paz nhiax thêv grê điện pov cêr jêx jok. Ioz chas ntơư, cux khov cov paz têx zav tsênhv chênhz cov iz thênhv jũ xjuk jok huôv tsar lax luôv nuôv zax jêx jok, nuôv zax ndis uô si, sir nzôngv tas têx zav muôx txơưv ntơưv qơư.

Ntơưv jias cơưv, đồng chí Chủ tịch UBPX tỉnh kruôk têx hâux lưv Chi bộ jok Phiêng Cài lês tâu hâur ntu đhâu. Đồng chí cux cxiz Chi bộ tror hlôngr yiaz, lês jông hâux lưv cơưv, yôngv pênhr xưv chox car; moz siaz paz max pêx xênhv; kriz đar têx qơư huôv tsar nju nhiax txiax. Iz chas ntơư, huôv tsar têx zav muôx txơưv, gruô hu pêx xênhv cxưx nhiax huôv tsar nuôv zax jêx jok; por hưv đriv têz, ndêx chiv đriv têz qơưk, tsưx hưv cêr chai chính trị nhaz xênhz, cêr nox nhoz njias to.