Dự án cxưx nhiax cxiv puôz Trôngx lôngs zov chênhr Lóng Sập, tỉnh Sơn La, yênhx trôngx lôngs Ntiax têz ntu 1 cxưx nhiax cxiv puôz 3 hâux lưv zov chênhr, li: Khơưz kuô tsêr trâu têx thax ar trơưk li cêr tsov xav; kriz cêr muk lok txâuk chai txox cêr lox; cxiv puôz vax tsêr. Txos nhiv no, dự án tưz uô tiar hur si têx hâux lưv zov chênhr, tsưr tso nhiax uô taz tov đros têx đơn vị cik txos lês tiar ntâuz ntơưr thêv nhiax zos chai.

Đros trâu ntu 2, dự án sir jos cxiv puôz cov tiar têx hâux lưv: Trạm saiz car puôk tsar zav thiaz têx kror txơưr; tsêr uô côngz xưv trâu Trạm Đriv têz Trôngx lôngs; qơư tsês huv saz đrâuv; qơư tso yêz zuôr têz qơưk đrâuv; trạm cxênhz yuôx, lux tsov; trạm cxênhz yuôx caz moz cik; qơư cxênhz yuôx hax huv; qơư tso huv; yar yêz ... Tsov xav cxiv puôz txix shông 2026 txos shông 2029.

Đồng chí Chủ tịch UBPX tỉnh haik mênhx: Hâux lưv cxiv puôz tiar vax tsêr, cêr muk lok, hlôngr yiaz tsưr ziv uô ntâuz  ntơưr hla đriv têz thiaz huôv tsar tsưr ziv   logistics zuôr paz muôs tas hax huv Sơn La trâu têz qơưk Lok Tsuôk thiaz têx cêr lax luôv hâur thax tsav. Ntơư cux zos kror zov chênhr cxơưz cêr muôx liv ntơưv tỉnh lok sâuv kôngz txir nox, hax huv jông txơưr hlo, chuôz zênhx cxiv puôz thiaz têx hax huv xênhz txơưv txâuk chai siz pâur đhâu đriv têz.

Đồng chí Chủ tịch UBPX tỉnh cxiz cov Ban Chỉ huy Tuz lênhv Đriv têz tỉnh, xã Lóng Sập siz chos fuô lês ntov nti chia tu tiar tâu sai têx cxênhx cxênhv cik txos cêr chor nhov; trơưk li tsov xav mênhx pêv, paz têx tsêr luôv taz tov moz siaz txos dự án, uô tiar cêr chai xair tiz nênhs cxiv puôz, zênhx max tu tiar tâu sai têx cxênhx cxênhv cik txos đêx ar cêr txov nhêv zos chai; gruô hu thiaz xair tsov têx tsêr luôv fuô lês têx dự án cxưx nhiax uô muôx kaz hâu.