Đros muk muôx đồng chí Nguyễn Minh Tiến, Phó Chủ tịch UBPX tỉnh; thơưx car cxuô sở, ban, ngành cik txos.

Dự án Vax nza thành phố Sơn La đar yax 164 ha, zos Công ty CP Cxưx nhiax uô Phúc Lạc Viên Sơn La tsưr tso nhiax lês. Dự án sir jos cxiv puôz vax nza siz luôs jok, hlôngr yiaz, fiv huv đêx ar huôz chuô nyiaz hur, paz tâu zênhx max hâux lưv pav tuôs, hlơưr kâur tuôs thiaz tsês yâur nênhs tuôs ntơưv pêx xênhv hâur thax tsav, paz têx vax nza taz tov muôx nhiv no hâur thax tsav grêk tsơưs chor nênhs tuôx phâuk nênhs tuôs chôngz đhâu.   

Dự án tâu piz cxiv puôz hnuz 12/1/2026. Tov kaz 10 hli cxiv puôz tsik tsês, côngz xưv thêv nhiax ar, shôngz ntông, yaik qơư nhoz yiaz ntu 1, đar 24,05 ha tưz tâu uô tiar; xav hur si kênh nhiax uô yax 66 tỷ nhiax. Txos nhiv no, kror qơư tưz tâu luôx đrox đu lus hur si đar 90.000 thiar xưv phaz; khơưz ar uô kuô tsêr tâu 90% tsưr ziv. Têx nênhs tâu ntiar cxiv puôz taz tov moz siaz đhos tiar 2 luz kror chuz hlơưr kâur tuôs thiaz ntâu hâux lưv txơưr.

Muôx têx hâux lưv zov chênhr li tsêr chox lês, tsêr pav tuôs - thax tsav hlơưr kâur tuôs, tsêr lês txox chai thiaz hlơưr zax khâuv chênhz khâuv uô tiar 90% tsưr ziv. Têx hâux lưv txơưr li kror liv đêx kiak nênhs, chuôz zênhx tir tar hluôr tơưk cuz puôk tsar zav lês tiar txix 70% txos 85% cêr tuôr xav. Đros trâu hâux lưv cxiv puôz, tsưr tso nhiax uô tưz xair 4 paz cán bộ muk cơưv nzir tsưr ziv saiz car, sir zôngv uô luôv tsưr ziv pav tuôs ntơưv têx tỉnh, thành phố, bax txưv uz no chia muôz dự án lok sir zôngv txix hnuz xiaz 9/12/2026.

Đros trâu Dự án Txox cêr Hoàng Quốc Việt - Mé Ban - Trần Đăng Ninh, hâur thax tsav phường Chiềng Cơi, txox cêr ntêr 0,75 km, đar 25 m, muôx 4 sênhv cêr, xav hur si 160 tỷ nhiax, zos UBPX phường Chiềng Cơi tsưr tso nhiax uô. Txos nhiv no, dự án tưz yaik tiar 72 ziv nênhs muk qơư nhoz yiaz, đar 2,73 ha. Uô tiar 80% hâux lưv, kênh zuôr luôs 130 tỷ nhiax. Têx nênhs tâu ntiar cxiv puôz tưz uô tiar txox cêr, cưx tso đêx thiaz puôz oz saz ntus cêr iz cxia ntu cêr; taz tov tuô poz jêz oz saz ntus cêr chia kriz đar txox cêr thiaz bax lênhv cêr bê tông.

Cik txos cêr tuôr thênhv ntơưv hâux lưv tuô mênhx tuô poz jêz txos 147 ziv nênhs nhoz tơư trôngz, tsik nhoz hâur hâux lưv tâu thêv nhiax ar shôngz ntông, thax tsav tưz thêv nhiax paz trâu 81 ziv nênhs cxiv kho tsêr nhoz; đros ntơư đros cơ quan chuyên môn cxênhz đuô kror ruôr hiav trâu đuô li 66 ziv nênhs trơưk li ndâux luk khov ntơưv pêx xênhv.

Ntơưv têx qơư cxênhz yuôx, đồng chí Bí thư Tỉnh ủy thiaz paz côngz xưv tưz tâu kria pâuz hâux lưv taz tov lês, kênh pênhr cxưx nhiax uô, côngz xưv yaik qơư nhoz yiaz, gruô hu tiz nênhs thiaz têx txov nhêv, khuôv đais hâur ntu fuô lês. Đros trâu Dự án Vax nza thành phố Sơn La, đồng chí Hoàng Văn Nghiệm cxiz cov phường Chiềng Sinh, tsưr cxưx nhiax uô thiaz têx nênhs tâu ntiar cxiv puôz tror siz chos lês ntov nti, moz siaz gruô hu tiz nênhs, chuôz zênhx, nzaz nzơưv tâu jông ntux chia zênhx max uô tiar têx hâux lưv, muôz ntu 1 ntơưv dự án lok sir zôngv hâur luz 12 shông 2026. Đros ntơư, zênhx max cxênhz yuôx, uô tiar têx cêr chai, bax txưv cxix cxuô vax tsêr thiaz tiz nênhs uô hâux lưv, nhav nxias dự án tâu sir zôngv siz luôs jok cias tov kaz thâuv uô tiar.

Đros trâu Dự án Txox cêr Hoàng Quốc Việt - Mé Ban - Trần Đăng Ninh, đồng chí Bí thư Tỉnh ủy cxiz cov tsưr tso nhiax uô thiaz têx đơn vị cxiv puôz moz siaz gruô hu tiz nênhs, chuôz zênhx, tsi njênhk hâux lưv mênhx pêv, sir jos uô tiar hur si dự án, zok muôz lok sir zôngv hâur shông 2026. Cấp ủy, nov hâu phường Chiềng Cơi thiaz tsưr tso nhiax uô tsuv moz siaz đơưk tâu sai pêx xênhv mas tuôr thênhv txos têx ndâux luk khov hâur ntu fuô lês; đros ntơư cxênhz yuôx, tuôr xav tsưr ziv đơưk cêr phiv liv tiv ar poz cxuz, poz jêz ntok ntơưv thax tsav muôx ntâu trôngz siaz, paz pêx xênhv muk lok nhaz xênhz.