Têx nênhs tưr hâur 46 zav, luôx juk tưr oz lênhx siz tiv thiaz (tus khênhx, tưr trơưk paz) trơưk Chai Taekwondo Việt Nam nhiv no. Jias tưr phaiz yênhx 2 côngs. Hâur ntơư, muôx 38 zav tưr fâuv hluôk: Txix 10 shông tror hâur, txix 10 txos 11 shông, txix 12 txos 14 shông thiaz txix 15 txos 17 shông. Muôx 8 zav tưr hâur Đại hội TDTT tỉnh Sơn La jias tiv X trâu têx nênhs tưr txix 16 shông tror sâuv.

Đhâu 4 hnuz tưr lov jêv ntưk, têx nênhs tưr tưz sir tas jos, zôngv tas tsưr ziv tưr. Têx fâuv (10 shông tror hâur txos 14 shông), têx nênhs tưr cuz siaz lus, truôx siaz bo, zôngv phaz nzưr, tsưr ziv gâus lok six ndax. Hâur ntơư, têx nênhs tưr txix 15-17 shông thiaz têx nênhs txix 16 shông tror sâuv, têx lưv tưr oz lênhx siz tiv njêx muôs tsov lok six ndax, đas jos khor thiaz truôx siaz bo tưr.

Suôx câuv jias tưr, Ban tso yar tưr tưz puz 46 hưv côngz mênhx cuz, nhiax thiaz tôngx kruôk têx nênhs tưr tâu jông.

Jias tưr muôx txiax njis chia cxơưz cêr siz tưr cơưv shâuv Taekwondo thôngz cxuô qơư hâur tỉnh, tror lês cêr gruô hu “Tas nro tsôngv pêx xênhv cuz siaz cơưv shâuv trơưk Zơưv Côngz Hôx”. Iz chas ntơư, cux zos yar siz tưr ndax ndênhk, têx nênhs tưr tâu siz njiz siz chos cơưv shâuv nzir tsưr ziv cov txơưx đuô, txix ntơư, xair tâu têx nênhs txơưx tsar nzir trâu paz nênhs tưr ntơưv tỉnh, choz kria muk tưr trâu Đại hội Thể thao thôngz têz qơưk shông 2026.