Jâus siv tir tâu xav uô 2 ntu. Ntu1, kriz bax phax tar hluôr tơưk jôngr thiaz zok nria tiz nênhs; ntu 2, lês cias siv tuô hluôr tơưk cuz jôngr thiaz zok nriar chơưv nênhs. Trơưk li uô txux muôx, tiv ntux kror gis ntêr, chuô plơưv muôx jos cấp 4 - 5, ntơưv thax tsav jok Giôn yưv cuz hnhiaz. Cuz hnhiaz sai, nziv hiav txos thax tsav pêx nhoz thiaz têx har jôngr puôs ndis. Thâuv tuô hluôr tơưk cuz, iz cxia nênhs khiar tsik zênhx, trâus moz, tsuv tâu chơưv, kho. Têx tiz nênhs tsuv zênhx max cxiz nênhs, yêz, tuô thax hluôr tơưk cuz, txar pêx xênhv thiaz chuôz tav, chơưv nênhs, kho nênhs trâu moz, kho đơưk têx mas hiav.

Suôx câuv siv tir, Ban Chox car siv tir têx zav tsik jông thiaz phax tar têx tsik jông kiz xã ntu 2026 – 2030 tưz nhav bax tâu cxix cxuô têx zav ntơưv thax tsav; têx nênhs lês cêr chai pâuz tâu cêr chai, hâux lưv, tsi njênhk têx muôx yưv; phênhv siv tuôx cias zos ntâuz ntơưr, fiv huv tsênhz mênhx, côngv ntov, chok nxiak nhaz xênhz txos nênhs thiaz yêz. Ban Chox car kruôk jâus siv tir tâu hov Txơưx yax.

Đros ntơư, cxiz cov xã Mường Giôn thiaz têx xã moz siaz tror cxênhz yuôx, uô tiar faz phax tar ntux hiav, tuôr hluôr tơưk cuz jôngr thiaz zok nriar chơưv tiz nênhs; sir jos fuô kria, yôngv siaz cêr to tâuz por hưv jôngr hâur pêx xênhv; tsik so cxênhz tas nro tiz nênhs, ndo njôngr bax yêz, chuôz zênhx trơưk “4 cias ntơưv ”.

Jâus no, Bộ Chỉ huy Quân sự tỉnh tưz puz ntơưr kruôk 1 paz, 2 tus nênhs; UBPX xã Mường Giôn puz ntơưr kruôk 4 paz, 13 tus nênhs muôx hâux lưv jông yax hâur jâus siv tir.