Số hlôngr kria yênhx njux cà phê

Têx hnuz no, ntơưv thax tsav chos cà phê, yênhx paz côngz xưv taz tov đros pêx xênhv yuôx têx qơư, saiz pâuz qơư chos. Ntơưv xã Phiêng Pằn, cán bộ muk txos cias têx jok, ziv uô tơưv, zôngv xor tôngx thôngz tsiz đhok phênhv đruôz đros saiz Open Foris Ground chia xav qơư, puôr ndis chiav yênhx njux cà phê. Têx ntơưr txos thax, tsưr zôngv ar thiaz nhiv no chos tâu cxênhz yuôx, saiz tâu pov, paz max car thiaz huôv tsar qơư chos.

Zơưs Nguyễn Thanh Hải, Phó Chủ tịch UBPX xã Phiêng Pằn, thav pâuz: Xã tsa tơưv 3 paz yuôx thiaz 1 paz sâu ntâuz ntơưr, phaiz car thax tsav Chiềng Nơi, Nà Ớt thiaz Phiêng Pằn uô ntêx zuôr sâu uô cê. Têx paz đros tsưr jok, pêx xênhv xav chiav, têz cà phê thiaz yuôx mông uô ntêx zuôr sâu saiz. Txos nhiv no, xã tưz sâu tâu ntơưr 5.716,98 ha, đros 8.182 njux cà phê, tiar nuv yuôx.

Ntơưv phường Chiềng Cơi, cán bộ têx paz côngz xưv muk txos jok, côngv pêx xênhv xav qơư, chiav têz cà phê thiaz saiz mông uô tơưv. Tix lâus Vì Văn Xuấn, ziv nênhs nhoz jok Ót Dầu, phường Chiềng Cơi, thav pâuz: Nhiv no cur ziv nênhs muôx yax 1 ha cà phê, tâu mnôngs tsik chia pôngz jôngr chos cà phê taz sik pâuz tsik mênhx. Thâuv tâu cán bộ kria cias ntơưv têz, cur tưz pâuz xav qơư, kria mông txos têz cà phê ntơưv ziv nênhs hâur đruôz máy.

Trơưk Chai tsik chia pôngz jôngr thiaz hiav jôngr ntơưv Liên minh châu Âu (EUDR), cà phê muôs trâu luôz têz qơư cêr luôv EU tsuv pâuz qơư uô tơưv huv chai thiaz tsik tâu pôngz jôngr tov kaz hnuz 31/12/2020. Viv li, cêr xav qơư, puôr saiz chiav yênhx njux cà phê zos qơư chia cơ quan chuyên môn tuôr tiv têx jôngr nhiv no, ar chos jôngr, yuôx mông qơư chos. Pêx xênhv tsuv kriz cxuô, zos mông têx qơư, qơư chos, paz max tâus qơư thiaz cêr khov ntơưv faz paz muôs trâu oz chas têz qơưk.

Uô sai cêr cxênhz yuôx 

Sơn La nhiv no muôx yax 44.000 ha cà phê, nhoz ntơưv ntâu xã, phường. Têz chos tsik uô cê, chiav ntâu njux ar tsik tâu mênhx pêv hiav cêr yuôx, sâu ntơưr chor nhov. Lar haik, ntu 2023-2025, têx nênhs tâu chai tưz pov, tik cêr cxâuv 74 txuz ntor jôngr chia chos cà phê, hiav puôk 53,27 ha jôngr. Hâur ntơư, 68 txuz mas bluô nhiax, 6 txuz mas tik cêr cxâuv. Chor no khov xav mênhx ar, nhiv no zôngv yênhx thax ar chos.

Hnuz 21/8/2026, UBPX tỉnh tso tơưv Cêr xav số 231/KH-UBPX txos fuô lês jâus tưr uô tias 120 hnuz yuôx têx cà phê sâuv ar chos ntông, cxiv tsa ntơưr paz max tâus qơư uô tơưv. Jâus sir jos kriz txix hnuz 1/9 txos 30/12/2026, côngv yuôx nhiv no, sâu nhav mông txos yênhx njux cà phê, xav têx ar chos jôngr, paz côngz car qơư chos thiaz lês cêr khov EUDR. Chia paz cxuô thax tsav lês nuv, Sở Kôngz lông thiaz Môi trường tưz kriz 50 lớp cơưv nzir txos njuôk tsov, sâu nhav thiaz saiz txos qơư chos cà phê.

Muôv Trần Thị Nga, viên chức Trung tâm uô Nuv cxuô zav phường Chiềng Cơi, thav pâuz: Đhâu cơưv nzir, pêz kria têx cêr lês zôngv phênhv đruôz máy thiaz faz sâu mông. Thâuv fuô lês ntơưv têx jok, pêz côngv đros pêx xênhv xav chia têz cà phê, kriz mông tus tsưr zôngv ar, shông chos, kror nju thiaz têx ziv muôx têz siz puôk chiav.

Yuôx sai, Sở Kôngz lông thiaz Môi trường tsa tơưv 16 paz paz têx xã, phường txos tsưr ziv, kria đơưk khuôv đais. Ntơưv cơ sở, cán bộ chuyên môn đros tsưr jok thiaz lêx nênhs cik txos côngv pêx xênhv xav têz, chiav njux cà phê, sâu thiaz saiz ntơưr. Txos nhiv no, 30 xã, phường tưz sâu tâu ntơưr qơư chos cà phê, xav têx têz sâu hâur đruôz máy 47.166 ha, bâuv li 100.912 njux. Hâur ntơư, têx xã Mường Chanh, Nậm Lầu, Phiêng Pằn thiaz Yên Sơn uô tiar cxênhz yuôx.

Uô tiar ntâuz ntơưr paz max tâus tâu qơư uô tơưv

Ntâuz ntơưr tov kaz sâu tâu cxênhz yuôx, kho đuô thiaz cxiv tsa cok tsês têx nhiv no cà phê muôx hur si ntơưv tỉnh. Cok tsês tâu tuôr tiv nhiv no muôx, ar chos jôngr chia phênhz têx njux cà phê trơưk 3 hov tuôr xuôv: Kil, đruôz đraz thiaz siaz. Zơưs Nguyễn Huy Tuấn, Chi cục trưởng Chi cục Kiểm lâm tỉnh, thav pâuz: Têx kiểm lâm đros nov hâu thax tsav thiaz têx đơn vị chuyên môn yuôx têz cà phê hâur ar chos ntông, tuôr tiv nhiv no zôngv ar thiaz kri qơư chos. Têx nziv txơưr txar jôngr, tsik pâuz mênhx ar lok sik chiav zuôr tâu cxênhz yuôx, xav đuô chia paz max phênhz hov tuôr xuôv.

Đros trâu yuôx qơư chos, tỉnh tsik so car ntơưr thiaz yuôx têx cà phê. Ntơưv jâus cơưv cxênhz hur si qơư uô tơưv cà phê truôx njês trơưk li EUDR ntơưv oz xã Nậm Lầu thiaz Mường Chanh, đồng chí Nguyễn Thành Công, Phó Chủ tịch UBPX tỉnh, cxiz cov côngv tưr zênhx zav txaik sâuv ntux sox njuôk qơư, cxiv tsa ntơưr côngv zôngv, paz trâu tsêr luôv, HTX saiz, kriz mông trơưk phaiz vax huôv. Đros ntơư, tsik so saiz zuôr, thair cà phê txix têz tsik fiv huv EUDR chia muôs trâu têz qơưk EU.

Xav li tsêr luôv, HTX zuôr, jov cà phê, ntơưr thax qơư chos zos qơư xav têx tơưv têx txir, yuôx qơư uô tơưv thiaz uô hồ sơ tâus tâu qơư trơưk têx tuz luôv khov zuôr trâu oz chas têz qơưk. Trơưk cêr xav, cêr sâu hur si, kho đuô ntơưr cok tsês cà phê nhiv no thiaz phênhz thax tsav tuôr xuôv tiar uô ntêx hnuz 30/12/2026. Têx thax tsav tsuv côngv yuôx, kho đuô txơưr viv têz, chiav têz, xav têx ar thiaz tir thair ruôr jôngr, nav ar jôngr chia chos cà phê.

Đros trâu tiar ntâuz ntơưr, têx thax tsav tror côngv têx kiểm lâm yuôx nhiv no zôngv ar, zênhx max pov, tik cêr cxâuv têx nav ar jôngr chia chos cà phê. Cêr car zav chos đros trâu khov tâus hâur pâuk chia paz por hưv têx jôngr nhiv no yuôr, paz tsêr luôv, HTX yuôx tâu têx cà phê paz max muôs trâu loz chas têz qơưk.