Nênhs hlôngr njêx muôs tỉnh Hủa Phăn muôx đồng chí Phút Phăn - Kẹo Vông Xay, Ủy viên Ban Chấp hành Trung ương Đảng Pêx xênhv Cách mạng Lok Tsuôk, Bí thư Tỉnh ủy, Chủ tịch HĐPX tỉnh Hủa Phăn, đros têx đồng chí thơưx car tỉnh Hủa Phăn.

Yar cơưv THPT Phăn La tâu cxiv tsa shông 1980. Hâur ntu xuz thơưx, yar cơưv muôx luz bê hu uô “Yar cơưv Trung học - Phổ thông số 1”, “Yar cơưv Phổ thông Phăn La”, nhav tâu nhiax paz tsik thêv tror kaz ntơưv tỉnh Sơn La. Txos shông cơưv 1996 - 1997, Yar cơưv muôx luz bê hu uô “Yar cơưv Phổ thông Trung học Phăn La”. Hâur ntơư, lo luk "Phăn” muôz lok ntơưv luz bê tỉnh Hủa Phăn thiaz lo luk “La” lok ntơưv luz bê tỉnh Sơn La, muôx txiax njis lok six zov chênhr kria pâuz cêr thôngx siaz, siz trâus jông  hâur oz tỉnh.

Shông 2003, tỉnh Sơn La tror paz nhiax pênhr cxiv puôz 1 luz tsêr cơưv 2 yôngx muôx 6 qar tsiv nhos yax 5 tỷ nhiax. Shông 2015, tỉnh Sơn La tưz paz nhiax đros tỉnh Hủa Phăn cxiv puôz hội trường yiaz tsiv nhos yax 1 tỷ 700 triệu kíp. Kror paz max  tưz paz zov chênhr trâu hâux lưv hlôngr yiaz vax tsêr, chuôz zênhx kria thiaz cơưv ntơưr, đros ntơư tsênhv cxơưz yar cơưv zôngx ziv fuô lês têx hâux lưv tưz tso tơưv. 

Nhiv no, Yar cơưv THPT Phăn La muôx 59 cưk kria, 1.344 shuv xênhz nhoz 27 lớp. Đhâu 46 shông cxiv tsa thiaz huôv tsar, yar cơưv tưz choz kria ntâu tus nênhs txơưx njê trâu tỉnh Hủa Phăn; hâur ntơư, muôx ntâu shuv xênhz coz, tưr tâu ntâu hov côngz mênhx cấp têz qơưk. Yênhx puô shuv xênhz tưz yênhx nênhs, yênhx têx cán bộ nov hâu, chuyên gia thiaz tsêr luôv, côngv ntâu đas jos thiaz tsưr ziv trâu kror huôv tsar ntơưv thax tsav thiaz têz qơưk. 

Ndax jias tuôx shuôk, Paz đại biểu cấp siaz tỉnh Sơn La tưz krưr iz gơưv máy tính trâu yar cơưv, paz côngz xưv kria thiaz cơưv ntơưr muôx ntâu hlôngr yiaz, cưk kria thiaz shuv xênhz yar cơưv pâuz sir zôngv công nghệ thông tin.

Hâux lưv no kria pâuz kror moz siaz ntơưv tỉnh Sơn La trâu xưv cxênhx choz kria ntơưr ntơưv tỉnh Hủa Phăn, txuôk nzir cênhz cưv siz khov, kria pâuz hâur oz thax tsav. Đhâu no, paz tâu cêr siz njiz, thôngx siaz, siz trâus jông hâur pêx xênhv oz tỉnh, lar haik fâuv hluôk; đros ntơư txuôs jông, bôngs nzir cêr thôngx siaz, siz trâus jông Việt Nam - Lok Tsuôk.