Côngv hnuz kriz muôx đồng chí Thiếu tướng Nguyễn Minh Tuấn, Ủy viên Ban Thường vụ Tỉnh ủy, Giám đốc Công an tỉnh Sơn La, Phó Ban Chox car Đề án 173 tỉnh; têx đồng chí thành viên Ban Chox car Đề án 173 tỉnh; thường trực Đảng ủy, UBPX, UBMTQ Việt Nam xã Suối Tọ; tsưr jok, nênhs muôx côngz nto bê đros hur si pêx xênhv. 

Suối Tọ zos xã tox siaz yuôr ntâu chor nhov ntơưv tỉnh Sơn La, muôx yax 1.000 zis, đros trâu 6.634 lênhx, zuôr luôs 100% zos pêx xênhv Hmôngz, nhoz ntơưv 8 jok. Têx shông đhâu, tâu Đảng, Têz qơưk paz max, đros trâu cêr thôngx siaz, sir jos cxơưz paz ntơưv cấp ủy, nov hâu thiaz pêx xênhv, thax tsav tưz uô tâu têx nuv txâuk kruôk hâur cxuô faz; cêr nox nhoz, chia siaz ntơưv pêx xênhv iz thênhv jux juk tâu yôngv siaz, têx nux gri txux chi cênhz cưv jông ntơưv pêx xênhv Hmôngz tror tâu tsưx tsês thiaz huôv nzir.

Hnuz grâuv pax txux chi Hmôngz xã Suối Tọ jâus tiv 2 shông 2026 zos iz hâur têx nuv lês têx hâux lưv ntơưv Đề án 173 tỉnh Sơn La. Kriz trâu oz hnuz 23 thiaz 24/10, Hnuz gruôv pax txos txux chi jông ntâu tsar zav li tưr têx faz thể thao pêx xênhv, uô si pêx xênhv tus; tênhz tso, kria huv thax tsav; kria cưr cxiax pêx xênhv; cxiax cxênhv gameshow “Muk trâu jêx jok” thiaz ciaz tênhv chaix tox siaz Suối Tọ; tuô fov ntơưr ntơưv yar tiax UBPX xã tưz paz tâu cêr lov jêv, shir phaz, chơư tâu pêx xênhv thiaz kruô nuôv zax côngv lês.

Fuô luk ntơưv jâus Kriz, Thiếu tướng Nguyễn Minh Tuấn, cxiz cov Đảng ủy, UBPX xã Suối Tọ côngv chox car huôv tsar nhiax txiax, xã hội, tror fuô lês, uô tâu jông têx cxiax cxênhv têz qơư xav; kho đuô truôx njês cêr thôngx siaz cxuô zav nênhs thiaz ndêx ntus chính trị; tror tsưx tsês, huôv nzir, huôv nzir txux chi cênhz cưv ntơưv pêx xênhv Hmôngz đros cêr huôv tsar nuôv zax tsôngv nênhs thiaz nuôv zax tox trôngz, paz cxuz cêr pluôs, txo cêr yaiz. Đros ntơư, saiz hloz tsưx hưv têz qơưk - njias to; huôv tsar đêz đar cêr siz tưr “Tas nro pêx xênhv por hưv njias to Têz qơưk”, huôv tsar qơư sơưr ntơưv têx nênhs phax, car, qơư sơưr ntơưv nênhs nênhs muôx côngz nto bê hâur fuô kria, zaz zâuv pêx xênhv lês jông chai têz qơư; cxiv kho jêx jok zênhv hnuz zênhv bluô nux, nox kaz, shir phaz.

Ndax jâus no, Ban kriz lês tưz choz puz 35 triệu nhiax paz txuôk hluô điện nhaz xênhz trâu 16 ziv pêx xênhv ntơưv jok Trò; choz huv 11 tus nênhs muôx côngz nto bê thiaz 6 tus nênhs trâu siaz hâur qơư uô cê đros tsôngv nênhs nhoz thax tsav xã Suối Tọ.

Tov kaz jâus kriz, têx  nuv tưr thể thao pêx xênhv, uô si pêx xênhv tus tưz tâu kriz lov jêv đros trâu por poz, truz hluô, njuôk jos, tuô hnênhr, ntâu tux luz, tuôr nduôr blâuv, muôx 8 paz tưr, 180 lênhx ntơưv têx jok côngv lês. Têx qơư no tsênhv muôx ntâu qar huv kria, tênhz tso kôngz txir ntơưv thax tsav.