Taz thiaz đros paz đại biểu tỉnh Sơn La uô hâux lưv muôx đồng chí Sổm Phon Si U Đôm Phăn, Ủy viên Ban Thường vụ Tỉnh ủy, Chủ tịch Ủy ban Mặt trận Lok Tsuôk cxiv tsa têz qơưk tỉnh Luông Pha Bang. Đros têx đồng chí thơưx car Ủy ban Mặt trận Lok Tsuôk cxiv tsa têz qơưk tỉnh Luông Pha Bang.

Hâur jias siz thav, đồng chí Sổm Phon Si U Đôm Phăn tưz kruôk txos hâux lưv siz khov txix li oz cơ quan Mặt trận hâur fuô kria, choz kria cênhz cưv txix li têz qơưk Lok Tsuôk - Việt Nam; zaz zâuv pêx xênhv thax tsav đriv têz por hưv jông ndêx chiv đriv têz, por hưv njias to thax tsav, paz huôv tsar nhiax txiax - xã hội hâur thax tsav. Đros ntơư, khov cov oz tos tror tsưx truôx hâux lưv siz khov hâur fuô kria, zaz zâuv pêx xênhv thiaz fuô lês jông têx njiaz luk siz khov.

Muôx luk hâur jias siz thav, đồng chí Cuôv Xênhv Tsaz tưz uô tsâus txos hâux lưv taz paz côngz xưv ntơưv Ủy ban Mặt trận Lok Tsuôk cxiv tsa têz qơưk tỉnh Luông Pha Bang. Đồng chí haik tiak, jias siz thav zos jias chia oz tỉnh cxênhz đuô têx hâux lưv siz khov, siz chos cơưv shâuv tsưr ziv, cxơưz paz lês jông côngz xưv mặt trận.

Kria pâuz txos côngz xưv mặt trận ntơưv tỉnh Sơn La hâur ntu đhâu, đồng chí Cuôv Xênhv Tsaz tưz kria txos têx hâux lưv jông hâur fuô kria, zaz zâuv pêx xênhv, cxiv tsa hur si cxuô lênhx pêx xênhv thôngx siaz; côngv cxiv tsa Đảng, nov hâu; lês hâux lưv cxênhz yuôx, riz nus xã hội. Mặt trận cxuô cấp hâur tỉnh cux tưz zaz zâuv pêx xênhv lês jông têx hâux lưv chính trị, lês jông têx cêr siz tưr, jias zaz zâuv, yax hlo zos luôs hâux lưv paz uô tsêr nhoz trâu têx zis nhoz tsêr khâuz hlaz, tsêr ntuôs.

Đồng chí Cuôv Xênhv Tsaz xar cov hâur ntu zuôr txos, Mặt trận oz tỉnh zuôr tror moz siaz fuô kria trâu fâuv hluôs lok sâuv cêr siz khov, siz trâus jông txix li têz qơưk Việt Nam - Lok Tsuôk; cxaz nzir cêr pâuz, phênhv shuôv trâu pêx xênhv thax tsav đriv têz hâur lês têx cêr chai por hưv đriv têz qơưk. Đros ntơư, moz siaz zaz zâuv, paz zôngx ziv chia tsêr luôv muôz nhiax uô nuv. Oz tỉnh tror moz siaz siz chos saz lax, kria pâuz têx tsưr ziv hâur côngz xưv mặt trận thiaz siz kria mông chia cov zênhx max đơưk têx cêr phiv liv muôx yưv.

Txix li cêr thôngx siaz, siz trâus jông thiaz siz gas siaz, oz tỉnh tưz chos luk lês hâux lưv hâur ntu 2026 - 2028, thôngx iz trôngs luk siz khov hâur côngz xưv fuô kria, zaz zâuv pêx xênhv; kria cênhz cưv siz khov txix li têz qơưk Việt Nam - Lok Tsuôk, yax hlo zos hâux lưv Saiz hloz Shông Thôngx siaz siz trâus jông txix li Lok Tsuôk - Việt Nam 2027, 65 shông Hnuz siz khov txix li Việt Nam - Lok Tsuôk, 50 shông Hnuz cir ntâuz ntơưr Siz khov txix li Việt Nam - Lok Tsuôk.

Oz tos tưz thôngx iz trôngs luk zaz zâuv pêx xênhv por hưv đriv têz, ndêx chiv đriv têz; moz siaz siz khov txix li têx thax tsav đriv têz; siz kria mông, cơưv shâuv tsưr ziv lês côngz xưv mặt trận thiaz siz khov paz zok nriar têx liệt sỹ Việt Nam tưz tâu tas siv nênhx ntơưv têz qơưk Lok Tsuôk. Hâux lưv siz thav, siz chos cơưv shâuv tsưr ziv tâu kriz 2 shông iz jâus; jias siz tav txuôk nzir zuôr tâu kriz ntơưv tỉnh Sơn La.

Hâux lưv cir ntâuz ntơưr chos luk chia lês mênhx pêv hâux lưv siz khov txix li cơ quan Mặt trận 2 tỉnh, moz siaz siz khov, siz chos cxiv kho cêr thôngx siaz txix li tỉnh Sơn La thiaz Luông Pha Bang, paz bôngs nzir cêr thôngx siaz thiaz siz khov txix li têz qơưk Việt Nam - Lok Tsuôk.