Ntơưv jok Khoa, ntâu shông đhâu, Câu lạc bộ (CLB) Txux chi pêx xênhv Poz Ziz xã Tạ Khoa tưz yênhx qơư siz njiz, cơưv txux ntơưv 46 hội viên. Iz tuần iz lưv, têx thành viên đros cơưv shâuv cưr cxiax, cơưv ntơưr Poz Ziz, kria tsưr ziv uô ntâuz pas txaix, nria fuôv txiax thiaz uô têx kar nox cênhz cưv.

Pos Lừ Thị Điêu, Chủ nhiệm câu lạc bộ, thav pâuz: Tok nrư tsưx tâu têx txux chi cênhz cưv, shông 2024, tov kaz so nuv têz qơư tsik kria ntơưr, cur tưz zaz zâuv têx nênhs muôx siaz nhiav tsa yênhx CLB. Xuz thơưx, nênhs lês tsik yuô chôngz, cur muk trâu yênhx ziv nênhs thav, zaz zâuv pêx xênhv côngv lês. Txos nhiv no, CLB tưz lês trơưr, muôx cêr siz trâus jông ntơưv têx nênhs nhiav chia tsưx tsês txux chi tiz nênhs.

CLB tsênhv đros têx yar cơưv kriz saiz siv trâu tuz cơưv. Txix li têx pos, têx fâux kria, têx tuz cơưv tâu pâuz txos tsôngk hnar, cêr đaz kruô, pâuz txos ndêx ntok thiaz shâuv sênhv chêr. Têx cêr pov tưz paz tuz cơưv nhiav, muôx cêr nyơư thiaz to tâuz tsưx tsês têx txux chi ntơưv jêx jok .

Cưr Tòng Thị Thảo Chi, tuz cơưv lớp 7A, Yar cơưv THCS Mường Khoa, thav pâuz: Cur lok sik nhiav lês têx txux chi nênhs Poz Ziz đros fôngx zưs. Tâu mnôngs têx pos, têx fâux kria thiaz lês siv, chia pâuz txos tsôngk hnar, đaz kruô ntơưv zuk zav nênhs. Cur tok nrư tâu lês ntâu nuv muôx txiax njis li no.

Xã Tạ Khoa nhiv no muôx 6 côngs txux chi, cưr cxiax ntơưv têx jok, iz côngs muôx li 7 thành viên. Têx côngs tâu paz qơư cơưv shâuv thiaz paz 2 triệu nhiax/shông chia lês trơưr nuv. Ndax trâu luz tsiaz, hnuz gruôv pax, têx thành viên côngv bax têx jax cưr cxiax, sênhr chêr pêx xênhv chia nthuôr lês, siz njiz, kriz têx cêr uô si pêx xênhv tus, chuôz qơư cax siaz, siz trâus jông tsôngv nênhs jêx jok. 

Zơưs Lừ Văn Tuyên, Phó Chủ tịch UBPX xã Tạ Khoa, haik tiak: Xã saiz hloz fuô kria, zaz zâuv pêx xênhv yôngv siaz cêr to tâuz, phênhv shuôv hâur tsưx tsês txux chi cênhz cưv, huôv nzir qơư sơưr ntơưv têx cưk txux hâur cêr kria txux chi trâu fâuv hluôs. Ntu nu muk, xã tror lês trơưr têx câu lạc bộ, côngs cơưv chai txux chi, paz cưr cxiax; đros yar cơưv kriz nuv ndis saiz, muôz têx cêr sênhr chêr, uô si pêx xênhv tus trâu cxiax cxênhv siz njiz, hnuz gruôv pax; kriz têx nuv siz njiz, siz kria, yâu mông txux chi, huv kôngz txir zuk thax tsav.

Txix li nov hâu thax tsav moz siaz paz thiaz truôx siaz ntơưv têx nênhs nhiav txux chi cênhz cưv, cêr tsưx tsês, huôv tsar nux gri txux chi ntơưv xã Tạ Khoa taz tov fuô lês muôx liv txix têx faz lês, qơư mênhx pêv ntơưv yênhx jok. Têx nuv ntơưv têx côngs, câu lạc bộ, paz haik cưr cxiax pêx xênhv, têx jâus cơưv txux, siz njiz, nthuôr txux, kria txux chi taz tov paz cxix cxuô nzir cêr chia siaz ntơưv pêx xênhv, haik tsênhz txux chi txơưr hlo ntơưv Tạ Khoa.