Jias no, thơưx car xã Chiềng Lao tưz kria pâuz têx kror uô tâu hâur côngz xưv chox car fuô lês hâux lưv huôv tsar nhiax txiax, xã hội 9 hli hâu shông, tsưr ziv zov chênhr 3 hli kaz shông 2026. Xã Chiềng Lao tâu cxiv tsa txix muôz 3 xã Chiềng Lao, Nậm Giôn thiaz Hua Trai lok uô cê. Cxơưz xênhz txơưv, cêr muôx liv yênhx thax tsav, xã moz siaz huôv tsar kôngz lông sir zôngv chuôz zênhx jông, tu zus tsiax cxu muôs, cxiv tsa tsưr ziv huôv tsar kôngz txir nox hur; huôv tsar nuôv zax pak đêx đas đros trâu nuôv zax jêx jok thiaz cxưx nhiax kriz cêr muk lok jêx jok. Nhiv no xã muôx yax 700 ha ntông nox txir thiaz tuôz ziz; zuôr luôs 400 luz guôx njêk, xav hur si ntâuk cxov tâu yax 730 tấn/shông; saiz car, por hưv yax 15.577 ha jôngr, tyv tsôngv jôngr nzôngr nzông tox trôngz hâur pêk tâu 43,45% thiaz por hưv jông 33,1 ha jôngr chos. Sâu nhiax txiax tâu 8,68 tỷ nhiax, tâu 111% tsov xav tỉnh zok; kênh pênhr cxưx nhiax uô têz qơưk hâux lưv yax 13,4 tỷ nhiax, tâu 84,2% tsưr ziv. 

Hâux lưv txux chi, xã hội, paz nênhs txov nhêv hla đhâu cêr phiv liv tâu fuô lês zênhx max muôx kaz hâu. Côngz xưv cxiv tsa Đảng thiaz cêr chai ndêx ntus chính trị tâu fuô lês muôx kaz hâu; tsưx truôx cêr njias to, côngz xưv quốc phòng tâu cxiv tsa, txuôs jông.

Fuô luk jâus no, đồng chí Bí thư Tỉnh ủy tưz kruôk trâu xã Chiềng Lao têx hâux lưv uô tâu hâur ntu đhâu. Đros ntơư, cxiz cov xã tror cxơưz cêr thôngx siaz, thôngz ndâux luk, saiz hloz paz pơưs cêr txơưx njê, sir jos uô tiar têx hâux lưv tâu zok. Têx đồng chí thơưx car cấp ủy, chi bộ, cơ quan, đơn vị tsuv nhav phênhv shuôv trâu cấp uỷ lok sâuv fuô lês têx hâux lưv chính trị tâu zok. Hâur huôv tsar kôngz lông, xã tror kria pêx xênhv pâuz hlôngr yiaz nôngz kôngz chos, nôngz tsiax cxu zus, tsưr ziv huôv tsar kôngz lông, muôx pênhr xưv siv fuô lês têx tsưr ziv huôv tsar nhiax txiax yiaz, muôx kaz hâu, fiv huv thax tsav cêr muôx tias hâur luz nênhx; tsik tsês sâu nhiax thax tsav. Lok sâuv fuô lês têx dự án, xã tror moz siaz uô tiar 100% dự án cxưx nhiax uô têz qơưk hâux lưv zos chai; tưx tsov xav tsưr ziv đros têx tsưr muôz nhiax uô, tsêr luôv đơưk tâu sai cêr txov nhêv, khuôv đais, paz txâuk chai chia fuô lês têx dự án. Đros ntơư, tsik tsês cxiz njôngr, cxênhz yuôx têx nênhs tâu ntiar cxiv puôz, tsưr muôz nhiax uô fuô lês zos li hnuz nhôngs tênhv, nzor muôz têx dự án lok sir zôngv, xav tơưv hax huv jông, paz cxơưz sâu nju nhiax txiax thiaz kror huôv tsar ntơưv tỉnh.

Đros ntơư, moz siaz hlôngr yiaz hâux lưv choz kria ntơưr, nhav nxias bax txâuk vax tsêr thiaz têx pluôk mor muôx cuôz trâu shuv xênhz nox; tsik so cxiv puôz yar cơưv txâuk chai têz qơưk. Tror fuô lês têx cêr chai ntơưv Trung ương, Chính phủ lok sâuv por hưv pêx xênhv muôx đas jos. Nhav nxias tsưx truôx thax tsav nhoz njias to, lar haik côngz xưv tir tar zax zênhz. Moz siaz cxiv tsa cêr chai ndêx ntus chính trị đơưz hur truôx njês, paz tâu zênhx max hâux lưv nhiv no; hlôngr yiaz tsưr ziv chox car, tsik tsês tir tar têx nênhs cxâuv ntơưv têx tổ chức cơ sở đảng; tsik so thôngx siaz, thôngz ndâux luk, cxơưz sơưr đơưk đas jos, sir jos uô tiar têx hâux lưv chính trị tâu zok.