Ntơưv Thax txi Huôz taik Lê Thái Tông, têx đồng chí thơưx car tỉnh tưz hlơưr shaz ndo txiax njis Huôz taik Lê Thái Tông, nênhs muôx côngz cxiv tsa thiaz por hưv njias to têz qơưk. Cán bộ, đảng viên thiaz pêx xênhv cxuô hair nênhs Sơn La tror cxơưz cênhz cưv nto mông ntơưv fâuv lâuk, cxiv tsa thax tsav, têz qơưk zênhv hnuz zênhv bluô nux, jông jav thiaz vav mênhx.

Hlơưr shaz ntơưv Thax shaz Zơưv Hloz Hôx, têx đồng chí thơưx car tỉnh tưz ndo txiax njis Chủ tịch Hồ Chí Minh tưz tas ntâu đas jos thiaz tsưr ziv hâur xưv cxênhx txênhz tâu vax huôv lok trâu hair nênhs Việt Nam thiaz tiz nênhs ntiax têz. Nhoz ntơưv thax shaz Zơưv Hloz Hôx iz saz, chos luk tror cxơưz cênhz cưv anh hùng, muk trơưk txox cêr uô têz uô qơư mak Đảng thiaz Zơưz Hloz Hôx tưz xair; tror tsik tsês cơưv shâuv, uô trơưk siaz xav, tsiv txiax, tsưr ziv, chux pưv ntơưv Zơưv Hloz Hôx; sir jos uô tiar cxuô hâux lưv tâu zok, cxiv tsa têz qơưk, thax tsav zênhv hnuz zênhv tsik tsês huôv tsar. 

Ntơưv Tsêr txi têx Anh hùng Liệt sĩ, cxuô đồng chí thơưx car tỉnh tưz cxok pax, hlơưr shaz ndo txiax njis têx Anh hùng liệt sĩ - têx mê nhuôv ntơưv thax tsav, têz qơưk tưz tas txo siaz viv xưv cxênhx txênhz tâu vax huôv, paz têz qơưk tiax tuk, thax zênhz, chia siaz côngv tas đas jos, tsưr ziv por hưv, cxơưz têx hâux lưv uô tâu hâur uô têz uô qơư, tsik tsês sik tưr huôv tsar kôngz lông, cxiv tsa Sơn La zênhv hnuz zênhv bluô nux thiaz jông jav.