Trơưk Quyết định số 1948 hnuz 7/10/2026 ntơưv Thủ tướng Chính phủ, Hội đồng cxênhz yuôx Têz qơưk tâu cxiv tsa chia cxênhz têx Ntâuz ntơưr tsov xav chia uô dự án; cxênhz têx ntâuz ntơưr trơưk cêr chai têz qơưk, kror zov chinhr muôz nhiax kriz, xav hur si nhiax kriz, uô txox cêr thiaz muôx liv huôv tsar nhiax - xã hội.

Lês trơưk UBPX tỉnh chox car, Ban Saiz car dự án muôz nhiax uô têx cêr yêz tỉnh tưz zuôr xair tsov nênhs txơưx kria, muôx tsưr ziv chia cxênhz, uô tiar Ntâuz ntơưr tsov xav uô ntêx zuôr lês dự án (Tổng Công ty kria tsưr ziv uô cêr yêz - TEDI) txix li têx ntâuz ntơưr muôx, hâux lưv cxênhz, têx ndâux lul ntơưv têx bộ, ngành Trung ương cik txos. Njiaz lul uô cov tiar txox cêr, txâuk chai, thêv nhiax đêx ar, por hưv cêr nyiaz hur, xav hur si nhiax cxiv tsa uô, muôx liv chia huôv tsar nhiax txiax - xã hội thiaz tsưr ziv fuô lês.

Trơưk tsưr ziv kriz txox cêr đhâu tỉnh Sơn La ntêr txos 179,5 caik, piz uô ntơưv Caik 85+300, yưv trâu Cêr têz qơưk 43, ntơưv phường Vân Sơn, txuôk trâu cêr yêz mul chinhr Hòa Bình - Mộc Châu; ntu suôx câuv ntơưv Caik 264+800, thax tsav xã Mường Bám, puôz đriv tỉnh Điện Biên. Txox cêr mul đhâu 18 xã, phường, tâu muôz nhiax uô txâuk trâu 4 lênhx yêz mul, txox cêr  đar 22 thiar, xav yêz mul chinhr txos 80 caik/six, muôx qơư trâu yêz thênhv zos muôx hâux lưv zov chinhr. Txox cêr tâu tuôr xav muôx 34,5 tus qox hla cưx ha, 14 kror cêr yuôv thiaz 1 kror qơư gas đhâu kror tsuô muôx 2 txox, xav đêz txos 1,3 caik; đros trâu txox cêr jông, sâu nhiax mul lol, tơưk tênhz, qơư thênhv yêz so thiaz têx zav nhav nxias tsav yêz nhaz xênhz.

Njuôk xav zuôr zôngv tas 2.230 ha ar, muôx 1.045 zis zuôr mas sâu ar, hâur ntơư muôx 920 zis tâu yêv qơư nhoz; bax tâu 28 kror qơư nhoz yiaz trâu ntơưv 13 xã, phường. Njuôk xav nhiax cxiv tsa uô tas 63.120 tỷ txix li nhiax Trung ương; tâu cxiv tsa uô hâur ntu 2026-2030 njuôk xav muôz 44.184 tỷ nhiax, txênhz 70%; ntu 2031-2035 mal 18.936 tỷ nhiax. Njuôk xav shông 2030 zuôr uô tâu tiar.

Ntơưv jâus uô hâux lưv, têx đại biểu tưz saz lax muôx ndâux lul trâu têx hâux lưv chia zênhx max uô tiar Dự án cêr yêz mul chinhr Mộc Châu - Sơn La - Điện Biên (CT.03), ntu hâur thax tsav tỉnh, moz siaz trâu têx njiaz lul: cxênhz, sâu hur si têx ntâuz ntơưr; uô tiar hâux lưv njuôk xav txox cêr, thêv nhiax đêx ar yêv pêx xênhv, por hưv cêr nyiaz hur, xav hur si nhiax cxiv tsa thiaz lês jông hâux lưv muôz nhiax cxiv puôz; cxênhz mênhx qơư njuôk xav muôz nhiax lês thiaz njuôk xav nhiax trơưk yênhx ntu. Cxênhz, sâu thiaz khov txos têx bộ, ngành Trung ương.... 

Muôx lul ntơưv jias uô hâux lưv, đồng chí Chủ tịch UBPX tỉnh cxiz têx sở, ngành nzor uô tiar ntâuz ntơưr thiaz têx njiaz lul cik txos, bax cxix cxuô qơư uô hâux lưv, zuôr têx bộ, ngành ndâux lul, nhav nxias trơưk hnuz nhôngs chia njuôk xav lês. Đros ntơư, tror cxênhz têx tsưr ziv lol sâuv zôngv ar, yêv pêx xênhv nhoz qơư yiaz, njuôk xav nhiax thiaz hur si nhiax muôz kriz txox cêr, nhav nxias tâu bax cxix cxuô, trơưk cêr chai, lês tâu jông, bax trâu jâus fuô lês hâur ntu zuôr txos.