Ntơưv Yar cơưv THPT Mộc Lỵ, tiết cơưv xuz thơưx lok sâuv tiz nênhs xav tơưv cêr txơưx njê tâu kriz đrông ntưk. Têx njiaz luk tsênhv yiaz li chatbot, luk cxiz prompt, AI tsiv tơưv, tâu cưk kria uô jông kria pâuz zôngx ziv. Txix têx chuôz zênhx nênhs xav tơưv cêr txơưx njêx thôngz plơưk li ChatGPT, Gemini, Grok, têx shuv xênhz tsênhv tâu siv sir zôngv, xav tơưv ndâux luk nus AI, tsưr ziv zok nriar paz muôx liv trâu cêr cơưv thiaz tâu kria pâuz cxênhz yuôx, njuôk tsov, cxênhz đuô xor mông.   

Shuv xênhz Nguyễn Đăng Phúc, lớp 12A1, Yar cơưv THPT Mộc Lỵ, kria pâuz: Uô ntêx thâuv yar cơưv muôz AI lok kria ntơưr, cur tưz pâuz thiaz sir zôngv iz cxia chuôz zênhx AI paz trâu hâux lưv cơưv ntơưr thiaz luz nênhx taz sik phênhv ntâu xav tơưv ndâux luk nus zôngx ziv, li ntơư ndâux luk têz têx thâuv tsênhv tsik tâu fiv huv trơưk li kror xar tâu. Đhâu têx tiết cơưv thiaz kror uô jông kria pâuz ntơưv cưk kria, cur tưz pâuz xav tơưv têx ndâux luk nus mênhx pêv đuô, tsov xav mênhx vax huôv thiaz kror taix nus trâu AI. Viv li, paz cur pâuz sir zôngv chuôz zênhx no muôx kaz hâu đuô, paz max hâux lưv cơưv ntơưr.  

Ntơưv Yar cơưv THCS Lê Quý Đôn, phường Tô Hiệu, tiết yaz ntơưr Hóa học ntơưv lớp 9A1 tâu xav tơưv yênhx iz ndis shuôk chuôz zênhx đros trâu jax toán hâur luz nênhx. Hlôngr trâu tsik cxoz muôz chor luk têz tưz muôx lơưv kria, cưk kria zok trâu shuv xênhz sir zôngv AI uô cov tâu iz zav hâux lưv,  AI tsênhv muôz tâu iz lo luk têz, taz sik ho tsênhv tsik pâuz tâu kror tsik fiv huv. Txix têx kror cơưv tâu thiaz chor luk tơư kria ntơưv cưk kria, shuv xênhz tâu max mav sox njuôk thiaz pâuz txos kror zuôv cêr hâur AI chor luk têz. Tov kaz ntơư, têx shuv xênhz tror cxiv kho chor luk nus, cxaz nzir xor mông thiaz cxiz cov AI cxênhz đuô uô ntêx thâuv muôz luk têz ndâux luk nus. Tiết cơưv suôx câuv đros trâu njiaz luk: AI paz zok nriar thiaz kria pâuz xor mông, têx ndâux luk têz tsik zos thâuv tưs cux zos. Nênhs sir zôngv tsuv pâuz uô jông xav, riz nus, cxênhz yuôx kror zos ntơưv xor mông thiaz pâuz cxiv kho chor luk nus fiv huv.  

Cưk kria Lê Thị Thu Hương, Hiệu trưởng Yar cơưv THCS Lê Quý Đôn, kria pâuz: Yar cơưv chox car cưk kria tưx tsov xav tsưr ziv zok nriar, pâuz sir zôngv têx chuôz zênhx AI chia hlôngr yiaz tsưr ziv kria ntơưr thiaz xav tơưv nzir têx tsưr ziv cơưv ntơưr muôx nênhs nus thiaz têz. Kria shuv xênhz pâuz sir zôngv AI zos cêr tuôr xav, cxênhz mênhx xor mông thiaz cxênhz đuô ndâux luk têz, tsik zos pâuz nzaz nzơưv chuôz zênhx kror muôx liv xưz mak tsênhv txuôs jông tsưr ziv tưx xar tâu.

Fuô lês kror hlôngr yiaz “Hlôngr pâur số hur si, fuô kria thiaz sir zôngv đêz đar chuôz zênhx số, tsưr ziv nênhs xav tơưv (AI) hâur Choz kria ntơưr" trơưk Nghị quyết số 71-NQ/TW hnuz 22/8/2025 ntơưv Bộ Chính trị, Sở Choz kria ntơưr tưz chox car 100% yar cơưv txix cấp tiểu học txos THPT muôz AI lok kria ntơưr. Đros ntơư moz siaz kria nzir, paz têx cưk kria pâuz sir zôngv thiaz hlôngr yiaz tsưr ziv sir zôngv AI hâur fuô lês hâux lưv chuyên môn. Txix hâu shông txos nhiv no, Sở Choz kria ntơưr tưz kriz jias kria pâuz tsưr ziv số thiaz sir zôngv AI trâu 21.858 cán bộ saiz car, cưk kria (tâu 88,54%); kriz cxiax cxênhv "Uô tsưr AI- Yênhx SuperTeacher” trâu zuôr luôs 2.400 cán bộ saiz car, cưk kria cxuô cấp cơưv... Đhâu no, têx cưk kria tâu kria nzir cêr chai thiaz tsưr ziv sir zôngv AI hâur saiz car, xav tơưv jax kria ntơưr, cxiv tsa chia cxênhz yuôx, paz shuv xênhz cơưv ntơưr; đros ntơư, hlôngr yiaz cêr xar lok sâuv hâux lưv sir zôngv AI nhaz xênhz thiaz muôx kaz hâu.

Zơưs Quàng Văn Lâm, Phó Giám đốc Sở Choz kria ntơưr, thav tiak: Sở tror tsik tsês kriz têx jias kria pâuz sir zôngv tsưr ziv nênhs xav tơưv cêr txơưx njê trâu cán bộ saiz car, cưk kria têx yar cơưv, cơưv shâuv siz lơư lias têx chuôz zênhx yiaz, muôx liv đuô; tsov xav nhiax txiax chia cxiv puôz 300 qar tsêr cơưv txơưx njê trâu têx yar cơưv hâur hur si tỉnh; cxiv tsa kror qơư cơư tsês ntâuz ntơưr kria pâuz tsik tas nhiax; kriz têx jias tưr muôx phaz nzưr sir zôngv AI hâur choz kria ntơưr; xav tơưv cêr chai zaz zâuv, kriz đar têx tsưr ziv uô muôx kaz hâu.  

Iz chas cxênhx cxênhv choz kria ntơưr zov chênhr đros trâu muôx 12 tiết/shông, têx yar cơưv zuôr kriz nzir têx cxênhx cxênhx kriz đar, fiv huv shuv xênhz cêr xar thiaz tsưr ziv. Txix têx tiết cơưv xuz thơưx, hâux lưv bax tsưr ziv sir zôngv AI nhaz xênhz, muôx kaz hâu thiaz uô tiar phênhv shuôv taz tov zos qơư chuôz zov chênhr paz iz fâuv shuv xênhz pâuz uô tsưr chuôz zênhx, tưx tsov xav tsưr ziv cơưv shâuv cêr txơưx njê thiaz fiv huv huôz chuô cơưv shâuv số.