Tưr đhia muôx 5 zav cêr li 5 caik, 10 caik, 15 caik, 20 caik thiaz 25 caik chia trâu txir nênhx thiaz pox niav. Cêr đhia piz ntơưv thax tsav yar tiax iz saz Tsêr txux chi jok Phiêng Panh, trơưk txox cêr muk Mường La, đhâu Nam Nghè ( tsêr txux chi jok Phiêng Nghè, xã Chiềng Đen kuz), Yar tiax bóng jok Phiêng Niệu (xã Chiềng Đen kuz), har cà phê, trôngz cà phê thiaz lok suôx câuv trâu ntơưv trôngx lôngs UBPX phường Chiềng An. Txox cêr đhia lok trâu trôngz cà phê njuôz xiaz, têx trêk txir siar liaz vos trơưr đrik chês thiaz tox trôngz hâur pêk tox siaz txơưr ntơưv Sơn La.

Nhiv no, côngz xưv bax đhia taz tov tâu Sở Txux chi, Thể thao thiaz Nuôv zax côngv đros phường Chiềng An zênhx max fuô lês. Têx njiaz luk zov chênhr tâu cxênhz yuôx, uô tiar, txix chok nxiak cêr đhia, thax qơư piz đhia, suôx câuv, têx qơư paz đêx hâuk, cxaik zênhx zav(check-in) txos kho đuô qơư jông, qêz qơư nyiaz hur. Têx nênhs paz tsưx njias to, tưx zưv, nhaz xênhz tsav yêz muk lok, kho moz thiaz têx zav paz cxơưz jos cux tâu tuôr xav, tok nrư  fiv huv cêr kriz tưr đhia.

Đros trâu nuv lês tâu cơưv, Ban kriz lês cxơưz paz pêx xênhv lês têx nuv txux chi, cưr cxiax, cxơưz jos, muôx cêr lov jêv trơưk txox cêr đhia. Đhâu ntơư, paz uô tâu muk đêz đar cêr siz tưr  cơưv shâuv cov iz chê hâur tsôngv nênhs, đros ntơư cxaz nzir cêr tâu siv lês trâu vận động viên thiaz kruô nuôv zax thâuv tuôx txos Sơn La.

Cêr kriz tưr đhia paz max chuôz tâu faz cov iz chê tsôngv nênhs, đros yâu mông huv cà phê, txux chi thiaz cêr txơưv zênhx nuôv zax; đhâu ntơư kria njux đuôz trôngx têz Sơn La ndơưs nênhs, nhiav kruô txos têx fôngx zưs zuk thiaz luôs tỉnh.