Jias uô hâux lưv, muôx đồng chí Nguyễn Thành Công, Phó Chủ tịch UBPX tỉnh; nov chox car iz cxia sở cik txos; hlôngr njêx muôs têx tsưr cxưx nhiax uô dự án huôv tsar điện hâur thax tsav tỉnh. Jias no, kriz txos ntuô têx xã muôx dự án đros cơưv.

Nhiv no, tỉnh tưz tso chai uô 17/57 dự án điện đêx zâu. Hâur ntơư, muôx 9 dự án taz tov uô, tas nro yax 136 MW; 8 dự án taz tov uô ntâuz ntơưr cxix zuôr piz uô; 3 dự án zuôr piz uô trâu 3 luz hli hâu shông 2027. Xav tas hnuz  xiaz 9/10/2026, têx dự án điện đêx tưz zok zuôr luôs 4.838 tỷ nhiax, xav muôx 4 dự án điện đêx: Háng Đồng B, Nậm Hóa 1, Suối Lèo, Chiềng Hắc 2 zuôr uô cov tiar trâu shông 2026.

Tỉnh tưz tso chai uô 16/35 dự án điện yar ntux thiaz 1/11 dự án điện chuô. Hâur ntơư 4 dự án điện yar ntux zuôr piz uô hâur 3 luz hli kaz shông 2026, Dự án điện chuô Risen Phù Yên zuôr piz uô txix luz 4 hi txos luz 6 hli shông 2027. Iz chas ntơư, Dự án điện đêx tích năng Đông Phù Yên taz tov njuôk tsov zuôr tiar trâu 3 luz hli hâu shông 2027.

Ntơưv jias uô hâux lưv, têx đại biểu tưz saz lax, haik mênhx têx zav txov nhêv thiaz saz lax têx njiaz luk phiv liv hâur côngz xưv ntu bax cxưx nhiax, yêv qơư; txov nhêv thâuv gruô hu nênhs uô hâux lưv; saz lax uô điện…
Ntơưv jias uô hâux lưv, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh, haik mênhx tỉnh zuôr paz max cov têx tsưr cxưx nhiax zôngx ziv lês sai cxuô dự án điện hâur thax tsav tỉnh. Đồng chí cux cxiz cxuô cấp, cxuô ngành trâu siaz siz chos đơưk têx cêr phiv liv thâuv uô têx ntơưr, yêv qơư uô mặt dự án điện. Đồng chí zok hâux lưv trâu Sở Kôngz lông thiaz Môi trường txiz nênhs uô côngz xưv paz tsêr luôv thiaz têx xã yêv qơư, thêv nhiax; xav mênhx hâux lưv ntơưv yênhx thax tsav. Têx tsưr cxưx nhiax siz chos đros cxuô sở, ngành nzor đơưk têx cêr phiv liv, cov têx dự án nzor tâu piz uô trơưk tuôr xav.