Lov jêv ntưk tưr đhia Marathon “Arabica” tỉnh Sơn La shông 2026

Hnuz 11/10, Sở Txux chi, Thể thao thiaz Nuôv zax tưz đros UBPX phường Chiềng An siz chos tso yar tưr đhia Marathon “Arabica” tỉnh Sơn La shông 2026.

Piz tưr đhia Marathon “Arabica” tỉnh Sơn La shông 2026
Nov chox car Sở Txux chi, Thể thao thiaz Nuôv zax gơư luk ntơưv jias tso yar tưr.

Jias no muôx yax 530 lênhx ntơưv 23 đơn vị thiaz câu lạc bộ hâur thax tsav tỉnh tuôx tưr. Jias tưr đhia đhâu 5 ntu cêr: 5 caik, 10 caik, 15 caik, 20 caik thiaz 25 caik cêr, luôx juk pox niav thiaz txir nênhx.

Trọng tài chos luk ntơưv jias tưr
Ban tso yar tưr puz qix saiz đraz muôs trâu têx đơn vị tưr.

Txos 6 six 30 phút xưz, thâuv tso luk tưr tas nro, têx nênhs tưr đhia 25 caik cêr tưz sơưr cêr, tưr đhia cêr đêz hla ntâu ntu phiv liv yax hâur jias tưr. Piz txix ntơưv yar tiax UBPX phường Chiềng An, muk đhâu jok Nam Nghè, yar tiax jok Phiêng Niệu thiaz đhia hla trôngz têz cà phê, uô ntêx thâuv zuôr tror lok.

Têx nênhs tưr shir phaz lus piz đhia.
Đơn vị Sở Nội vụ tưr đhia.
Têx nênhs tưr đhia 25 caik cêr piz đhia 

Txos 7 six 30 phút, piz sơưr cêr tưr đhia: 5 caik txix ntơưv tsêr txux chi jok Nam (kuz), txos trôngz têz cà phê; 10 caik txix ntơưv trôngz têz cà phê; 15 caik piz đhia ntơưv yar tiax jok Phiêng Niệu, xã Chiềng Đen (kuz); 20 caik sơưr cêr đhia txix ntơưv tsêr txux chi jok Phiêng Nghè, xã Chiềng Đen (kuz). Cxuô paz nênhs tưr cxuô ntu puôr lênhx đhia lok xâuk ntơưv kror trôngx vas UBPX phường Chiềng An.

Ntu cêr tưr đhia đhâu trôngz têz cà phê jông gâux.
Chôngz pêx xênhv saiz buôx têk cxơưz đas jos têx nênhs tưr 

Cxuô lênhx cuz siaz lus bax đas jos, njuôk tsov uô ntêx têx cêr zuôr đhia muk đhâu, bax cxix têx chuôz zênhx tsênhv chênhz paz max cpv tưr nhaz xênhz thiaz lok txos qơư nzor yax.

Ntu cêr tưr đhia đhâu trôngz têz cà phê ntơưv phường Chiềng An 
Ntu cêr tưr đhia đhâu trôngz têz cà phê njuôz xiaz.

Tâu jông ntux, Ban tso yar tưr ho uô jông bax cxix cxuô tưz paz trâu jias tưr nhaz xênhz lus. Thôngz cxuô ntu cêr, ntâu ntu puôr lênhx bax nênhs paz, phaiz đêx, cà phê thiaz txir hmaz txir ntông; cxiz công an, cưk kho moz paz têx nênhs tưr. Lok six chôngz pêx xênhv tuôx saiz lov jêv ntưk, cxơưz nzir đas jos trâu têx nênhs tưr.

Têx nênhs tưr check in ntơưv tênhr trôngz têz cà phê.
Nênhs tưr cxaik zênhx zav ntơưv vax cà phê.
Têx nênhs tưr đhia lok txos qơư.
Tus pox niav tưr đhia 10 caik cêr lok txos qơư

Tưr đhia Marathon “Arabica” tỉnh Sơn La shông no tâu tso yar lus trơưk cêr gruô hu siz tưr “Iz tus pêx xênhv xair tsơưs yax cux iz môn thể thao fiv huv shâuv tsik so” chia huôv tsar cêr siz tưr shâuv thể dục thể thao hâur tsôngv pêx xênhv.

Têx nênhs tưr hâuk cà phê Arabica phường Chiềng An

Đhâu jias tưr đhia no, zuôr paz têx nênhs tưr thiaz kruô tâu ndis saiz têx qơư jông gâux, txux chi, piar kria cà phê thiaz têx qơư jông nuôv zax Sơn La.

Pêx xênhv ndis qơư txux chi phường Chiềng An.

Đhia suôx câuv, Ban tso yar tưr tưz krưr huv trâu 10 lênhx zênhx tiv iz, 10 lênhx zênhx tiv oz, 10 lênhx zênhx tiv pêz thiaz kruôk 40 lênhx pox niav txir nênhx trâu siaz tưr cxuô ntu cêr; kruôk 2 lênhx lâuk thiaz zâu yax hâur jias tưr.

Ban tso yar tưr puz huv kruôk têx pox niav tưr đhia 5 caik cêr.
Ban tso yar tưr puz huv kruôk têx pox niav tưr đhia 10 caik cêr.
Ban tso yar tưr puz huv kruôk têx pox niav tưr đhia 15 caik cêr.
Ban tso yar tưr puz huv kruôk têx pox niav tưr đhia 20 caik cêr.
Ban tso yar tưr puz huv kruôk têx pox niav tưr đhia 25 caik cêr.
Ban tso yar tưr puz huv kruôk têx txir nênhx tưr đhia 5 caik cêr.
Ban tso yar tưr puz huv kruôk têx txir nênhx tưr đhia 10 caik cêr.
Ban tso yar tưr puz huv kruôk têx txir nênhx tưr đhia 15 caik cêr.
Ban tso yar tưr puz huv kruôk têx txir nênhx tưr đhia 20 caik cêr.
Ban tso yar tưr puz huv kruôk têx txir nênhx tưr đhia 25 caik cêr.
Ban tso yar tưr puz huv kruôk 2 lênhx lâuk thiaz zâu yax.
Phênhz, saz lax

Cox yuôr 500/500 tus bê ntơưr

Bạn vui lòng nhập từ 5 ký tự trở lên !!!

Têx jâuv cox moz siaz txos

Mông yiaz

Xem thêm