Dự án Uô tiar txox cêr lox số 1A, vax pax Yar tiax lox Tây Bắc (ntu muk ntơưv cầu Trắng txos txox cêr lox 1A) tưz tâu uô tiar, muôz lok sir zôngv uô ntêx Hnuz grâuv pax Cà phê Sơn La jâus tiv oz. Dự án xav hur si 343 tỷ nhiax, tâu UBPX tỉnh Sơn La tso chai lês trơưk Quyết định số 1714/QĐ-UBND hnuz 21/8/2024 thiaz piz uô hnuz 30/7/2026. Hâur ntơư, yax 331 tỷ nhiax thêv ar shôngz ntông, yaik qơư nhoz yiaz trâu 76 ziv nênhs, xav hur si đar 6.500 m2, muôx 12 ziv nênhs nhoz oz saz txox cêr Điện Biên txix cầu Trắng txos cêr yuôv 1A, 10 ziv nênhs nhoz thax ar Công ty Cổ phần Môi trường thiaz Dịch vụ đô thị Sơn La saiz car, 54 ziv nênhs nhoz thax tsav jok yiaz Qơư uô si 26/10 thành phố Sơn La; yax 7 tỷ nhiax cxiv puôz, uô tiar hệ thống hạ tầng kỹ thuật lô số 1, lô số 2 nhoz oz saz tus đêx Nậm La, cxiv kho oz saz txox cêr Điện Biên, kriz đar txox cêr, uô tiar txox cêr yuôv txox cêr lox số 1A, cxiv puôz oz saz ntus cêr, cưx đêx, chaz điện pov cêr, tsêr tơưv trôngx hur si, por hưv tsav yêz muk lok nhaz xênhz...Uô tiar thiaz muôz zok sir zôngv txox cêr uô ntêx Hnuz grâuv pax Cà phê tỉnh Sơn La jâus tiv oz shông 2026, paz uô tiar txox cêr muk lok, cxiv kho đêx ar huôz chuô thax tsav Yar tiax lox Tây Bắc nyiaz hur thiaz pêx xênhv zôngx ziv muk lok.