Jâus no muôx 7 đơn vị hlôngr njêx muôs trâu têx tsêr luôv thiaz hợp tác xã huôv tsar, tu jông cà phê tuôx ntơưv tỉnh Sơn La thiaz thành phố Hà Nội. Têx paz nênhs tưz côngv tưr tor đêx cà phê hâuk thiaz kria têx kruô pâuz tsưr ziv tor đêx cà phê hâuk txâuk chai. Têx taik cà phê tov kaz tor đêx tiar tưz puz trâu têx kruô hâuk. Ban tổ chức tưz tso điểm trơưk têx tiêu chí: Qơư nthuôr, đêx hâuk kaz tsư ha, uô jông nthuôr thiaz tsưr ziv tor đêx. Đros ntơư, tsênhv xair têx hov cà phê kaz yax chia hlôngr njêx muôs muk txưv tưr ntiax têz. 

Cias tov kaz jâus tưr, cxiax cxênhv Gala Cà phê tưz tâu kriz lov jêv đrông ntưk. Ntơư zos jias chia têx chuyên gia tor đêx hâuk, ciz jov hmôngr đros nênhs hlôngr njêx muôs ngành cà phê hâur têz qơưk thiaz ntiax têz tâu siz njiz, kria pâuz tsưr ziv lok sâuv xair hov, ciz jov hmôngr cux li tor đêx hâuk. Cxênhx xưv no paz nênhs txuv pâuz mênhx đuô lok sâuv têx hov cà phê, đros ntơư paz lơưr tưx tor tâu muôx phaz nzưr têx taik đêx hâuk kaz txơưr hlo. Iz chas ntơư, tsênhv kruôk trâu tsưr ziv tor đêx hâuk thiaz cxơưz cov muôx chôngz lênhx pâuz txos nhiav zuôr cà phê Sơn La lok hâuk, Gala tsênhv zos jias kriz cêr siz chos uô luôv, paz têx nênhs huôv tsar cà phê thax tsav pâuz mênhx tiz nênhs cêr xar thiaz kria cxuô kror qơư pâuz đêz đar bê lax luôv. Đhâu no, đuôz, txux chi thiaz tiz nênhs Sơn La tâu kria pâuz đêz đar txos kruô nuôv zax. 

Ndax jias no, Ban tổ chức jias tưr tưz puz têx hov tưr trâu têx paz nênhs tưr tâu ntâu hov: Coz, txơưx njê, muôx phaz nzưr; puz côngz mênhx kruôk trâu têx nênhs côngv đros paz.