Côngv jâus no muôx đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh; têx đồng chí kuz thơưx car tỉnh; têx đồng chí Ủy viên Ban Thường vụ Tỉnh ủy; thơưx car têx sở, ban, ngành ntơưv tỉnh; thơưx car têx xã đros têx tuz luôv, hiệp hội, tsêr luôv, nênhs hlôngr têx ziv tuz kôngz chos cà phê siz khov đros công ty thax tsav tỉnh.

Tâu tsa tơưv shông 2018, Công ty Cổ phần Cà phê Detech zos tsêr uô tơưv cà phê ntâu tiv 4 ntơưv thax tsav kâuv Têz. Têx shông đhâu, tsêr luôv saiz hloz yâuz mông qơư uô tơưv cà phê Sơn La, cxơưz paz vax huôv siz luôs thiaz zôngv chai xav ntiax têz txos huôv tsar kôngz txir truôx njês. Kriz đar qơư uô tơưv, uô luôv cxiv tsa puôz tsêr máy uô tiar cà phê, chuôz tsưs yôngv gri huv cà phê zuk thax tsav.

Dự án Tsêr máy jov tiar cà phê Detech xav nhiax cxiv tsa 95 tiv đaiv, tâu cxiv puôz hâur thax qơư đar 3,43 ha ntơưv jok Chiềng Pha, xã Bình Thuận. Tsêr máy muôx đas jos uô tâu li 5.000 tấn cà phê nôngz iz shông, bâuv li muôs tas 25.000 tấn txir nhôngk, têx chuôz zênhx uô jông thiaz muôx têx kho đơưk hiav cêr nyiaz hur fiv txox chai zos.

Txix li qơư uô đar thiaz chuôz zênhx jông, tsêr máy tâu tok nrư pênhr xưv jov, paz chia tsêr luôv ndo njôngr têx zav txir cà phê kaz. Thâuv muôz lês nuv, tsêr máy zuôr uô ntâu tsar zav huv, txix cà phê nôngz njuôz Arabica kaz, cà phê ciz txos trà cascara, yôngv siaz pênhr xưv fiv huv têx ntơưr tênhv huv muôs trâu luôs oz chas têz ntâu.

Dự án tok txos cêr siz khov ntov đuô ntơưv qơư chos cà phê, tsêr luôv thiaz cêr zuôr muôs. Đhâu ntơư, paz yôngv siaz gri ndê ntơưv cà phê Arabica Sơn La, kho tâu jông txiax njis uô tơưv, cxơưz huôv tsar nux gri cà phê truôx njês thiaz chuôz tâu cêr siz khov trâu têx ziv chos cà phê siz khov đros tsêr luôv.

Fuô luk jâus no, đồng chí Chủ tịch UBPX tỉnh haik tiak: Sơn La muôx ntâu cêr txơưv zênhx txos huôz chuô, đêx ar chia huôv tsar cà phê Arabica kaz. Đhâu ntâu shông, ntông cà phê tưz yênhx iz hâur têx ntông chos zov chênhr, paz cêr nox nhoz, sâu nju nhiax txiax trâu pêx xênhv thiaz zênhv hnuz zênhv haik tsênhz kror kaz, bêx lax luôv hâur cêr pâur muôs. Tiav sik, gri huv tsuv yôngv siaz đhâu chuôz zênhx uô tơưv, kriz cêr siz khov uô tơưv, huôv tsar huv kaz thiaz kriz cêr pâur muôs. Cêr Công ty Cổ phần cà phê Detech cxiv tsa tsêr máy jov tiar cà phê ntơưv xã Bình Thuận lok sik txâuk kruôk. Dự án tsik zos pênhr nhiax thiaz đas jos uô ntâu xưz, tsênhv xav ntơưv pênhr xưv qơư chos cà phê đros chuôz zênhx jov thiaz cêr pâur muôs; muôx cêr zuôr nzir, txo tsơưs cêr cxơưx xênhz muôs cà phê txir nhôngk luz chaix đê txir, yôngv siaz gri thiaz tâu nhiax trâu nênhs chos cà phê.

Đồng chí Chủ tịch UBPX tỉnh kruôk txos cêr ndo njôngr, sir jos thiaz uô tias ntơưv Công ty Cổ phần cà phê Detech hâur cêr bax, gruô hu nhiax txiax thiaz côngv uô tiar têx nuv khov muôx chia kriz cxiv puôz dự án nzor đuô cêr xav lês. Chia cov dự án nzor muôz lok uô nuv, đồng chí cxiz cov Công ty côngv đas jos nhiax txiax, chuôz zênhx thiaz pênhr xưv saiz car chia fuô lês dự án cov jông, nhaz xênhz, muôx liv; lês cxix cxuô têx ntâuz ntơưr thiaz chai têz qơư trơưk uô ntêx zuôr lês yênhx zav cxiv puôz, lês nuv tâu huv. Moz siaz xair tsov chuôz zênhx jông, sir zôngv muôx liv têx txơưv zênhx, txuôs jos; lês ntov têx cêr khov por hưv qơư nhoz nyiaz hur, yax hlo zos sâu khơưk, liv đêx kiak nênhs thiaz tơưr cà phê; tsik chia hiav txos hâu đêx thiaz nox nhoz ntơưv pêx xênhv qơư dự án. Đros trâu cxiv tsa tsêr máy, nzor uô tiar faz siz khov đros hợp tác xã thiaz ziv chos cà phê, moz siaz chai zos tsênhv, tâus tâu qơư uô tơưv, zuôr muôs truôx njês thiaz fiv huv cêr muôx liv ntơưv tsêr luôv đros nênhs chos tơưv.

Têx sở, ngành ntơưv tỉnh tror kria, paz tsêr luôv uô tiar têx njiaz luk dự án nhoz faz saiz car, kho đơưk zênhx max têx khuôv đais trơưk vax huôv, txox chai. Cấp ủy, nov hâu xã Bình Thuận moz siaz txuôk chuôs tsêr luôv thiaz hợp tác xã, ziv chos cà phê chia dự án tsênhz mênhx tik cêr huôv tsar qơư chos tơưv, muôx nuv uô thiaz yôngv siaz cêr nox nhoz trâu pêx xênhv.

Tov kaz jâus piz cxiv puôz, Paz đại biểu tưz ndis saiz qơư chos tâu, nus txos qơư uô kôngz lông fiv huv huôz chuô txơưr txar zos Detech Coffee taz tov fuô lês ntơưv jok Bình Nguyên, xã Bình Thuận.