Sơn La nhiv no muôx yax 44.000 ha cà phê, têx txir đê shông 2026 xav tâu jê 51.000 tấn cà phê nôngz, zos tỉnh muôx cà phê Arabica ntâu yax pêz têz qơưk. Tas nro tỉnh tưz tsa tơưv 2 thax qơư chos cà phê zôngv chuôz zênhx jông, xav qơư chos yax 1.039 ha; 6 zav siz khov qơư chos đar yax 2.170 ha; muôx 28 tsêr luôv, HTX chos, luôv jov tơưr thiaz zuôr cà phê. Taz sik, uô tơưv cà phê cux tsênhv chor nhov hâur cêr tu, siz khov uô tơưv, saiz car jông thiaz tâus tâu qơư chos, thâuv cêr luôv zênhv hnuz zênhv khov jông txos cêr nyiaz hur, phênhv shuôv xã hội thiaz saiz car tsêr luôv.

Dự án SCE tâu fuô lês ntu 2026-2029 ntơưv Sơn La thiaz Lâm Đồng, zos SNV thiaz MSD lês, đros trâu cêr paz ntơưv Liên minh châu Âu hâur cêr xav tơưv Global Gateway, Tập đoàn JDE Peet's thiaz têx tuz luôv txơưr. Ntơưv Sơn La, dự án tâu UBPX tỉnh tso chai lês trơưk Quyết định số 2109/QĐ-UBND hnuz 19/8/2026; fuô lês thax tsav 4 xã, phường: Chiềng Cơi, Chiềng An, Chiềng Mai thiaz Chiềng Mung.

Dự án tis txos paz 65 tsêr luôv lok sik zâu, zâu thiaz tov thơưx đros têx tổ chức cik txos hâur zav gri cà phê ntơưv oz tỉnh yôngv siaz pênhr xưv lês têx cêr xav qơư lês, xã hội thiaz saiz car (ESG). Têx nuv côngv trâu cơưv nzir, kria cêr, paz tsưr ziv, cxiv kho chuôz zênhx cxênhz ESG; huôv tsar Trung tâm Tài nguyên ESG trực tuyến; kriz cêr thav tiv njêx muôs thiaz tâu siz côngv txix li tsêr luôv, HTX đros têx tổ chức nhiax txiax, nênhs cxiv tsa.

Txos shông 2029, dự án xar cov muôx 40 tsêr luôv, HTX, hiệp hội saz hax huv thiaz 25 tổ chức xã hội, đoàn thể tâu cơưv nzir ESG; 40% tsêr luôv zôngv chuôz zênhx ESG thiaz cxiv tsa cêr xav nuv uô. Tsov xav kriz 12 cêr thav ntâus tos, 2 cxênhx xưv siz chos cxiv tsa, uô 4 báo cáo xav tơưv hâur jêx jol; sir jos 75% tsêr luôv, HTX côngv zôngv lok sik kho lês ESG. Têx cêr tsưr ziv no tâu xav hur si trâu oz tỉnh Sơn La thiaz Lâm Đồng.

Ntơưv jâus saz lax, têx đại biểu nus txos cêr huôv tsar cà phê nhiv no ntơưv Sơn La, tsưr ziv kriz chos thiaz siz khov gri ntơưv Lâm Đồng; saz lax têx cêr chor nhov li têx cêr xav chai ESG, cêr khov paz ntơưv tsêr luôv, HTX thiaz nênhs chos cà phê. Têx ndâux luk cux khov txos têx zav tsik tsês siz côngv đros têx cơ quan saiz car, đơn vị lês têx dự án thiaz têx tos cik txos.

Dự án SCE paz tsêr luôv, HTX cxơưz pênhr xưv saiz car nhiax txiax, kho cxaz nuv uô tơưv, uô luôv, fiv huv cêr pâur muôs trâu luôs oz chas têz; cxơưz paz siz khov zav muôx gri, yôngv siaz cêr siz tưr ntơưv cà phê Sơn La, đros huôv tsar uô tơưv por hưv qơư nhoz nyiaz hur thiaz kho muôs tâu ntâu nhiax trâu nênhs chos.