Jias uô hâux lưv muôx đồng chí Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh; đồng chí Đặng Ngọc Hậu, Phó Chủ tịch UBPX tỉnh; têx thành viên Paz nov sox car trơưk Nghị quyết số 589 ntơưv HĐPX tỉnh; nov chox car cxuô sở, ngành ntơưv tỉnh thiaz xã Thuận Châu, Quỳnh Nhai, Yên Châu.

Njiaz luk sox car tsi njênhk têx hâux lưv muôz qơư uô hâux lưv uô cê, yuôr chuôz tav vax tsê, ar sênhv thiaz lês têx dự án cxưx nhiax sir zôngv ar txix nhiax tsik zos nhiax têz qơưk tus. Txix thâuv muôz têx đơn vị hành chính uô hâux lưv uô cê, tỉnh Sơn La muôx 75 xã, phường. Thôngz tỉnh nhiv no muôx 7.332 kror qơư vax tsê, ar, hâur ntơư 98 kror qơư tưz tâu zôngv uô qơư lês hâux lưv thiaz qơư taz pêx xênhv UBPX cấp xã. Chia saiz car, sir zôngv têx chuôz tav têz qơưk, UBPX tỉnh tưz chox car cxênhz yuôx, hlôngr zôngv têx vax tsê, ar fiv huv chai; jav zôngv uô qơư uô hâux lưv têz qơưk li: Uô qơư njuôk kho moz, choz kria thiaz uô qơư sơưr đơưk sir zôngv; zok zôngv chuôz tav trơưk đraiv chai.

Ntu shông 2021-2025, tỉnh Sơn La zôngs trơưk đraiv chai muôz nhiax uô 88 dự án sir zôngv ar zos têx nhiax tsik zos pênhr têz qơưk, tas nro nhiax chos luk zôngv yax 11.153 tỷ. Txos nhiv no, 34 dự án tưz uô tiar, 48 dự án taz tov uô, 4 dự án uô kênhz thiaz 2 dự án tưz nduô tsês. Iz cxia dự án lox li: Tas nro cxuô zav ntơưv Yar zus nhux cuô mik Mộc Châu, Trung tâm tu jâuz, kok, txir Doveco Sơn La, Qơư nuôv zax Mộc Châu Island tưz uô tâu lok zôngv. Taz sik, iz cxia dự án tsênhv tuôr thênhv tiv yêv qơư, ar thiaz uô têx ntơưr cxưx nhiax kênhz. Txos hnuz 23/6/2026, thôngz tỉnh yuôr 49 dự án tsênhv phiv liv, zuôr tâu siz chos đơưk cov sai.

Đhâu sox car, Paz nov haik mênhx iz cxia phiv liv hâur têx hâux lưv saiz car chuôz tav têz qơưk thiaz uô cxuô dự án tâu cxưx nhiax. Hâux lưv sox car, njuôk tsov chuôz tav ntơưv iz cxia cơ quan, đơn vị tsik tâu lês, têx ntơưr tsik tâu cxix; ntâu luz tsêr thiaz ar tsik tâu uô ntơưr chứng nhav vax huôv sir zôngv lok sik tsik tâu xav mênhx gri chuôz tav. Tsik muôx nhiax kho, por hưv tsêr uô hâux lưv thâuv tsik tâu zôngv txos; iz cxia qơư, đơn vị tsik tâu pâuz uô ntơưr zok chuôz tav. Iz cxia dự án zôngv nhiax tsik zos pênhr têz qơưk tsênhv uô kênhz, phiv liv thâuv yêv qơư, zok ar, ntiar ar thiaz hlôngr ar uô lưv zav.

Ntơưv jias uô hâux lưv, đồng chí Lò Minh Hùng cxiz Paz nov sox car sâu cov cxix têx ndâux luk saz lax, uô cov tiar têx ntâuz ntơưr, haik mênhx têx cêr phiv liv saiz car, zôngv chuôz tav têz qơưk thiaz gruô hu nhiax pênhr. Hâur ntơư, phaiz uô yênhx ntu zok vax tsê, ar tsik tâu zôngv txos; zok uô qơư choz kria, njuôk kho moz, qơư nthuôr txux chi, thể thao; muôz têx tsêr, ar trâu têx tsêr luôv, hợp tác xã ntiar uô lax luôv. Iz chas ntơư, cxiz UBPX tỉnh haik mênhx phênhv shuôv đros cxuô sở, ngành, cxuô qơư siz chos đơưk sai têx cêr phiv liv, tsik chia tuôr xuôv chuôz tav têz qơưk...

Hlôngr njêx muôs paz nov sox car, đồng chí Chủ tịch Thường trực HĐPX tỉnh, cxiz UBPX tỉnh, cxuô sở, ngành, cxuô qơư zênhx max cxênhz, uô cov tiar têx ntơưr sox car, tsênhr cov tsênhz mênhx, cxuô zav jông siz luôs, chia piar trâu Ban Thường vụ Tỉnh ủy thiaz saz lax trâu jias cơưv chuyên đề tiv 4 HĐPX tỉnh. Iz chas ntơư, haik mênhx têx vax tsê, ar uô kaz muôz têx qơư uô hâux lưv uô cê tsik tâu sir zôngv txos; xav mênhx phênhv shuôv saiz car, cxênhz yuôx têx dự án tâu tso chai cxưx nhiax uô, zênhx max paz têx tsưr cxưx nhiax đơưk cêr phiv liv, uô jông saiz car chuôz tav têz qơưk thiaz têx dự án sir zôngv nhiax tsik zos pênhr têz qơưk.