Pâuz mênhx saiz car cêr txơưx njê vax huôv hâur huôv tsar nhiax txiax kôngz lông, tỉnh pêz tưz fuô lês siz luôs jok ntâu hâux lưv, cêr chai paz cxiv tsa, tsov xav vax huôv thiaz huôv tsar chuôz tav cêr txơưx njê trâu têx hax huv kôngz lông zov chênhr ntơưv tỉnh. Hâur ntu 2021-2025, têx cơ quan chuyên môn ntơưv tỉnh tưz fuô lês 18 hâux lưv khoa học thiaz công nghệ cấp tỉnh; kria pâuz sâu bê puz yiaz thiaz sir zôngv kria pâuz qơư chos, tik bê lax luôv công nhav thiaz bê lax luôv paz pơưs trâu 281 tsêr luôv, hợp tác xã thiaz ziv nênhs huôv tsar kôngz lông. Cêr chai paz hlôngr yiaz chuôz zênhz, tik bê lax luôv thiaz khuyến công tâu moz siaz txos. Txix shông 2025 txos nhiv no, UBPX tỉnh tưz bax zuôr luôs 4 tỷ nhiax chia fuô lês têx đề án khuyến công; paz 15 kror qơư cxiv tsa thiaz sâu bê lax luôv, 10 kror qơư xav tơưv hnaz ntiv huv, paz ntâu kror qơư cxưx nhiax zuôr chuôz zênhx jông thiaz công nhav 30 hax huv xuôk máy uô jêx jok jông cấp tỉnh.

Txos luz 8 hli shông 2026, hur si tỉnh muôx 32 ntâuz ntơưr por hưv hax huv, tsưr ziv uô luôv gra thax tsav luz bê. Hâur ntơư, muôx 2 hax huv tâu por hưv nhoz oz chas têz; 3 hax huv tâu por hưv trơưk faz kria pâuz qơư chos mênhx pêv (cà phê Sơn La, yuôx zêx Shan tuyết Mộc Châu, txir mo môngk khênhx Yên Châu); 2 hax huv tâu por hưv trơưk faz tik bê lax luôv paz pơưs (jiz mur Sơn La, kok tsư ha Thuận Châu); 27 hax huv kôngz txir nox tâu por hưv trơưk faz tik bê công nhav, li: yuôx zêx Olong Mộc Châu, jâuz hur Mộc Châu, lưv tsiz Sông Mã, thênhx caz Phù Yên, yuôx zêx Phổng Lái, blêx blâuv Mường Và… Lar haik, shông 2026, công nhav bê lax luôv "Pak đêx lox Sơn La” tâu puz trâu hax huv, tsưr ziv uô luôv pak đêx tsêr máy tênhz đêx Sơn La, kria txos cêr huôv tsar yiaz hâur kriz đar chuôz tav cêr txơưx njê txix hâux lưv chos kôngz txir nox trâu tsưr ziv huôv tsar nuôv zax. 

Iz chas ntơư, tỉnh tưz cxiv tsa thiaz txuôs jông 216 mã chiv thax tsav chos, hâur ntơư muôx 152 mã số chiv thax tsav chos muôs trâu oz chas têz xav hur si đar yax 2.209 ha, paz tâu têx têz qơưk xair cêr lax luôv, li: Trung Quốc, Hoa Kỳ, Úc, New Zealand thiaz Liên minh châu Âu cêr xar. Txuôs jông 101 kror qơư huôv tsar kôngz lông txâuk chai VietGAP, GlobalGAP; 113 tsưr ziv uô luôv kôngz txir nox hur, chox tâu nênhs chos, hợp tác xã thiaz tsêr luôv hâur siz chos fuô lês ntov nti cxênhx cxênhv huôv tsar, tu jông thiaz uô luôv hax huv kôngz txir nox muôx kaz hâu, paz hlôngr yiaz kôngz txir nox, pâuz mênhx qơư chos thiaz sik tưr uô luôv ntơưv kôngz txir nox Sơn La.

Bê lax luôv gra thax tsav luz bê kror muôx gri taz tov tâu kria pâuz mênhx pêv thâuv luz bê nto mông hâur cêr lax luôv thiaz paz nênhs uô tơưv hax huv muôx liv. Lar haik bê lax luôv “Cà phê Sơn La”, tov kaz tâu por hưv luz bê txix shông 2017, txos nhiv no tưz tsar ntâu bâus kror muôx gri lax luôv, tâu kriz đêz đar thiaz muôx njêx muôs ntơưv têx tsêr thaz nzưr, cxuô luz ciaz hâur têz qơưk thiaz oz chas têz. Nhiv no hur si tỉnh muôx 44.000 ha cà phê nhoz 48 xã, xav hur si sâu tâu yax 50.960 tấn nôngz/shông; 8 tổ chức tâu Cục Saiz car cêr txơưx njê puz vax huôv sir zôngv kria pâuz qơư chos, 5 hax huv cà phê tâu công nhav OCOP, hâur ntơư 1 hax huv tâu công nhav OCOP 5 hnuz kuz cấp têz qơưk.

Tror fuô lês uô luôv bê lax luôv hax huv gra thax tsav luz bê, đros trâu cxiax cxênhv huôv tsar chuôz tav cêr txơưx njê thiaz tsưr ziv saiz car cêr txơưx njê, tỉnh pêz moz siaz uô tiar cêr chai saiz car thiaz cxiv tsa qơư sâu tsês ntâuz ntơưr số côngv zôngv trâu 32 ntâuz ntơưr por hưv gra thax tsav ntơưv tỉnh luz bê; tsov xav tso tơưv cêr chai paz sâu bê por hưv ntơưv cêr lax luôv oz chas têz trâu têx hax huv muôs trâu oz chas têz. Đros ntơư fuô lês têx cêr chai paz tsêr luôv, HTX tik bê lax luôv số, txuôk têx tsưr ziv sir zôngv cêr lax luôv điện tử, têx qơư phaiz muôs hax huv hâur têz qơưk thiaz oz chas têz, paz kôngz txir nox thax tsav muôx ntâu hlôngr yiaz, tsar gri nhiax txiax thiaz nhav nxias por hưv jông bê lax luôv kôngz txir nox Sơn La.