Paz côngz xưv tưz muk cxênhz yuôx ntơưv jok Lẩy, muk shuôk thax tsav tuôr xav cxiv tsa jok yiaz chia yaik pêx xênhv nhoz jok Lẩy, xã Muổi Nọi muk nhoz.

Hâur hli 8/2026, ntux lok nas ntêr uô trâu đêx cuôr, tox poz ntơưv xã Muổi Nọi, uô trâu 210 zis nhoz hâur jok Bon, Phặng thiaz jok Lẩy zuôr tsuv yaik muk nhoz qơư yiaz; hâu ntơư, 27 zis nhoz hâur jok Lẩy tâu yaik zênhx max muk trâu qơư yiaz. Ntux lok nas tưz uô hiav txos trâu ntâu luz tsêr, kôngz lông, cêr muk lok. Xav hiav tas lơưv yênhx tỷ đaiv nhiax.

Cias tov kaz ntux nas hiav, xã Muổi Nọi tưz gruô hu sơưr đơưk yaik muk trâu qơư nhoz yiaz, sir zôngv mair thoz, huk cêr. Xã tưz siz khov đros trâu têx sở, ngành cxiv tsa qơư nhoz yiaz trâu pêx xênhv jok Lẩy, muôx 27 zis, 135 lênhx nênhs, hur si nhiax lês hâux lưv tuôr xav tas 23 tỷ đaiv. Nhiv no thax tsav taz tov moz siaz lês tiar têx cêr chai chia cov nzor fuô lês dự án.

Chia cov đơưk zênhx max têx cêr phiv liv, paz pêx xênhv luz nênhx tâu jông đuô, xã khov cov cấp, ngành nzor cxênhz têx qơư tox poz, yaik pêx xênhv nhoz trâu qơư yiaz; paz nhiax chia kho cêr muk lok cxuô zav cov tâu jông.

Muôx luk jias cxênhz yuôx, đồng chí Phó Bí thư Tỉnh ủy, Chủ tịch Ủy ban MTTQ Việt Nam tỉnh tưz kruôk txos cêr sir jos ntơưv xã Muổi Nọi hâur paz đơưk cêr phiv liv trâu pêx xênhv. Đồng chí cxiz cov xã siz khov truôx khor đros têx sở, ngành yaik pêx xênhv nhoz muk trâu qơư nhaz xênhz thiaz paz cxiv tsa pêx xênhv luz nênhx cov tâu jông đuô. Đros ntơư, moz siaz fuô kỉa, paz muôx cêr thôngx siaz hâur yaik pêx xênhv muk nhoz qơư yiaz, yax hlo zos thax tsav pêx xênhv hair nênhs tsơưs; gruô hu cxuô tus khênhx, paz pơưs chia đơưk zênhx max têx hâux lưv hâur thax tsav.