Paz nov tưz cxênhz thax hâux lưv lês Dự án yêv pêx xênhv muk nhoz truôx qơư ntơưv jok Mường Chiến, xã Ngọc Chiến; cxênhz thax qơư zuôr yêv pêx xênhv zênhx max ntơưv jok Kẻ, jok Lọng Cang, xã Ngọc Chiến.

Txix hnuz xiaz 5/7 txos hnuz 25/8/2026, tiv cox chuô số 1 ntux lok nas hloz, tsik tu ntêr tưz uô trâu đêx huôv cuôr tox poz ntơưv xã Ngọc Chiến, puôk tas 111 luz tsêr; hâur ntơư, 10 luz tsêr vâu tas hur si, 41 luz tsêr puôk tsuôx saz zuôr tâu yêv zênhx max. Hiav puôk tas ntâu kôngz lông, cêr yêz, cưx đêx, qơư tok đêx hur. Têx xor, ndêx điện hạ thế thiaz đêx nhaz oz luz tsêr máy điện đêx Nậm Khốt, Ngọc Chiến, uô trâu thax tsav no điện tuôs, xor tôngx tu nduô hu tsik tâu hâur 3 hnuz siz lơưr lias. Xav tas nro pôngz yax 166 tỷ nhiax.

Tsi njjênhk đơưk cêr phiv liv ntux nas hiav, xã tưz gruô hu nênhs cias ntơưv qơư paz pêx xênhv; cxiz nênhs muk shuôk, paz têx ziv pêx xênhv ntux nas hiav saz; nhav huv, phaiz trâu pêx xênhv, phaiz zuôr luôs 950 triệu nhiax thiaz 1.088 poz huv trâu têx ziv pêx xênhv ntux nas hiav.

Nhiv no, xã taz tov lês Dự án yêv pêx xênhv ntux nas hiav ntơưv jok Mường Chiến, tas nro zuôr zôngv tas 35 tỷ nhiax txix pênhr nhiax Trung ương bax tsês shông 2025 thiaz têx nhiax tỉnh, chia paz yêv 52 ziv pêx xênhv thax tsav tox zôngx ziv. Txos nhiv no, dự án tưz zok qơư; đơn vị lênhv uô tưz taz tov cxiz máy, chuôz zênhx uô.

Chia đơưk têx cêr phiv liv ntux nas hiav, paz tâu pêx xênhv nzor uô nênhx truôx njês, xã khov cấp muôx vax huôv jav nhiax paz uô 3 kror qơư yêv 94 ziv pêx xênhv ntơưv têx jok Kẻ, Lọng Cang, Đông Xuông; paz yêv zênhx max thiaz kho tsêr trâu 69 ziv pêx xênhv ntux nas hiav vax tsê saz; iz chas ntơư, phaiz têx nhiax pênhr kho cêr thiaz cxuô zav tsênhv chênhz cov pêx xênhv tror uô nox truôx njês.

Câuk luk ntơưv jias cxênhz yuôx, đồng chí Phó Bí thư Tỉnh ủy, Chủ tịch Ủy ban MTTQ Việt Nam tỉnh, tưz kruôk têx hâux lưv cấp ủy, nov hâu thiaz pêx xênhv xã Ngọc Chiến sir jos njok tir tar ntux nas hiav, paz pêx xênhv muôx txâuk nox txâuk sir zôngv. Đồng chí cxiz xã cov tror cxênhz saiz pêx xênhv khov paz đaz tsi; trâu siaz fuô chai, gruô hu pêx xênhv đơưk cêr phiv liv, tror kho đuô têx liax têz; zênhx max yêv pêx xênhv muk nhoz truôx trâu qơư nhaz xênhz. Đros cxuô sở, ngành siz chos đơưk sai têx cêr phiv liv ntux nas hiav; saiz car, sir zôngv cxuô cêr paz max fiv huv, cov pêx xênhv nzor uô nênhx truôx njês.