Hâur jias njiz njêx muôs, đồng chí Vũ Ngọc Lý tưz kria pâuz hâux lưv ntơưv Tổng Lãnh sự quán thiaz cêr siz khov ntơưv Việt Nam đros têx thax tsav Kâuv têz qơưk Lok Tsuôk. Hâur ntu đhâu, têx hâux lưv hâur thax tsav tưz tâu kriz lov jêv ntưk. Txix hâu shông txos nhiv no, Tổng Lãnh sự quán tưz muôx yax 40 paz côngz xưv ntơưv têx tỉnh, thành phố thiaz cơ quan, đơn vị Việt Nam muk trâu têz qơưk Lok Tsuôk chia uô côngz xưv.

Hâur ntơư, Sơn La zos iz hâur têx thax tsav tưz moz siaz fuô lês hâux lưv đros têx tỉnh têz qơưk Lok Tsuôk siz khov. Têx hâux lưv siz khov moz siaz txos trâu saz choz kria ntơưr, njuôk kho moz, huôv tsar kôngz lông thiaz paz chuôz zênhx chia huôv tsar nhiax txiax - xã hội hâur têx thax tsav ntơưv têz qơưk Lok Tsuôk. Đồng chí Vũ Ngọc Lý tưz kruôk txos cêr sir jos ntơưv tỉnh Sơn La, đros ntơư xar cov tỉnh tror moz siaz siz khov đros trâu Tổng Lãnh sự quán, paz lês tâu jông đuô hâux lưv siz khov đros trâu têx thax tsav ntơưv oz luz têz qơưk.

Đồng chí Vũ Ngọc Lý cux kria pâuz têx cêr phiv liv ntơưv têx tỉnh Kâuv têz qơưk Lok Tsuôk, yax hlo zos huôv tsar cêr muk lok thiaz nhiax txiax - xã hội. Hâux lưv fuô lês têx tsưr ziv cxơưz paz trâu têx thax tsav tsênhv muôx ntâu zav khuôv đais lok sâuv cêr chai. Nhiv no, Tổng Lãnh sự quán taz tov siz khov cxênhz têx công trình, dự án zos Việt Nam paz uô ntêx ntơư, chia tso tơưv tsưr ziv lês jông đuô hâux lưv siz khov hâur ntu zuôr txos.

Muôx luk hâur jias, đồng chí Cuôv Xênhv Tsaz haik tiak tỉnh Sơn La puôr lênhx moz siaz txos trâu hâux lưv huôv tsar, bôngs nzir cêr siz khov txix li têz qơưk Việt Nam – Lok Tsuôk; đros ntơư tsưx truôx cêr siz khov truôx khor đros têx thax tsav ntơưv têz qơưk Lok Tsuôk. Hâur ntu đhâu, tỉnh tưz fuô lês ntâu hâux lưv cxơưz paz hâur saz choz kria ntơưr, njuôk kho moz thiaz huôv tsar kôngz lông, hâu ntơư paz zuz ntông, kria nzir tsưr ziv uô kôngz chia paz cxiv kho pêx xênhv luz nênhx tâu jông đuô.

Đồng chí Cuôv Xênhv Tsaz thav pâuz, txix li têx cêr phiv liv lok sâuv cêr chai, pênhr nhiax, tỉnh Sơn La taz tov tuôr xav kho đuô tsưr ziv paz cov fiv huv thiaz tâu jông đuô.

Đồng chí Cuôv Xênhv Tsaz tưz khov cov Tổng lãnh sự quán Việt Nam ntơưv Luông Pha Bang tror moz siaz siz khov, kria pâuz têx mông, paz tỉnh Sơn La fuô lês jông têx hâux lưv siz khov. Đros ntơư, moz siaz fuô kria, zaz zâuv pêx xênhv hâur thax tsav đriv têz, yax hlo zos pêx xênhv hair nênhs tsơưs lês ntov nti têx cêr chai lok sâuv saiz car đriv têz, paz por hưv njias to thax tsav, paz bôngs nzir cêr thôngx siaz txix li oz têz qơưk Việt Nam - Lok Tsuôk.