Thax tsav pak đêx Quỳnh Nhai taz tov tsưx truôx 256 ha blaiv đêx chia tu 4.000 luz guôx njêk. Hâu ntơư, xã Quỳnh Nhai tâu pâuz txos zos thax tsav tu zus tsiax đêx ntâu hâur thax tsav đros trâu yax 2.800 luz guôx njêk, 24 hợp tác xã (HTX) thiaz yênhx puô zis nênhs tu zus tsiax đêx. Xav têx tsiax đêx hâur thax tsav xã Quỳnh Nhai tâu yax 1.000 tấn/shông. Nhiv no pêx xênhv hâur thax tsav tưz hlôngr yiaz chia tu têx tsiax đêx muôs tâu gri, li: Njêk lăng, njêk chiên, njêk nox jâuz. Iz cxia HTX hâur thax tsav tưz moz siaz muôz nhiax huôv tsar têx qơư lês hâux lưv, paz trâu têx hax huv muôs tâu gri đuô.

Txix shông 2015, tix lâus Lò Văn Bình, nhoz trâu jok Chiềng Ơn, xã Quỳnh Nhai zis nênhs tưz muôz 240 triệu đaiv chia uô 15 luz guôx zus njêk nox jâuz, njêk chép, njêk kar. Tov kaz pâuz nzir tsưr ziv tu thiaz pâuz têx nênhs sir zôngv siaz nhiav, shông 2017, tix lâus tưz hlôngr chia tu njêk lăng muôs tâu gri. Tix lâus Bình thav pâuz: Txix li tu trơưk đraiv tsưr ziv thiaz phax tar caz moz hiav, têx njêk tưz hloz jông.  Nhiv no cur zis nênhs tưz huôv tsar tâu 40 luz guôx, iz luz mak tso zuôr luôs 1.000 tus njêk, siz khov đros trâu HTX Độ Thiết hâur thax tsav xã chia muôz têx hax huv muôs hâur Hà Nội. Fênhx đraz yênhx shông, cur zis nênhs tưz muôs tâu yax 15 tấn njêk đros trâu 70.000 - 80.000 đaiv/chiaz, tsik xav têx pênhr mak sâu tâu txix 400 - 450 triệu đaiv.

Tu zus tsiax đêx taz tov zos faz tsưr ziv zov chênhr chia paz trâu pêx xênhv truôx njês luz nênhx thiaz uô bluô nux. Zơưs Nguyễn Ngọc Tú, Chủ tịch UBPX xã Quỳnh Nhai, thav pâuz: Xã tưz phaiz cán bộ chuyên môn cxênhz yuôx thax tsav, kria pêx xênhv tu trơưk đraiv cêr chai thiaz kria sơưr đơưk tu têx guôx cov jông hâur luz chaix ntux nas; kriz tso njês trâu hâur pak đêx chia cov muôx nzir njêk. Hâur ntu zuôr txos, xã zuôr tror moz siaz huôv tsar hax huv OCOP, moz siaz fuô kria têx hax huv chia cov muôx qơư muôs truôx njês.

Hok hâur xã Mường Chiên, đros trâu 103 ha blaiv đêx thiaz yax 100 luz guôx njês, xav sâu tâu 162 tấn/shông, xã tưz moz siaz siz khov huôv tsar têx qơư tu zus tsiax thav pâuz: Xã taz tov paz zôngx ziv chia HTX Tu zus tsiax đêx thiaz Huôv tsar nuôv zax Quỳnh Nhai fuô lês dự án hâur thax tsav. Hâur ntu 1 hur si nhiax lês hâux lưv tas yax 50 tỷ đaiv, dự án chia kriz đar têx qơư nuôv zax, ndis shuôk uô si, paz muôx hâux lưv uô trâu pêx xênhv hâur thax tsav.

Đros trâu hâux lưv sir zôngv tâu jông têx zav muôx txơưv hâur thax tsav chia huôv tsar nuôv zax, têx thax tsav tưz moz siaz lês jông côngz xưv por hưv đêx ar, huôz chuô nyiaz hur thiaz tso njêk trâu hâur pak đêx. Txix hâu shông txos nhiv no, xã Mường Giôn tưz tso 34.000 tus njêk trâu hâur pak đêx, moz siaz cxênhz 390 luz guôx njêk hâur thax tsav. Hok ntơưv xã Mường Sại, đros trâu hâux lưv huôv tsar 585 luz guôx njês sâuv blaiv đêx, pêx xênhv tưz lês trơưk đraiv têx cêr chai lok sâuv suô njêk thiaz por hưv têx tsiax đêx.

Pak đêx đar ntơưv thax tsav Quỳnh Nhai tsênhv kriz đar tsưr ziv huôv tsar điện yar ntux. Nhiv no, thax tsav no muôx 8 dự án điện yar ntux sâuv blaiv đêx tưz tâu tso chai lês thiaz muôz ntơưr chứng nhav chos luk muôz nhiax les hâux lưv; zov chênhr zos 2 dự án lox zos Công ty cổ phần VinEnergo uô tsưr cxưx nhiax, tuôr xav tâu fuô lês hâur têx hli kaz shông 2026. Nov hâu têx xã taz tov siz khov đros tsưr cxưx nhiax cxênhz yuôx thiaz lês tiar ntâuz ntơưr chia muôz nhiax lês hâux lưv. Thâuv muôz lok sir zôngv, iz chas cxaz nzir điện trâu têz qơuk, têx dự án no tsênhv paz huôv tsar nhiax txiax yiaz thiaz paz muôx hâux lưv uô trâu thax tsav.

Hâur ntu zuôr txos, têx xã hâur thax tsav zuôr tror huôv tsar têx qơư tu zus tsiax đêx đros trâu huôv tsar nuôv zax. Yax hloz zos huôv tsar têx tour nuôv zax ndis shuôk uô si ntơưv thax tsav pak đêx. Đros ntơư, moz siaz gruô hu têx dự án jông, tsi njênhk muôx cêr siz khov truôx khor, đros trâu por hưv đêx ar, huôz chuô nyiaz hur chia cov thax tsav pak đêx huôv tsar njuôz hur, truôx njês.