Hâur tas nro 9 tus txâuk chai, muôx 6 lênhx thor uô hâux lưv trâu Paz nênhs Saiz car gri hax huv số 01, 03, 04 thiaz 06 zos Chi cục Saiz car gri hax huv, Sở Công Thương saiz car; 1 tus thor uô hâux lưv trâu Phòng Ngoại vụ thiaz Biên giới zos Sở Ngoại vụ saiz car; 1 tus thor uô hâux lưv trâu Phòng Nênhs muôx côngz thiaz Lao động nriar hâux lưv uô Sở Nội vụ; 1 tus thor uô hâux lưv trâu Phòng Nông nghiệp thiaz Môi trường phường Tô Hiệu.

Lok sâuv chuyên môn, têx nênhs thor hâux lưv no cơưv tas đại học lok sik thạc sĩ hov coz. Hâur ntơư, iz cxia zos têx nênhs cơưv txơưx tưr tâu hâur cxuô jias tưr shuv xênhz coz cấp tỉnh, cấp thành phố lok sik tưr tâu điểm siaz yax ngành choz kria. Ntơư, zos têx chai tâu zôngv chia xair têx nênhs txơưx njê trơưk Nghị định số 179/2024/NĐ-CP hnuz 31/12/2024 fuô mênhx têx cêr chai sir zôngv nênhs txơưx njê uô hâux lưv hâur cơ quan Đảng, Têz qơưk, Mặt trận Tổ quốc Việt Nam thiaz têx tổ chức chính trị - xã hội. 

Jias xair công chức tỉnh Sơn La shông 2026 tưz piz lês txix thâuv 7 six 30 phút hnuz 22/10/2026 ntơưv Yar cơưv Cao đẳng Sơn La. Têx nênhs thor hâux lưv tâu xair trơưk tưr vấn đáp, iz lênhs 30 phút, tâu bax 15 phút uô ntêx zuôr têz têx khơư luk nus. Chia cov jias xair tâu lês trơưk đraiv chai, têx nênhs thor hâux lưv sox nyik cxuô ntu sâuv Trang thông tin điện tử Sở Nội vụ https://sonoivu.sonla.gov.vn pâuz mênhx số báo danh, qơư tưr thiaz cxuô zav cik txos.