Ntơưv hnuz grâuv pax, 34 qar tsêr huv, tsêr ntâuz tưz nthuôr muôs kôngz txir nox, hax huv xuôk têk uô cênhz cưv tâu kriz đros kror siz chos lês ntơưv têx jok, hợp tác xã hâur thax tsav xã Bình Thuận thiaz têx xã Mường Khiêng, Muổi Nọi, Quỳnh Nhai. Têx qar tsêr huv tưz kria pâuz cxuô zav hax huv jông txơưr hlo, chuôz zênhx uô liax têz, hax huv xuôk têk uô thiaz qơư nthuôr pêx xênhv cxuô hair nênhs txux chi, paz pêx xênhv kria sơưr đơưk pâuz zuk têx hax huv jông, tâu siz njiz, saz lax tsưr ziv huôv tsar kôngz lông. Iz chas ntơư, hâux lưv kriz tưr qơư nthuôr txux chi jông, kria pâuz jâuz mor hair nênhs tsơưs kaz cxơưz cxiv kho têx cêr uô nênhx cênhz cưv, paz pêx xênhv thiaz kruô nuôv zax pâuz mênhx đuô pêx xênhv thax tsav txox chai thiaz txux chi.

 

Ntơưv Ciaz tênhv chaix Pha Đin - gra tuôx kror siz nthuôr txux chi thiaz uô luôv kôngz txir nox cênhz cưv. Pêx xênhv, kruô nuôv zax tâu fuô lês têx hâux lưv nhoz trơưr pêx xênhv tox siaz luz nênhx, lar haik ndis shuôk chuz mor, tuôr nduôr txos puôz tơưv luz nduôr blêx, paz kruô nuôv zax pâuz nzir tsưr ziv uô jâuz mor cênhz cưv kaz thiaz kror jông yax hlo hâur txux chi jâuz mor tox siaz.

 

Cxênhx cxênhv zov chênhr hâur hnuz grâuv pax zos hâux lưv cxiv kho Hnuz grâuv pax Láng Pang Ả ntơưv pêx xênhv hair nênhs La Ha, tâu hu đuô luz bê zos hnuz grâuv pax uô tsâus. Ntơư zos txox chai cênhz cưv kria pâuz kror uô tsâus pox côngz zơưv txưr, têx nênhs muôx côngz cxiv tsa jok thiaz xênhz têz xênhz qơư. Hâux lưv cxiv kho hnuz grâuv pax paz kria pâuz têx kror muôx gri hâur luz nênhx, txux chi thiaz đaz kruô ntơưv hair nênhs La Ha, hlôngr yiaz cêr xar lok sâuv txuôs jông puôr fênhx thiaz cxơưz uô tiar phênhv shuôv txuôs jông zuk hair nênhs txux chi ntơưv têx fâuv nênhs.

 

Iz chas têx hâux lưv nthuôr txux chi, hnuz grâuv pax tsênhv kriz tưr muk tơư "Ndis shuôk Pha Đin- Muk trơưk yaik truôv cênhz cưv", gruô hu yax 200 vận động viên zos cán bộ, công chức, viên chức tuôx ntơưv têx cơ quan, đơn vị, yar cơưv hâur thax tsav xã côngv muk. Đros trâu đêz 1 caik, hov tưr chia xav tơưv kror qơư cơưv shâuv muôx đas jos, cxơưz lês jông cêr sik tưr thể dục thể thao, đros ntơư tsênhv zaz zâuv pêx xênhv sơưr đơưk côngv ndis shuôk tox trôngz hâur pêk thiaz txơưx pâuz cênhz cưv thiaz thax ar Pha Đin kror muôx gri.

Đros trâu nthuôr ntâu hâux lưv, Hnuz grâuv pax kôngz txir nox thiaz têx hâux lưv txux chi - nuôv zax xã Bình Thuận shông 2026 paz kria cxuô kror qơư pâuz, txuôk cêr uô luôv kôngz txir nox, txux chi cênhz cưv kror muôx gri thiaz tsik tsês tâu kror siz njiz hâur têx thax tsav. Đhâu no, sir zôngv muôx kaz hâu xênhz txơưv, muôx liv lok sâuv kôngz lông, txux chi, tox trôngz hâur pêk, iz phênhv tưs huôv tsar têx hax huv nuôv zax ndis shuôk, zos qơư chuôz zov chênhr cxơưz huôv tsar nhiax txiax- xã hội thax tsav./.