Dự án điện đêx tích năng Đông Phù Yên tsov xav cxiv tsa ntơưv xã Mường Bang thiaz Mương Cơi, đar 425 ha, đros thax tsav txar pêx xênhv qơư đar 15 ha. Dự án muôx jos 1.200 MW, muôx 4 tổ máy, dự án xav nhiax uô ntu 1 zuôr luôs 21.500 tỷ đaiv, ntu 2 nto 6.400 tỷ nhiax. Tov kaz uô tiar zuôr tso điện trâu six chôngz nênhs zôngv yênhx hnuz, six hơưv tso điện tsik so 7 six hơưv. Ntơư tâu sai zos tsưr ziv zov chênhr chia hlôngr yiaz tsưr ziv saiz car chuôz zênhx điện têz qơưk, paz por hưv điện nhaz xênhz hâur ntu zênhv hnuz zênhv muôx chôngz lênhx sir zôngv điện li nhiv no, đros ntơư, zos qơư chuôz muôx jos lox paz tỉnh Sơn La sâu nju nhiax txiax trâu ntu zuôr txos.

Txos nhiv no, côngz xưv njuôk ar, cxok pak chiv, cxênhz yêv qơư tưz tâu công ty thiaz têx thax tsav cik txos lês; cêr muk tưz tiar; cxuô zav bax tâu tok piz cxiv puôz, tsov xav hnuz 15/11/2026.

Ntơưv jias no, thơưx car Công ty cổ phần Tập đoàn Xuân Thiện khov tỉnh Sơn La chox car cxuô sở, ngành thiaz thax tsav tsik tsês siz chos lês, paz tsêr luôv uô tiar têx cêr chai cik txos; zênhx max đơưk tâu sai cêr txov nhêv, khuôv đais, nhav nxias têx kror txâuk chai piz uô dự án zos cêr tuôr xav.

Fuô luk ntơưv jâus uô hâux lưv, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh haik mênhx: Sơn La zuôr đros paz tok cêr têx tsêr luôv cxiv tsa huôv tsar têx dự án điện, điện uô đuô trâu zuk thax tsav; ntơư tâu saiz zos nhiax txiax paz por hưv njias to têz qơưk, chuôz jos sâu nju nhiax txiax ntơưv tỉnh. Cxiz cov Công ty cổ phần Tập đoàn Xuân Thiện côngv muôz lok zôngv ntâu zav pênhr, tưx tsov xav fuô lês siz luôs jok têx faz, yuôx yênhx zav nuv chia bax cxix cxuô piz uô dự án. Têx sở, ngành, thax tsav đros tsưr tso nhiax uô, kria pâuz, paz lês tiar zênhx max têx ntâuz ntơưr trơưk vax huôv; ndo njôngr kria pâuz, taix khov đơưk têx njiaz luk tsik tâu vax huôv, nhav nxias têx zav piz cxiv puôz dự án trơưk cêr tuôr xav, chuôz jos chia uô cov huv hnuz nhôngs, nhaz xênhz thiaz muôx kaz hâu.