Têz qơưk hâux lưv huôv tsar txux chi - xã hội, jêx jok, hair nênhs tsơưs tox siaz ntu 2026 - 2035 tâu Quốc hội tso chai cxưx nhiax uô trơưk Nghị quyết số 46/2026/QH16 hnuz 24/8/2026; Chính phủ fuô mênhx cxênhx cxênhv, cêr chai trơưk Nghị định số 387/2026/NĐ-CP hnuz 12/10/2026. Hâux lưv côngv muôz lok uô cê 4 hâux lưv têz qơưk: Huôv tsar txux chi; hlôngr yiaz choz kria ntơưr; cxiv tsa jêx jok yiaz, cxuz cêr yaiz pluôs truôx njês thiaz huôv tsar nhiax txiax- xã hội thax tsav pêx xênhv hair nênhs tsơưs thiaz tox siaz; por hưv muôx đas jos, toz hâu nênhs thiaz huôv tsar. 

Hâux lưv muôx 6 nhóm cxênhx cxênhv: Tsov xav, vax tsêr cêr muk lok zov chênhr, jêx jok; ziv pluôs trơưk cêr chai yiaz, jêx jok yiaz, nhiax txiax jêx jok, paz muôx hâux lưv uô; choz kria ntơưr; kho moz, toz hâu nênhs; txux chi; cêr chai paz thax tsav pêx xênhv hair nênhs tsơưs thiaz tox siaz; côngv zôngv ntâuz ntơưr, cêr txơưx njê, cxênhz yuôx, fuô kria. Iz cxia tsưr ziv zuôr tsuv lês hâur hur si têz qơưk txos shông 2030 muôx 65% xã tâu côngz jêx jok yiaz; têx ziv pluôs trơưk cêr chai yiaz grêk 1% - 1,5%/shông; têx tsôngv ziv pluôs trơưk cêr chai yiaz thax tsav pêx xênhv hair nênhs tsơưs thiaz tox siaz muôx zuôr luôs 10%; thax tsav pêx xênhv hair nênhs tsơưs thiaz tox siaz phênhv ntâu tưz tsik yuôr xã, thôn/jok lok six txov nhêv.   

Ntơưv jias cơưv, têx đại biểu tưz moz siaz saz lax, muôx ndâux luk trâu tsưr ziv cơ quan thường trực thiaz Văn phòng điều phối cấp tỉnh; tsov xav Quyết định cxiv tsa Ban Chox car, Cêr chai uô hâux lưv thiaz Kria pâuz phaiz hâux lưv uô mênhx pêv trâu têx thành viên; têx bê ntâuz ntơưr cêr chai tsuv tso tơưv; tsov xav tsưr ziv 5 shông thiaz bax nhiax pênhr fuô lês hâux lưv hâur shông 2027.

Câuk luk jias cơưv, đồng chí Phó Bí thư Tỉnh ủy, Chủ tịch UBPX tỉnh cxiz cov cxuô sở, ban, ngành thiaz thax tsav zênhx max cxênhz yuôx têx bê ntâuz ntơưr tsuv tso tơưv kria trâu UBPX tỉnh pâuz; zênhx max uô tiar ntâuz ntơưr piar HĐPX tỉnh têx nghị quyết lok sâuv phaiz nhiax, muôz nhiax thêv; cxiv tsa tsưr ziv fuô lês hâux lưv ntu 2026 - 2030 fiv huv luz nênhx, muôx kaz hâu, paz uô ntêx trâu hâux lưv piz uô nox, đêx hur sir zôngv, vax tsêr, cêr muk lok, kho moz, choz kria ntơưr, txuôs jông txux chi, tsik tsês huôv tsar kôngz lông, OCOP thiaz nuôv zax jêx jok đros trâu uô lax luôv thiaz paz muôx liv trâu jêx jok. Sở Tài chính chox car, đros cxuô sở, ngành thiaz têx cơ quan cik txos cxênhz yuôx cêr xar, tsưr ziv tsov xav nhiax zôngv thiaz têx nhiax pênhr zos chai; bax tsưr ziv uô, tsov xav shông 2027 trơưk cêr chai; saz lax xa nhiax pênhr zos chai; têx đơn vị, thax tsav zênhx max uô tiar cêr chai cxưx nhiax uô dự án chia nhav nxias lês tiar hâux lưv kênh nhiax uô zos hnuz nhôngs tênhv, tsik chia mas txiar nhiax pênhr trâu shông 2028. Sở Kôngz lông thiaz Môi trường tâu saiz zos cơ quan zov chênhr chia cxiv tsa qơư cxiz njôngr uô tiar hâux lưv; Ủy ban Mặt trận Tổ quốc tỉnh cxênhz yuôx; thơưx car cxuô cơ quan, đơn vị tsuv nhav phênhv shuôv trâu zuk têx hâux lưv uô tâu.