Gameshow muôx 50 jax cưr cxiax, trax, sênhr chêr zos têx nênhs nthuôr cêr lov jêv 4 luz jok: Suối Tọ, Trò, Lũng Khoai thiaz Suối Khang chox tuôx tưr. Cxuô paz tưz siz chos tưr hâur 3 phênhv: “Têk txơưx, gruôs uô”, “Suôz cưr cxiax jông, txơưx trax” thiaz “Têx txux chi, thể thao cênhz cưv”. 

Iz phênhv tưr muôx ntâu zav lok six jông, txix têx têk txơưx uô tơưv têx huv jông txos têx suôz cưr cxiax tox siaz, têx jax sênhr chêr thiaz têx cêr lov jêv trơưk cênhz cưv. Cxuô paz nênhs tưr puôr lênhx cuz, sir jos njok siz tưr, tâu pêx xênhv saiz kruôk nxiak, uô trâu hnuz nthuôr txux chi hax zav lov jêv, nthuôr cxix cxuô têx txux chi Hmôngz toz siaz Suối Tọ. 

Gameshow “Côngv cêr lov jêv jêx jok” zos iz jias chia têx nênhs nhiav txux chi, têx paz nênhs nthuôr cêr lov jêv cxuô luz jok tâu siz njiz, siz cơưv shâuv, siz chos cxơưz sơưr đơưk cuz siaz tsưx hưv thiaz nthuôr huôv txux chi cênhz cưv hair nênhs.

Đhâu cxuô phênhv tưr, Ban tso yar nthuôr cêr lov jêv krưr huv kruôk têx paz nênhs tưr tâu coz tiv iz, oz, pêz trâu têx nênhs tưr. Ndax no, đơn vị côngv paz zos Trung tâm Paz huôv tsar choz kria Minh Tâm tưz krưr 8 poz huv trâu têx ziv nênhs têz qơưk muôx chai paz hâur xã, xav iz poz 500.000 nhiax.